സമയപരിധി നീട്ടി നല്‍കുമെന്ന് സംസ്ഥാന സര്‍ക്കാര്‍ പറയുന്നുണ്ടെങ്കിലും ഇതുമായി ബന്ധപ്പെട്ട യാതൊരു വിശദാംശങ്ങളും പുറത്തുവിടാന്‍ സര്‍ക്കാര്‍ തയാറായിട്ടില്ല. കരട് വിജ്ഞാപനത്തില്‍ ഉള്‍പ്പെട്ട പ്രദേശങ്ങളിലെ എംപിമാരുമായി ചര്‍ച്ച നടത്തിയിട്ടുമില്ല. ഇതുമായി ബന്ധപ്പെട്ട കേന്ദ്രത്തില്‍ നിരന്തരം സമ്മര്‍ദം ചെലുത്തിവരുന്ന എംപിമാരെ ഒഴിവാക്കിയുള്ള നീക്കം പ്രതിഷേധാര്‍ഹമാണ്.
എംപിമാരു‌ടെയും ബന്ധപ്പെട്ട സ്ഥലങ്ങളിലെ എംഎല്‍എമാരുടെയും തദ്ദേശജനപ്രതിനിധികളുടെയും യോഗം വിളിച്ചുചേര്‍ത്ത് വിഷയത്തില്‍ സ്വീകരിക്കേണ്ട നിലപാടുകള്‍ ചര്‍ച്ച ചെയ്യണമെന്നും ആന്‍റോ ആന്‍റണി, ഡീന്‍ കുര്യാക്കോസ്, കെ. ഫ്രാന്‍സിസ് ജോര്‍ജ് എന്നിവര്‍ പറഞ്ഞു.
അന്തിമവിജ്ഞാപനം ഉടന്‍ പ്രസിദ്ധീകരിക്കുമെന്ന് കേന്ദ്രം വ്യക്തമാക്കിയ സാഹചര്യത്തില്‍ ഇതിനായി ഉടന്‍ സംസ്ഥാനം സമഗ്രമായ റിപ്പോര്‍ട്ട് നല്‍കണം. ജനങ്ങളെക്കുടി വിശ്വാസത്തിലെടുത്തുള്ള നടപടികളാണ് ആവശ്യമെന്നും ഇവര്‍ പറഞ്ഞു.