കാഴ്ചപരിമിതരായ 75 നിര്‍ധന രോഗികള്ക്ക് സൗജന്യ തിമിര ശസ്ത്രക്രിയ ചെയ്യും. സാമ്പത്തിക ബുദ്ധിമുട്ട് അനുഭവിക്കുന്ന 75 രോഗികള്ക്ക് സൗജന്യ ഡയാലിസിസ് ചികിത്സ നല്‍കുക, മാര്‍ സ്ലീവാ ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് സയന്‍സസ് ആന്‍ഡ് റിസര്‍ച്ചില്‍ അലൈഡ് ഹെല്‍ത്ത് സയന്‍സ് കോഴ്‌സുകളില്‍ പഠനത്തിനു ചേര്‍ന്ന വിദ്യാര്‍ഥികളില്‍ ഓരോ കോഴ്‌സില്‍നിന്നും അര്‍ഹരായ രണ്ട് പേരെ വീതം കണ്ടെത്തി ഫീസിന്‍റെ 40% സ്‌കോളര്‍ഷിപ്പ് തുകയായി നല്‍കുക, മേലുകാവുമറ്റത്തെ റൂറല്‍ മെഡിക്കല്‍ മിഷന്‍ മാര്‍ സ്ലീവാ മെഡിസിറ്റി പാലാ അസംപ്ഷന്‍ മെഡിക്കല്‍ സെന്‍ററിന്‍റെ നേതൃത്വത്തില്‍ കമ്യൂണിറ്റി സ്‌ക്രീനിംഗ് ക്യാമ്പുകള്‍, ബോധവത്കരണ ചര്‍ച്ചകള്‍, കൗണ്‍സലിംഗ്, ബേസിക് ലൈഫ് സപ്പോര്‍ട്ട് പരിശീലനം എന്നിവ നടപ്പിലാക്കുക, മാര്‍ സ്ലീവാ മെഡിസിറ്റിയുടെ നേതൃത്വത്തില്‍ മുട്ടുചിറ ഹോളിഗോസ്റ്റ് ആശുപത്രിയിലെ അത്യാഹിത വിഭാഗം വിപുലീകരിച്ച് പ്രവര്‍ത്തനം ആരംഭിക്കുക എന്നിവയാണ് കമ്യൂണിറ്റി സ്‌കീമുകള്‍.
75 ഇടവകകളില്‍ വിദഗ്ധ ഡോക്ടര്‍മാരുടെ നേതൃത്വത്തില്‍, ശ്വാസകോശസംബന്ധമായ രോഗങ്ങള്‍, സ്തനാര്‍ബുദം, കരള്‍ രോഗങ്ങള്‍ എന്നിവ കണ്ടെത്തുന്നതിനായി എസ്എംവൈഎം, മാതൃവേദി, പിതൃവേദി തുടങ്ങിയ സംഘടനകളുമായി ചേര്‍ന്ന് സൗജന്യ മെഡിക്കല്‍ ക്യാമ്പും രക്തദാന ക്യാമ്പുകളും നടത്തുക, പാലാ രൂപത കോര്‍പറേറ്റ് മാനേജ്‌മെന്‍റ് സ്‌കൂളുകളില്‍ കോര്‍പറേറ്റ് എജ്യൂക്കേഷന്‍ ഏജന്‍സിയുടെ പിന്തുണയോടെ വിദ്യാര്‍ഥികള്‍ക്കായി ക്ഷേമപരിപാടികള്‍ നടപ്പിലാക്കുക, പ്രവാസി അപ്പൊസ്തലേറ്റിനു കീഴില്‍ അവരുടെ ആരോഗ്യം, വിദ്യാഭ്യാസം, കമ്യൂണിറ്റി ഇടപെടല്‍, എന്നിവ ഉറപ്പാക്കുന്നതിനുള്ള പദ്ധതികള്‍ ആഗോള തലത്തില്‍ നടപ്പിലാക്കുക, ജീവന്‍രക്ഷാ പ്രവര്‍ത്തനത്തിന് യുവജനങ്ങളെ സജ്ജരാക്കുന്ന സമഗ്ര ബേസിക് ലൈഫ് സപ്പോര്‍ട്ട് പരിശീലന പരിപാടി കോളജ് വിദ്യാര്‍ഥികള്‍ക്കായി ആരംഭിക്കുക, പിതൃവേദി, മാതൃവേദി എന്നിവയുമായി ചേര്‍ന്ന് സൗജന്യ സ്ട്രോക്ക് മാനേജ്‌മെന്‍റ് ബോധവത്കരണ പരിപാടി തുടങ്ങുക എന്നിവയാണ് മറ്റു സാമൂഹിക ക്ഷേമപദ്ധതികള്‍.