സിബിസിഐയും കെസിബിസിയും കേന്ദ്രസർക്കാരിനു മുന്നിലും ജെപിസിക്കു മുന്നിലും മുനന്പം വിഷയത്തിൽ പ്രദേശവാസികൾക്ക് നീതി ലഭ്യമാക്കണമെന്ന ആവശ്യവുമായി സമീപിച്ചിരുന്നു. മുനന്പം വിഷയത്തിന്റെ പേരിൽ മതങ്ങളുടെ പേരിൽ ഭിന്നതകളില്ലാതെ നമ്മുടെ സമൂഹം ഒറ്റക്കെട്ടായി മുന്നേറാൻ എല്ലാവരും ശ്രദ്ധിക്കണം. അതിന് ആദരവോടെ നാം പരസ്പരം കാണണമെന്നും നിക്ഷിപ്തതാത്പര്യക്കാരെ ജാഗ്രതയോടെ കാണണമെന്നും ഫാ. പാലയ്ക്കാപ്പിള്ളി അഭിപ്രായപ്പെട്ടു.
പ്രശ്നപരിഹാരത്തിന് ഒപ്പമുണ്ടാകും: ഹൈബി ഈഡൻ കൊച്ചി: മുനന്പം വിഷയത്തിൽ ശാശ്വത പരിഹാരമാകുന്നതുവരെ പ്രദേശവാസികൾക്കൊപ്പം ഉണ്ടാകുമെന്ന് ഹൈബി ഈഡൻ എംപി ശ്രദ്ധക്ഷണിക്കൽ സംഗമത്തിൽ പറഞ്ഞു. തെറ്റിദ്ധാരണ പരത്തി മതസ്പർധ വളർത്തുന്നവരെ തിരിച്ചറിയണമെന്നും അദ്ദേഹം വ്യക്തമാക്കി.