കോഴിക്കോടിനെ സംബന്ധിച്ചിടത്തോളം ഏറെ ചരിത്രപ്രാധാന്യമേറിയ ചടങ്ങിന് മുഖ്യമന്ത്രി പിണറായി വിജയനും എം.ടി. വാസുദേവന് നായരും എത്താതിരുന്നത് കല്ലുകടിയായി.
മുഖ്യമന്ത്രി എത്തില്ലെന്ന് നേരത്തേതന്നെ അറിയിച്ചിരുന്നു. ഇത് എംടിയോടും കോഴിക്കോട്ടെ സാംസ്കാരിക പൈത്രൃകത്തോടുമുള്ള കടുത്ത വെല്ലുവിളിയാണെന്ന് കോണ്ഗ്രസ് ആരോപിച്ചിരുന്നു.
2023 ഒക്ടോബര് 31നാണ് കോഴിക്കോടിനെ സാഹിത്യനഗരമായി യുനെസ്കോ അംഗീകരിച്ചത്. നാലുവര്ഷത്തെ പ്രവര്ത്തനങ്ങളാണ് ആസൂത്രണംചെയ്യുന്നത്. മാനാഞ്ചിറ, തളി, കുറ്റിച്ചിറ തുടങ്ങിയ സ്ഥലങ്ങളും പാര്ക്കുകളുമെല്ലാം സാഹിത്യ-സാംസ്കാരിക പരിപാടികള്ക്കുള്ള ഇടമാക്കുക, സാഹിത്യനഗരം എന്ന ബ്രാന്ഡിംഗ് യാഥാര്ഥ്യമാക്കുക എന്നിവയാണ് പദ്ധതിയിലൂടെ ലക്ഷ്യമിടുന്നത്.