ഞായറാഴ്ച പി.വി. അന്‍വര്‍ എംഎല്‍എ നിലമ്പൂരില്‍ പൊതുയോഗം സംഘടിപ്പിക്കുമെന്നു പ്രഖ്യാപിച്ച സാഹചര്യത്തില്‍കൂടിയായിരുന്നു, അന്‍വറിനൊപ്പമല്ല പാര്‍ട്ടിക്കൊപ്പമാണു പ്രവര്‍ത്തകര്‍ എന്ന് തെളിയിക്കാന്‍ പ്രതിഷേധറാലികള്‍ നടത്തിയത്.
സിപിഎം ജില്ലാ നേതൃത്വത്തിന്‍റെ ആഹ്വാനമനുസരിച്ച് പാര്‍ട്ടി പ്രവര്‍ത്തകര്‍ ജില്ലയില്‍ വിവിധയിടങ്ങളില്‍ അന്‍വറിനെതിരേ പ്രതിഷേധസമരം നടത്തി.
സിപിഎം നിലമ്പൂര്‍ ഏരിയാ സെക്രട്ടറി ഇ. പദ്മാക്ഷന്‍, സിപിഎം. ജില്ലാ കമ്മിറ്റി അംഗം ജോര്‍ജ് കെ. ആന്‍റണി, നിലമ്പൂര്‍ നഗരസഭാധ്യക്ഷന്‍ മാട്ടുമ്മല്‍ സലീം, ഉപാധ്യക്ഷ അരുമ ജയകൃഷ്ണന്‍, നിലമ്പൂര്‍ ലോക്കല്‍ സെക്രട്ടറി ടി. ഹരിദാസന്‍, ചന്തക്കുന്ന് ലോക്കല്‍ സെക്രട്ടറി ഷാജി കരിമ്പുഴ, കരുളായി ലോക്കല്‍ സെക്രട്ടറി ബാലകൃഷ്ണന്‍, ചാലിയാര്‍ ലോക്കല്‍ സെക്രട്ടറി വിശ്വനാഥന്‍, സഹില്‍ അകമ്പാടം, ചാലിയാര്‍ പഞ്ചായത്ത് പ്രസിഡന്‍റ് പി. മനോഹരന്‍, സുനന്ദ ഹരിദാസ്, ഏരിയാ, ലോക്കല്‍, ബ്രാഞ്ച് കമ്മിറ്റി അംഗങ്ങള്‍ എന്നിവര്‍ നേതൃത്വം നല്‍കി.