നിലവില് പകര്ച്ചവ്യാധിക്കിടയാക്കിയ കുടിവെള്ള വിതരണം പൂര്ണമായും ഒഴിവാക്കിക്കൊണ്ട് അംഗീകൃത സ്ഥാപനങ്ങളില്നിന്നും ശാസ്ത്രീയവും ആരോഗ്യകരവുമായ ശുദ്ധജല സംവിധാനം അടിയന്തരമായി ഏര്പ്പെടുത്തുന്നതിനും കൃത്യമായ കാലയളവില് സൂപ്പര് ക്ലോറിനേഷന്, അംഗീകൃത സര്ക്കാര് ലാബില്നിന്നുമുള്ള പരിശോധനകള് എന്നിവ നടത്തി രേഖകള് സൂക്ഷിക്കാനും പരിശോധനാധികാരികള് ആവശ്യപ്പെടുന്ന പക്ഷം ഹാജരാക്കുന്നതിനും നോട്ടീസില് നിര്ദേശം നല്കിയിട്ടുണ്ട്.
കൂടാതെ, ഫ്ലാറ്റുകളില് കുടിവെള്ളം ലഭ്യമാക്കുന്ന എല്ലാ സ്രോതസുകളും ക്ലോറിനേഷന് നടത്തി ശുദ്ധി ഉറപ്പുവരുത്തി വിതരണം ചെയ്യുന്നതിനും ഫ്ലാറ്റില്നിന്നുള്ള മലിനജലം, ശുചിമുറി മാലിന്യങ്ങള് എന്നിവ ശാസ്ത്രീയമായി സംസ്കരിക്കുന്നതിനും നോട്ടീസ് മുഖേന നിര്ദേശം നല്കിയിട്ടുണ്ട്.
ഇതുവരെ 492 പേര്ക്ക് രോഗലക്ഷണങ്ങള് ഉണ്ടായതായി സര്വേ വഴി കണ്ടെത്തിയിട്ടുണ്ട്. മെഡിക്കല് കോളജ് കമ്യൂണിറ്റി മെഡിസിന് വിഭാഗത്തിന്റെ നിര്ദേശമനുസരിച്ച് പ്രത്യേക സര്വേയും ഇന്നലെ നടത്തി.