കേരളം നേരിടുന്ന ഗുരുതര വിഷയം ഇവിടെ രാഷ്‌ട്രീയ പാര്‍ട്ടികള്‍ ഒത്തുതീര്‍പ്പമായി ഒറ്റക്കെട്ടാണ്. അതിനാല്‍ ഒരുകാര്യവും നേരായ വഴിക്ക് അന്വേഷിക്കുകയോ പോവുകയോ ഇല്ല. ഇതാണ് കേരളത്തിന്‍റെ ഏറ്റവും വലിയ ശാപമെന്നും അന്‍വര്‍ പറഞ്ഞു.
""നെഹ്റുകുടുംബവുമായി ബന്ധം'' രാഹുല്‍ ഗാന്ധിയുടെ ഡിഎന്‍എ ടെസ്റ്റ് വിവാദം ഉയര്‍ത്തിയ താങ്കളെ കോണ്‍ഗ്രസ് സ്വീകരിക്കുമോയെന്ന ചോദ്യത്തിന്, നെഹ്റു കുടുംബവുമായി ഏറെ ബന്ധമുള്ള കുടുംബമാണ് തന്‍റേതെന്നും ജവഹര്‍ലാല്‍ നെഹ്റു കിടന്നുറങ്ങിയ വീടാണ് തന്‍റേതെന്നും അൻവർ മറുപടി പറഞ്ഞു.
ഇന്ദിരാഗാന്ധിയോടും രാജീവ് ഗാന്ധിയോടും രാഹുല്‍ ഗാന്ധിയോടും ഏറെ ബഹുമാനവും സ്നേഹവുമാണുള്ളത്. രാഹുല്‍ ഗാന്ധിയുടെ രാഷ്‌ട്രീയ ഡിഎന്‍എയാണ് താന്‍ ഉദ്ദേശിച്ചതെന്നും അതും മുഖ്യമന്ത്രിയെ എന്താണ് അറസ്റ്റ് ചെയ്യാത്തതെന്നു രാഹുല്‍ ഗാന്ധി നടത്തിയ പ്രസ്താവനയ്ക്ക് നല്‍കിയ മറുപടി മാത്രമായിരുന്നുവെന്നും അന്‍വര്‍ വ്യക്തമാക്കി.
മുസ്‌ലിം ലീഗിന്‍റെ പഴയകാല നേതാക്കളെ പ്രശംസിച്ച അന്‍വര്‍ പുതിയ നേതൃത്വത്തെ വിമര്‍ശിച്ചു. ആരെങ്കിലും ഭയപ്പെടുത്തി വായ അടപ്പിക്കാമെന്നു കരുതുന്നുണ്ടെങ്കില്‍ അതു നടക്കില്ലെന്നും മുഖ്യമന്ത്രിയുടെ പേര് പറയാതെ പറഞ്ഞാണ് അന്‍വര്‍ വാര്‍ത്താസമ്മേളനം അവസാനിപ്പിച്ചത്.