നെ​ടും​പൊ​യി​ല്‍: നെ​ടും​പൊ​യി​ൽ-​മാ​ന​ന്ത​വാ​ടി ചു​രം റോ​ഡി​ല്‍ ഗ​താ​ഗ​തം പു​നഃ​സ്ഥാ​പി​ച്ചു. പേ​രാ​വൂ​ര്‍ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് കെ. ​സു​ധാ​ക​ര​ന്‍ റോ​ഡ് ഗ​താ​ഗ​ത​ത്തി​ന് തു​റ​ന്നു​ന​ല്‍​കി. വി​ള്ള​ല്‍ രൂ​പ​പ്പെ​ട്ട് നാ​ല​ര മാ​സ​ത്തെ പ്ര​വൃ​ത്തി​ക്കു ശേ​ഷ​മാ​ണ് റോ​ഡ് തു​റ​ന്ന​ത്. റോ​ഡ് ഭാ​ഗി​ക​മാ​യാ​ണ് വാ​ഹ​ന ഗ​താ​ഗ​ത​ത്തി​ന് തു​റ​ന്നു ന​ല്‍​കി​യ​ത്.

വ​യ​നാ​ട് ദു​ര​ന്ത​മു​ണ്ടാ​യ ദി​വ​സ​മാ​യി​രു​ന്നു ക​ണ്ണൂ​ര്‍-​വ​യ​നാ​ട് ജി​ല്ല​ക​ളെ ത​മ്മി​ല്‍ ബ​ന്ധി​പ്പി​ക്കു​ന്ന പ്ര​ധാ​ന പാ​ത​യാ​യ ത​ല​ശേ​രി-​മാ​ന​ന്ത​വാ​ടി ബാ​വ​ലി അ​ന്ത​ര്‍ സം​സ്ഥാ​ന പാ​ത​യി​ല്‍ പേ​രി​യ ചു​രം വ​ള​വി​ല്‍ റോ​ഡി​ല്‍ വ​ലി​യ വി​ള്ള​ല്‍ രൂ​പ​പ്പെ​ട്ട​ത്. വാ​ഹ​ന​ങ്ങ​ള്‍ ക​ട​ന്നു​പോ​കാ​ന്‍ ക​ഴി​യാ​ത്ത വി​ധം വി​ള്ള​ല്‍ രൂ​പ​പ്പെ​ട്ട​തി​നാ​ല്‍ ഗ​താ​ഗ​തം പൂ​ര്‍​ണ​മാ​യും നി​രോ​ധി​ക്കു​ക​യാ​യി​രു​ന്നു. തു​ട​ര്‍​ന്ന് റോ​ഡ് അ​ട​ച്ചി​ട്ട് പു​ന​ര്‍​നി​ര്‍​മാ​ണം ന​ട​ത്തു​ക​യാ​യി​രു​ന്നു.

റോ​ഡ് അ​ട​ച്ച​തി​നാ​ല്‍ വാ​ഹ​ന​ങ്ങ​ളെ​ല്ലാം ത​ന്നെ കൊ​ട്ടി​യൂ​ര്‍-​പാ​ല്‍​ച്ചു​രം ബോ​യ്‌​സ് ടൗ​ണ്‍ റോ​ഡ് വ​ഴി​യാ​യി​രു​ന്നു മാ​ന​ന്ത​വാ​ടി​യി​ലേ​ക്കും തി​രി​ച്ചും പോ​യി​രു​ന്ന​ത്. ഇ​ത് പ്ര​ദേ​ശ​വാ​സി​ക​ള്‍​ക്കും സ്‌​കൂ​ള്‍ വി​ദ്യാ​ർ​ഥി​ക​ള്‍ ഉ​ള്‍​പ്പെ​ടെ​യു​ള്ള​വ​ര്‍​ക്കും ഏ​റെ ദു​രി​ത​മാ​യി മാ​റി​യി​രു​ന്നു.

ഏ​ല​പ്പീ​ടി​ക സെ​മി​നാ​രി വി​ല്ല, പൂ​ള​ക്കു​റ്റി, ച​ന്ദ​ന​ത്തോ​ട് മേ​ഖ​ല​യി​ലു​ള്ള​വ​ര്‍ ഏ​റ്റ​വും അ​ടു​ത്ത ആ​വ​ശ്യ​ങ്ങ​ള്‍​ക്കാ​യി എ​ത്തു​ന്ന​ത് പേ​രാ​വൂ​ര്‍ നെ​ടും​പൊ​യി​ല്‍ ഭാ​ഗ​ങ്ങ​ളി​ലാ​യി​രു​ന്നു. വാ​ഹ​ന സൗ​ക​ര്യം ല​ഭ്യ​മാ​കാ​താ​യ​തോ​ടെ കി​ലോ​മീ​റ്റ​ര്‍ ഓ​ളം ചു​റ്റി വ​യ​നാ​ട്ടി​ലേ​ക്കും മ​റ്റും പോ​കേ​ണ്ട അ​വ​സ്ഥ​യാ​യി​രു​ന്നു. റോ​ഡ് നി​ർ​മാ​ണ പ്ര​വൃ​ത്തി​ക്കി​ടെ ഒ​രു തൊ​ഴി​ലാ​ളി മ​രി​ക്കു​ക​യും ചെ​യ്തു.

കോ​ള​യാ​ട് പ​ഞ്ചാ​യ​ത്ത് പ്ര​സി​ഡ​ന്‍റ് എം. ​റി​ജി, ത​വി​ഞ്ഞാ​ല്‍ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ജോ​സ് പാ​റ​ക്ക​ല്‍, ആ​ക്ഷ​ന്‍ ക​മ്മി​റ്റി ക​ണ്‍​വീ​ന​ര്‍ സി​റ്റി പ്രേം​ജി​ത്ത്, ത​വി​ഞ്ഞാ​ല്‍ പ​ഞ്ചാ​യ​ത്ത് സ്റ്റാ​ന്‍​ഡിം​ഗ് ക​മ്മി​റ്റി അം​ഗ​ങ്ങ​ളാ​യ സ്വ​പ്ന, പ്രി​ന്‍​സ്, ലൈ​ജു തോ​മ​സ്, ക​ണി​ച്ചാ​ര്‍ പ​ഞ്ചാ​യ​ത്ത് അം​ഗം ജി​മ്മി ഏ​ബ്ര​ഹാം, ആ​നി ബ​സ​ന്‍റ്, അ​ഡ്വ. എ​ന്‍. രാ​ജ​ന്‍, കെ.​സി. നാ​സ​ര്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.