കൊച്ചി: സിപിഎം നേതാവ് എം.എം. ലോറന്‍സിന്‍റെ മൃതശരീരം മതാചാര പ്രകാരം സംസ്‌കരിക്കാന്‍ വിട്ടുകിട്ടണമെന്നാവശ്യപ്പെട്ടു മകള്‍ ആശാ ലോറന്‍സ് വീണ്ടും ഹൈക്കോടതിയെ സമീപിച്ചു.
മൃതദേഹം പഠനാവശ്യത്തിനായി ഏറ്റെടുക്കാനുള്ള കളമശേരി മെഡിക്കല്‍ കോളജിന്‍റെ തീരുമാനം ചോദ്യം ചെയ്താണു ഹര്‍ജി.
ഇക്കാര്യത്തില്‍ ലോറന്‍സിന്‍റെ മൂന്നു മക്കളെയും കേട്ട് തീരുമാനമെടുക്കാന്‍ നിര്‍ദേശിച്ച് നേരത്തെ സിംഗിള്‍ ബെഞ്ച് ഹര്‍ജി തീര്‍പ്പാക്കിയിരുന്നു. തുടര്‍ന്ന് മെഡിക്കല്‍ കോളജ് മോര്‍ച്ചറിയിലേക്കു മൃതദേഹം മാറ്റി. തുടര്‍ന്ന് മൂന്നു മക്കളെയും കേട്ട് മൃതദേഹം ഏറ്റെടുക്കാന്‍ മെഡിക്കല്‍ പ്രിന്‍സിപ്പല്‍ രൂപീകരിച്ച സമിതി തീരുമാനിക്കുകയായിരുന്നു. ഇതിനെയാണു ഹര്‍ജിക്കാരി എതിര്‍ക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.