ആ പോരാട്ടം നീതിക്കും കമ്യൂണിസ്റ്റ് മൂല്യങ്ങൾ കാത്തുസൂക്ഷിക്കാനുമായിരുന്നു എന്ന് അന്നത്തെ പാർട്ടി സെക്രട്ടറി സി.കെ. ചന്ദ്രപ്പൻ പറഞ്ഞ കാര്യം ബിനോയ് വിശ്വം ഓർമിപ്പിച്ചു. പുതിയ രാഷ്്ട്രീയ വിവാദത്തിൽ ഇടതുപക്ഷ മൂല്യങ്ങൾ മുറുകെപ്പിടിക്കുന്ന പരിഹാരമാണു വേണ്ടത്.
അതുമായി ബന്ധപ്പെട്ട ചർച്ചകൾ കമ്യൂണിസ്റ്റ് പാർട്ടിയിലും എൽഡിഎഫിലും ഉണ്ടാകുമെന്നു കരുതുകയാണ്. മൂല്യങ്ങൾ മറന്നു പരിഹാരം തേടരുത്.
ഇപ്പോൾ ഒരു ഭാഗത്ത് എൽഡിഎഫും മറുഭാഗത്ത് എൽഡിഎഫ് വിരുദ്ധരും എന്ന നിലയിൽ തിരിഞ്ഞിരിക്കുകയാണ്. എൽഡിഎഫിന്റെ ഭാഗത്ത് ഉറച്ചു നിന്നു കൊണ്ട് സിപിഐക്കു നിലപാട് സ്വീകരിക്കാം.
അൻവറിന്റെ ആരോപണങ്ങൾ പെട്ടെന്നു മറുപടി പറയാവുന്നതല്ലെന്നു പറഞ്ഞുകൊണ്ടാണ് ബിനോയ് വിശ്വം പ്രതികരണം ആരംഭിച്ചത്. ചർച്ച ചെയ്ത ശേഷം വിശദമായ മറുപടി പറയുമെന്നും അദ്ദേഹം പറഞ്ഞു.