അവസാന റൗണ്ടിലേക്കു തെരഞ്ഞെടുത്തവയുടെ പട്ടിക ഷോർട്ട്ലിസ്റ്റ് ചെയ്തിട്ടുമുണ്ടായിരുന്നു. അതിനിടെയാണു കോവിഡും ലോക്ഡൗണും വന്നത്.
അതോടെ അന്തിമ തെരഞ്ഞെടുപ്പ് വൈകി. ഈ വർഷമാദ്യം കേരളഗാനം വിവാദങ്ങളിലും കുടുങ്ങി. പ്രശസ്തഗാനരചയിതാവും കവിയുമായ ശ്രീകുമാരൻ തന്പി രചിച്ച കേരളഗാനം തള്ളിയ കേരള സാഹിത്യ അക്കാദമിയുടെ നടപടിയെത്തുടർന്നാണ് കേരളഗാനം വിവാദത്തിലായത്.
ശ്രീകുമാരൻ തന്പിയുടെ കേരളഗാനം ക്ലീഷേ ആയതുകൊണ്ടാണു നിരസിച്ചതെന്നായിരുന്നു സാഹിത്യ അക്കാദമി അധ്യക്ഷൻ സച്ചിദാനന്ദന്റെ പ്രതികരണം. ഇതോടെ സച്ചിദാനന്ദനെതിരേ രൂക്ഷവിമർശനമാണ് ഉയർന്നത്.
പിന്നീട് കേരളഗാനത്തെക്കുറിച്ച് ഇതുവരെയും സർക്കാരോ സാഹിത്യ അക്കാദമിയോ ഒന്നുംതന്നെ പറഞ്ഞിട്ടില്ല.