കേരഫെഡ് ചെയർമാൻ, ഫാർമസ്യൂട്ടിക്കൽ കോർപറേഷൻ ഡയറക്ടർ, വൈദ്യുതി ബോർഡ് അംഗം, പയ്യന്നൂർ കോളജ് മാനേജ്മെന്‍റ് കമ്മിറ്റി വൈസ് പ്രസിഡന്‍റ്, പറക്കളായി പി.എൻ. പണിക്കർ സഹകരണ ആയുർവേദ മെഡിക്കൽ കോളജ് ചെയർമാൻ എന്നീ നിലകളിലും നിരവധി സഹകരണ സ്ഥാപനങ്ങളുടെ സ്ഥാപക പ്രസിഡന്‍റ് എന്നീ നിലകളിലും പ്രവർത്തിച്ചു.
നാഷണൽ ഖാദി വർക്കേഴ്സ് യൂണിയൻ (ഐഎൻടിയുസി) പ്രസിഡന്‍റ്, കിംകോ പ്രസിഡന്‍റ്, കെ. കരുണാകരൻ സ്മാരക സമിതി ട്രഷറർ, വി.എൻ. എരിപുരം സ്മാരക സമിതി പ്രസിഡന്‍റ് എന്നീ സ്ഥാനങ്ങളിൽ പ്രവർത്തിച്ചുവരികയായിരുന്നു.
സംസ്കൃത പണ്ഡിതൻ ആനിടിൽ കിഴക്കിനകത്ത് കുഞ്ഞമ്പു പൊതുവാൾ-കുഞ്ഞങ്ങ അമ്മ ദന്പതികളുടെ മകനാണ്. ഭാര്യ: കെ. സുശീല (റിട്ട. മുഖ്യാധ്യാപിക, കാറമ്മേൽ എയുപി സ്കൂൾ). മക്കൾ: കെ.പി.കെ. തിലകൻ (പ്രതിപക്ഷ നേതാവ് വി.ഡി. സതീശന്‍റെ അഡീഷണൽ പ്രൈവറ്റ് സെക്രട്ടറി), തുളസി (അധ്യാപിക, പയ്യന്നൂർ സെന്‍റ് മേരീസ് ഗേൾസ് ഹൈസ്കൂൾ). മരുമക്കൾ: അഡ്വ. വീണ എസ്. നായർ (യൂത്ത് കോൺഗ്രസ് സംസ്ഥാന സെക്രട്ടറി), പ്രതീഷ് (ബിസിനസ്). സഹോദരങ്ങൾ: കമ്മാരൻ, ചിണ്ടൻ, നാരായണൻ.