ത​ലോ​ര്‍: തെ​രു​വു​നാ​യ​യു​ടെ ആ​ക്ര​മ​ണ​ത്തി​ല്‍ യു​വ​തി​ക്ക് പ​രി​ക്കേ​റ്റു.​ കാ​ലി​ല്‍ ക​ടി​യേ​റ്റ യു​വ​തി മു​ള​ങ്കു​ന്ന​ത്തു​കാ​വ് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ ചി​കി​ത്സ തേ​ടി.​ കൊ​ട​ക​ര മ​ന​ക്കു​ള​ങ്ങ​ര സ്വ​ദേ​ശി വെ​ളി​യ​ങ്ങോ​ട്ട് വീ​ട്ടി​ല്‍ രാ​ജ​ന്‍റെ ഭാ​ര്യ സു​ഷ​യ്ക്കാ​ണ് പ​രി​ക്കേ​റ്റ​ത്.​ കഴിഞ്ഞദിവസം ഉ​ച്ച​തി​രി​ഞ്ഞാ​യി​രു​ന്നു സം​ഭ​വം.

ത​ലോ​രി​ലു​ള്ള സ്വ​ന്തം വീ​ട്ടി​ലേ​ക്ക് സം​സ്ഥാ​ന പാ​ത​യോ​ര​ത്തു​കൂ​ടി ന​ട​ന്നു വ​രു​ന്ന​തി​നി​ടെ പു​റ​കി​ലൂ​ടെ വ​ന്ന നാ​യ ആ​ക്ര​മി​ക്കു​ക​യാ​യി​രു​ന്നു. കാ​ലി​ല്‍ ക​ടി​ച്ചു​വ​ലി​ച്ച നാ​യ​യെ കൈ​യ്യി​ലു​ണ്ടാ​യി​രു​ന്ന ബാ​ഗ് കൊ​ണ്ട് പ്ര​തി​രോ​ധി​ച്ചാ​ണ് ഇ​വ​ര്‍ ര​ക്ഷ​പ്പെ​ട്ട​ത്.​

നൂ​റു​ക​ണ​ക്കി​ന് വി​ദ്യാ​ര്‍​ത്ഥി​ക​ള്‍ പ​ഠി​ക്കു​ന്ന ദീ​പ്തി സ്‌​കൂ​ളി​ന് സ​മീ​പ​ത്താ​ണ് തെ​രു​വു​നാ​യ ആ​ക്ര​മ​ണം. ഈ ​ഭാ​ഗ​ത്തെ തെ​രു​വു​നാ​യ ശ​ല്യ​ത്തി​നെ​തി​രെ മു​ന്‍​പും പ​രാ​തി​യു​യ​ര്‍​ന്നി​രു​ന്നു.​ കു​ട്ടി​ക​ള്‍ സ്‌​കൂ​ള്‍​വി​ട്ട് പോ​കു​ന്ന സ​മ​യ​ത്ത് തെ​രു​വു​നാ​യ​ക​ള്‍ പാ​ഞ്ഞ​ടു​ക്കു​ന്ന​തും പ​തി​വാ​ണ്. അ​ധി​കൃ​ത​ര്‍ ഇ​ട​പെ​ട്ട് തെ​രു​വു​നാ​യ ശ​ല്യ​ത്തി​ന് പ​രി​ഹാ​രം കാ​ണ​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ട്ടു.