ബള്ഗേറിയയിലെ ഗെര്മെസ് ഹോളിഡേസിലെ ടൂര് ഓപ്പറേറ്റര് റാലിക്ക ഏയ്ഞ്ചലോവ തന്റെ അടുത്ത കേരള യാത്രയില് വയനാട് സന്ദര്ശിക്കാനുള്ള സന്നദ്ധത അറിയിച്ചു.
ദുരന്തബാധിത പ്രദേശങ്ങളില് വിനോദസഞ്ചാരമേഖലയ്ക്കായി പുതിയ പ്രചാരണതന്ത്രങ്ങള് നടപ്പാക്കണമെന്നും അവര് അഭിപ്രായപ്പെട്ടു. തന്റെ രാജ്യത്തേക്ക് ആവശ്യമുള്ള വിനോദസഞ്ചാര ഉത്പന്നങ്ങള് തേടിയാണ് അവര് കെടിഎമ്മില് എത്തിയിട്ടുള്ളത്.
വയനാട്ടിലെ പ്രകൃതിദുരന്തങ്ങളെക്കുറിച്ചുള്ള വാര്ത്തകള് സഞ്ചാരികള്ക്ക് യാതൊരു ആശങ്കയുമുണ്ടാക്കിയിട്ടില്ലെന്ന് യുകെയിലെ ഡെസ്റ്റിനോളജിയിലെ ട്രാവല് എജന്റ് എലിയട്ട് ഹാവ്ത്രോണ് പറഞ്ഞു.
ലോകത്തിന്റെ ഏതുഭാഗങ്ങളിലാണെങ്കിലും മികച്ച വിനോദസഞ്ചാര കേന്ദ്രങ്ങളില്നിന്നു സഞ്ചാരികള് ഭയന്നു മാറില്ലെന്നും അദ്ദേഹം പറഞ്ഞു. കേരളത്തില് ആഡംബര വിനോദസഞ്ചാരത്തിന്റെ സാധ്യതകളാണു ഹാവ്ത്രോണ് തേടുന്നത്.