കേന്ദ്ര മാനദണ്ഡ പ്രകാരം ഒരു ചതുരശ്ര കിലോമീറ്ററിൽ 100ൽ കൂടുതൽ ജനസാന്ദ്രതയുള്ളതും 20 ശതമാനത്തിൽതാഴെ വനഭൂമിയുള്ളതുമായ വില്ലേജുകൾ ഇഎസ്എയിൽ ഉൾപ്പെടുകയില്ല.
ആറാം ഇഎസ്എ കരട് വിജ്ഞാപനത്തിലെ ഇത്തരം വില്ലേജുകളെ ലിസ്റ്റിൽനിന്ന് ഒഴിവാക്കുകയും അല്ലാത്ത വില്ലേജുകളിലെ വനഭൂമി പഞ്ചായത്ത്‌ വാർഡ് അടിസ്ഥാനത്തിൽ കണ്ടെത്തി അതിന്‍റെ മാത്രം ജിയോകോർഡിനേറ്റ് മാപ്പ് തയാറാക്കി രൂപീകരിച്ച റിപ്പോർട്ട്‌ കേന്ദ്രത്തിനു സമർപ്പിക്കുകയും വേണം.
ഈ മാപ്പ് ബയോ ഡൈവേഴ്സിറ്റി സൈറ്റിൽ പ്രസിദ്ധീകരിക്കുകയും ജനങ്ങൾക്കു പരാതി നൽകാൻ 60 ദിവസമെങ്കിലും സമയം നൽകുകയും ചെയ്യണമെന്നും അദ്ദേഹം ആവശ‍്യപ്പെട്ടു.