പാ​ലാ: നാ​നൂ​റി​ല്‍​പ്പ​രം ജീ​വ​ന​ക്കാ​ര്‍ സേ​വ​നം ചെ​യ്യു​ന്ന കെ.​എം. മാ​ണി സ്മാ​ര​ക ഗ​വ. ജ​ന​റ​ല്‍ ആ​ശു​പ​ത്രി​യി​ല്‍ ഡോ​ക്ട​ര്‍​മാ​ര്‍, ന​ഴ്‌​സു​മാ​ര്‍, പാ​രാ​മെ​ഡി​ക്ക​ല്‍ ജീ​വ​ന​ക്കാ​ര്‍ ഉൾപ്പെടെ എല്ലാ ജീ​വ​നക്​കാ​രു​ടേ​യും ഹാ​ജ​ര്‍ ഇ​നി ആ​ധാ​ര്‍ അ​ധി​ഷ്ഠി​ത ബ​യോ​മെ​ട്രി​ക് പ​ഞ്ചിം​ഗ് വ​ഴി​യാ​ക്കു​ന്നു. ജീ​വ​ന​ക്കാ​ര്‍ സ​മ​യ ക്ലി​പ്ത​ത​യി​ല്ലാ​തെ എ​പ്പോ​ഴെ​ങ്കി​ലും വ​രി​ക​യും പോ​വു​ക​യും ചെ​യ്യു​ക​യാ​ണെ​ന്ന് പ​രാ​തി ഉ​യ​ര്‍​ന്നി​രു​ന്നു. ഹാ​ജ​രി​ലും ജോ​ലി സ​മ​യ​ത്തി​ലും ഇ​നി ത​ര്‍​ക്ക​ത്തി​ന്‍റെ കാ​ര്യം ഇ​ല്ലാ​താ​ക്കു​ക​യാ​ണ് ല​ക്ഷ്യം.

ഇ​തോ​ടൊ​പ്പം ആ​ശു​പ​ത്രി ഫ​യ​ലു​ക​ള്‍ ക​ട​ലാ​സ് ര​ഹി​ത​മാ​ക്കാനും മാ​നേ​ജിം​ഗ് ക​മ്മി​റ്റി ശി​പാ​ര്‍​ശ പ്ര​കാ​രം ന​ട​പ​ടി ഉ​ണ്ടാ​ക്കി​യ​താ​യി ആ​ശു​പ​ത്രി സൂ​പ്ര​ണ്ട് ഡോ. ​ടി.​പി.​ അ​ഭി​ലാ​ഷ് വി​ക​സ​നസ​മി​തി യോ​ഗ​ത്തി​ല്‍ അ​റി​യി​ച്ചു.

ഇ-​ഹെ​ല്‍​ത്ത് പ​ദ്ധ​തി പ്ര​യോ​ജ​നം എ​ല്ലാ​വ​രി​ലേ​ക്കും എ​ത്തി​ക്കു​ന്ന​തി​ന്‍റെ ഭാ​ഗ​മാ​യി ന​ഗ​ര​സ​ഭാ പ്ര​ദേ​ശ​ത്തെ എ​ല്ലാ വാ​ര്‍​ഡു​ക​ളി​ലും ക്യാ​മ്പു​ക​ള്‍ ന​ട​ത്തി എ​ല്ലാ​വ​ര്‍​ക്കും യു​എ​ച്ച്‌​ഐ​ഡി കാ​ര്‍​ഡും ര​ജി​സ്‌​ട്രേ​ഷ​നും ല​ഭ്യ​മാ​ക്കും. ഡോ​ക്ട​റെ കാ​ണു​ന്ന​തി​നാ​യു​ള്ള സ​മ​യം മു​ന്‍​കൂ​ര്‍ നി​ശ്ച​യി​ച്ച് ഒപി വി​ഭാ​ഗ​ത്തി​ലെ തി​ര​ക്കും കാ​ത്തി​രി​പ്പും ഒ​ഴി​വാ​ക്കു​ക​യാ​ണ് ല​ക്ഷ്യം.

നേ​ത്ര​ശ​സ്ത്ര​ക്രി​യ പു​ന​രാ​രം​ഭി​ക്കാ​ന്‍ ന​ട​പ​ടി

അ​ടു​ത്ത ബു​ധ​നാ​ഴ്ച മു​ത​ല്‍ നേ​ത്ര​ശാ​സ്ത്ര​ക്രി​യ തു​ട​ങ്ങും. ഇ​തി​നു മു​ന്നോ​ടി​യാ​യി തിയ​റ്റ​ര്‍ ന​വീ​ക​രി​ക്കു​ക​യും പു​തി​യ ഉ​പ​ക​ര​ണ​ങ്ങ​ള്‍ ല​ഭ്യ​മാ​ക്കു​ക​യും ചെ​യ്തു. ന്യൂ​റോ​ള​ജി വി​ഭാ​ഗ​ത്തി​ല്‍ പു​തി​യ ഒ​പി ആ​രം​ഭി​ക്കും.​ വ്യാ​ഴാ​ഴ്ച ദി​വ​സ​മാ​യി​രി​ക്കും ന്യൂ​റോ​ള​ജി ഒപി ക്ര​മീ​ക​രി​ക്കു​ക.

മീ​ന​ച്ചി​ല്‍ താ​ലൂ​ക്കി​ലെ വി​വി​ധ പ​ഞ്ചാ​യ​ത്തു​ക​ളി​ല്‍നി​ന്നു​ള്ള വൃ​ക്ക​രോ​ഗി​ക​ള്‍​ക്കു കൂ​ടി കു​റ​ഞ്ഞ നി​ര​ക്കി​ലു​ള്ള ഡ​യാ​ലി​സി​സി​ന് സൗ​ക​ര്യം ല​ഭ്യ​മാ​ക്കും. അ​ത​തു പ​ഞ്ചാ​യ​ത്ത് പ്ര​സി​ഡ​ന്‍റുമാ​ര്‍ ശി​പാ​ര്‍​ശ ചെ​യ്യു​ന്ന​വ​രെ​യാ​കും ആ​ദ്യ​ഘ​ട്ട​ത്തി​ല്‍ ര​ജി​സ്റ്റ​ര്‍ ചെ​യ്യു​ക.

പു​തി​യ​താ​യി അ​ഞ്ചു ഡ​യാ​ലി​സി​സ് മെ​ഷീ​നു​ക​ള്‍ കൂ​ടി ആ​ശു​പ​ത്രി​യി​ലേ​ക്കു ല​ഭ്യ​മാ​ക്കും. ആ​ശു​പ​ത്രി സേ​വ​ന​ങ്ങ​ള്‍​ക്കാ​യി ഫീ​സു​ക​ള്‍ ഓ​ണ്‍ലൈ​ന്‍ ആ​യി സ്വീ​ക​രി​ക്കു​ന്ന​തി​നും ക്ര​മീ​ക​ര​ണം ഏ​ര്‍​പ്പെ​ടു​ത്തി​യി​ട്ടു​ണ്ട്. ആ​ശു​പ​ത്രി ലാ​ബി​ന്‍റെ പ്ര​വ​ര്‍​ത്ത​നം 12 മ​ണി​ക്കൂ​റാ​ക്കും. മ​നോ​രോ​ഗി​ക​ളെ കി​ട​ത്തിച്ചികി​ത്സി​ക്കു​ന്ന​തി​നാ​യു​ള്ള സം​സ്ഥാ​ന മെ​ന്‍റ​ല്‍ ഹെ​ല്‍​ത്ത് എ​സ്റ്റാ​ബ്ലീ​ഷ്‌​മെ​ന്‍റ് ര​ജി​സ്‌​ട്രേ​ഷ​നും അ​ശു​പ​ത്രി​ക്ക് ല​ഭി​ച്ചു

സു​ര​ക്ഷാ കാ​മ​റക​ള്‍

സു​ര​ക്ഷ​യ്ക്കും നി​രീ​ക്ഷ​ണ​ത്തി​നു​മാ​യി കൂ​ടു​ത​ല്‍ കാ​മ​റ​ക​ളും ഉ​ച്ച​ഭാ​ഷ​ിണി സൗ​ക​ര്യ​വും ഏ​ര്‍​പ്പെ​ടു​ത്തി.​ ആ​ശു​പ​ത്രി മ​ന്ദി​ര​ത്തി​ല്‍ അ​ന​ധി​കൃ​ത​മാ​യി ക​റ​ങ്ങിന​ട​ക്കു​ന്ന​വ​രും മാ​ലി​ന്യം വ​ലി​ച്ചെ​റി​യു​ന്ന​വ​രും സാ​മൂ​ഹി​ക വി​രു​ദ്ധ​രും ജാ​ഗ്ര​ത. വി​ശാ​ല​മാ​യ ആ​ശു​പ​ത്രി കോന്പൗ​ണ്ടി​ലും ബ​ഹു​നി​ല മ​ന്ദി​ര​ങ്ങ​ളി​ലും അ​ന​ധി​കൃ​ത​മാ​യി പ്ര​വേ​ശി​ച്ച് ചി​കി​ത്സ​യ്ക്ക് എ​ന്ന പേ​രി​ല്‍ ക​റ​ങ്ങിത്തിരി​യു​ന്ന​വ​രെ നി​രീ​ക്ഷി​ക്കാ​നും ക​ണ്ടെ​ത്താ​നും വേ​ണ്ടി ആ​ശു​പ​ത്രി മ​ന്ദി​ര​ങ്ങ​ളും ചി​കി​ത്സാ വി​ഭാ​ഗ​ങ്ങ​ളും പൂ​ര്‍​ണമാ​യും കാ​മ​റ നി​രീ​ക്ഷ​ണ​ത്തി​ലാ​ക്കി.

ആ​ശു​പ​ത്രി അ​റി​യി​പ്പു​ക​ളും രോ​ഗി​ക​ള്‍​ക്കും സ​ന്ദ​ര്‍​ശ​ക​ര്‍​ക്കും വാ​ഹ​ന ഉ​ട​മ​ക​ള്‍​ക്കുമു​ള്ള നി​ര്‍​ദേശ​ങ്ങ​ള്‍​ക്കു​മാ​യി പ​ബ്‌​ളി​ക് അ​ഡ്ര​സിം​ഗ് സി​സ്റ്റ​വും സ്ഥാ​പി​ച്ചു.​ ആ​രോ​ഗ്യ പ്ര​വ​ര്‍​ത്ത​ക​രു​ടെയും ചി​കി​ത്സ തേ​ടു​ന്ന​വ​രു​ടെ​യും സു​ര​ക്ഷ ഉ​റ​പ്പു​വ​രു​ത്തു​ന്ന​തി​നാ​യി ന​ട​പ​ടി സ്വീ​ക​രി​ക്കാന്‍ പോ​ലീ​സ് അ​ധി​കൃ​ത​രോ​ട് മാ​നേ​ജിം​ഗ് ക​മ്മി​റ്റി അ​ഭ്യ​ര്‍​ഥി​ച്ചു.

ന​ഗ​ര​സ​ഭാ പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി​യി​ട്ടു​ള്ള ഈ ​വ​ര്‍​ഷ​ത്തെ നി​ര്‍​മാണ പ്ര​വ​ര്‍​ത്ത​ന​ങ്ങ​ള്‍ ഉ​ട​ന്‍ ന​ട​പ്പാ​ക്കു​മെ​ന്ന് ന​ഗ​ര​സ​ഭാ എ​ന്‍​ജി​നി​യ​റിം​ഗ് വി​ഭാ​ഗ​വും അ​റി​യി​ച്ചു. മാ​നേ​ജിം​ഗ് ക​മ്മി​റ്റി അം​ഗ​ങ്ങ​ള്‍​ക്ക് തി​രി​ച്ച​റി​യ​ല്‍ കാ​ര്‍​ഡ് ന​ല്‍​കി. മാ​ണി.​സി.​ കാ​പ്പ​ന്‍ എംഎ​ല്‍എ കാ​ർഡു​ക​ള്‍ വി​ത​ര​ണം ചെ​യ്തു. യോ​ഗ​ത്തി​ല്‍ ആ​ശു​പ​ത്രി മാ​നേ​ജിം​ഗ് ക​മ്മി​റ്റി ചെ​യ​ര്‍​മാ​ന്‍ ഷാ​ജു​ വി. തു​രു​ത്ത​ന്‍ അ​ധ്യ​ക്ഷ​ത വ​ഹി​ച്ചു.

മാ​ണി ​സി.​ കാ​പ്പ​ന്‍ എംഎ​ല്‍എ, സു​പ്ര​ണ്ട് ഡോ. ​ടി.​പി.​ അ​ഭി​ലാ​ഷ്, മാ​നേ​ജിം​ഗ് ക​മ്മി​റ്റി അം​ഗ​ങ്ങ​ളാ​യ ലീ​ന സ​ണ്ണി, പി.​എ.​ ലി​സിക്കു​ട്ടി, ബി​ജു പാ​ലൂ​പ്പ​ട​വ​ന്‍, ജ​യ്‌​സ​ണ്‍​ മാ​ന്തോ​ട്ടം, പ്ര​ഫ.​ സ​തീ​ശ് ചൊ​ള്ളാ​നി, ജോ​സ് കു​റ്റി​യാ​നി​മ​റ്റം, കെ.​എ​സ്.​ ര​മേ​ശ് ബാ​ബു, ബി​നീ​ഷ് ചൂ​ണ്ട​ച്ചേ​രി, പീ​റ്റ​ര്‍ പ​ന്ത​ലാ​നി, ബി​ബി​ന്‍ പ​ള്ളി​ക്കു​ന്നേ​ല്‍, വി.​ആ​ര്‍.​ വേ​ണു, ടി.​കെ.​ വി​നോ​ദ്, ആ​ര്‍എംഒ ഡോ. എം.​ രേ​ഷ്മ എ​ന്നി​വ​രും പൊ​തു​മ​രാ​മ​ത്ത്, ന​ഗ​ര​സ​ഭാ എ​ന്‍​ജി​നിയ​റിം​ഗ് വി​ഭാ​ഗം, ആ​രോ​ഗ്യ വ​കു​പ്പ് അ​ധി​കൃ​ത​രും യോ​ഗ​ത്തി​ല്‍ പ​ങ്കെ​ടു​ത്തു.