അച്ഛന്‍റെയും അമ്മയുടെയും കല്യാണത്തിന്‍റെ ആദ്യാവസാനം കാമറയിലാക്കി മക്കള്‍ മുന്നില്‍ നിന്നു. തുടര്‍ന്ന് ദമ്പതികള്‍ കൊങ്ങോര്‍പ്പിള്ളിയിലെ രജിസ്ട്രാര്‍ ഓഫീസിലെത്തി വിവാഹം രജിസ്റ്റര്‍ ചെയ്തു.
സാക്ഷികളായി കുടുംബസുഹൃത്തും പ്രൊഡ്യൂസറുമായ എന്‍.എം. ബാദുഷയുടെ ഭാര്യ മഞ്ജുവും ധര്‍മജന്‍റെ സുഹൃത്തുക്കളായ കൊങ്ങോര്‍പള്ളി ബിജുവും സ്റ്റാന്‍ലിനും ഒപ്പുവച്ചു. 16 വര്‍ഷം മുമ്പ് അനുജയുമായി ഒളിച്ചോടി വിവാഹം ചെയ്ത ധര്‍മജന്‍റെ ജീവിതം ഇനി പുതിയ ടേക്കിലാണ്.
പബ്ലിസിറ്റിക്കുവേണ്ടിയല്ല തങ്ങളുടെ ഭാവി സുരക്ഷയ്ക്കുവേണ്ടിയാണ് ഇതു ചെയ്തെന്നും തന്‍റെ അച്ഛനമ്മമാരും അനുജയുടെ അച്ഛനുമുള്‍പ്പെടെ വേണ്ടപ്പെട്ട ചിലരൊക്കെ ഇല്ലാത്തതിന്‍റെ സങ്കടമുണ്ടെന്നും ധര്‍മജന്‍ ബോള്‍ഗാട്ടി പറഞ്ഞു.