സ്വ​ന്തം ലേ​ഖ​ക​ൻ

തൃ​ശൂ​ർ: വീ​ണ്ടും വ​രു​ന്നൂ ഒ​രു സം​സ്ഥാ​ന ബ​ജ​റ്റ്. ഇ​തു​വ​രെ​യു​ള്ള ബ​ജ​റ്റു​ക​ളി​ൽ പ്ര​ഖ്യാ​പി​ച്ച കോ​ടി​ക​ളു​ടെ പ​ദ്ധ​തി​ക​ളി​ൽ ഏ​റെ​യും ഇ​നി​യും ന​ട​പ്പാ​യി​ട്ടി​ല്ല. ക​ഴി​ഞ്ഞ ബ​ജ​റ്റി​ൽ വ​ൻ​കി​ട​പ​ദ്ധ​തി​ക​ളു​മു​ണ്ടാ​യി​രു​ന്നി​ല്ല.

ക​ഴി​ഞ്ഞ ബ​ജ​റ്റി​ൽ അ​ക്കാ​ദ​മി​ക​ൾ​ക്കും ക​ലാ​മ​ണ്ഡ​ല​ത്തി​നും കോ​ടി​ക​ൾ വ​ക​യി​രു​ത്തി​യെ​ങ്കി​ലും സ്ഥാ​പ​ന​ങ്ങ​ൾ ന​ട​ത്തി​ക്കൊ​ണ്ടു​പോ​കാ​നാ​ത്ത സ്ഥി​തി​യാ​ണി​ന്ന്. ക​ലാ​മ​ണ്ഡ​ല​ത്തി​ൽ ഇ​ട​യ്ക്കി​ടെ ശ​ന്പ​ളം മു​ട​ങ്ങി​യ​തും സാം​സ്കാ​രി​ക അ​ക്കാ​ദ​മി​ക​ൾ ത​ന​തു​ഫ​ണ്ട് ക​ണ്ടെ​ത്ത​ണ​മെ​ന്ന നി​ർ​ദേ​ശ​വു​മൊ​ക്കെ പ്ര​ഖ്യാ​പ​ന​ങ്ങ​ളെ പി​ന്നോ​ട്ട​ടി​ച്ചു.

കാ​ർ​ഷി​ക​സ​ർ​വ​ക​ലാ​ശാ​ല​യ്ക്ക് 75 കോ​ടി വ​ക​യി​രു​ത്തി​യെ​ങ്കി​ലും 42 കോ​ടി ഗ​വേ​ഷ​ണ​ങ്ങ​ൾ​ക്കാ​യി​രു​ന്നു. ഇ​തി​ൽ എ​ത്ര ചെ​ല​വ​ഴി​ച്ചെ​ന്നു വ്യ​ക്ത​മ​ല്ല. ക​ലാ​മ​ണ്ഡ​ല​ത്തി​ലെ ക​ല -അ​ക്കാ​ദ​മി​ക് പ്ര​വ​ർ​ത്ത​ന​ങ്ങ​ൾ​ക്കു 19.50 കോ​ടി മാ​റ്റി​വ​ച്ചെ​ങ്കി​ലും വി​വാ​ദ​ങ്ങ​ളാ​ണ് കൂ​ടു​ത​ൽ ഉ​യ​ർ​ന്ന​ത്. ശ​ക്ത​ൻ ബ​സ് സ്റ്റാ​ൻ​ഡ് ന​വീ​ക​ര​ണ​ത്തി​നു പ​ത്തു​കോ​ടി മാ​റ്റി​വ​ച്ചെ​ന്നാ​യി​രു​ന്നു പ്ര​ഖ്യാ​പ​നം. കോ​ർ​പ​റേ​ഷ​ന്‍റെ നേ​തൃ​ത്വ​ത്തി​ലാ​ണ് ഒ​രു​ഭാ​ഗം കോ​ണ്‍​ക്രീ​റ്റിം​ഗ് ന​ട​ത്തി​യ​ത്. ഏ​റെ​ക്കാ​ല​ത്തെ ആ​വ​ശ്യ​മാ​യ ശ​ക്ത​ൻ മാ​ർ​ക്ക​റ്റ് വി​ക​സ​ന​ത്തി​നു മാ​റ്റി​വ​ച്ച ര​ണ്ടു​കോ​ടി എ​വി​ടെ​യെ​ന്ന ചോ​ദ്യ​വും ബാ​ക്കി. മു​ന്പ് അ​ന്പ​തു കോ​ടി മാ​റ്റി​വ​ച്ചെ​ങ്കി​ലും ആ ​ക​ണ​ക്കു​ക​ൾ പു​തി​യ ബ​ജ​റ്റി​ൽ ഉ​ണ്ടാ​യി​രു​ന്നി​ല്ല. അ​ന്പ​തു കോ​ടി​യി​ൽ ഒ​രു രൂ​പ​പോ​ലും മാ​ർ​ക്ക​റ്റി​ൽ എ​ത്തി​യു​മി​ല്ല. വൃ​ത്തി​യു​ള്ള ശു​ചി​മു​റി​സൗ​ക​ര്യ​മെ​ങ്കി​ലും ഒ​രു​ക്ക​ണ​മെ​ന്ന വ്യാ​പാ​രി​ക​ളു​ടെ​യും മാ​ർ​ക്ക​റ്റി​ൽ എ​ത്തു​ന്ന​വ​രു​ടെ​യും ആ​വ​ശ്യ​വും ക​ഴി​ഞ്ഞ ബ​ജ​റ്റി​ൽ പ​രി​ഗ​ണി​ച്ചി​ല്ല.

ബ​ജ​റ്റി​ലു​ണ്ട്, പ​ണി​യി​ലി​ല്ല!

പ​ല മ​ണ്ഡ​ല​ങ്ങ​ളി​ലേ​ക്കും ക​ഴി​ഞ്ഞ ബ​ജ​റ്റു​ക​ളി​ൽ പ്ര​ഖ്യാ​പി​ച്ച​തും തു​ക വ​ക​യി​രു​ത്തി​യ​തു​മാ​യ പ​ദ്ധ​തി​ക​ൾ​ക്കു ക​ഴി​ഞ്ഞ ബ​ജ​റ്റി​ലും പ​ണം അ​നു​വ​ദി​ച്ചെ​ങ്കി​ലും പ​ണി​ക​ൾ​മാ​ത്രം ബാ​ക്കി​യാ​യി. തൃ​ശൂ​ർ- വാ​ടാ​ന​പ്പി​ള്ളി റോ​ഡി​ൽ ക​നോ​ലി ക​നാ​ലി​നു കു​റു​കെ ക​ണ്ട​ശാം​ക​ട​വ് പാ​ല​ത്തി​ന്‍റെ പു​ന​ർ​നി​ർ​മാ​ണ​ത്തി​നു 2022ലും ​ക​ഴി​ഞ്ഞ ബ​ജ​റ്റി​ലും തു​ക വ​ക​യി​രു​ത്തി. ക​ഴി​ഞ്ഞ ബ​ജ​റ്റി​ൽ 60 കോ​ടി ന​ൽ​കു​മെ​ന്നാ​ണ് പ​റ​ഞ്ഞ​ത്. 2022ൽ ​നൂ​റു​കോ​ടി​യും 2023ൽ 75 ​കോ​ടി​യും അ​നു​വ​ദി​ച്ച, ഇ​തു​വ​രെ സ​ർ​വേ​പോ​ലും ന​ട​ന്നി​ട്ടി​ല്ലാ​ത്ത കൊ​ടു​ങ്ങ​ല്ലൂ​ർ ന​ഗ​ര​സ​ഭാ പ്ര​ദേ​ശ​ത്തേ​ക്കു​ള്ള സ​ന്പൂ​ർ​ണ കു​ടി​വെ​ള്ള​പ​ദ്ധ​തി​ക്ക് ക​ഴി​ഞ്ഞ​വ​ർ​ഷ​വും 75 കോ​ടി "അ​നു​വ​ദി​ച്ചു'.

പ​റ​വ​ട്ടാ​നി​യി​ലെ പെ​ലെ സ്റ്റേ​ഡി​യം നാ​ലു​കോ​ടി ചെ​ല​വി​ട്ടു​നി​ർ​മി​ച്ച​ശേ​ഷം ഒ​ന്പ​തു​കോ​ടി അ​നു​വ​ദി​ച്ചെ​ങ്കി​ലും അ​ന​ക്ക​മി​ല്ല. 2023ലെ ​ബ​ജ​റ്റി​ലും സ്റ്റേ​ഡി​യ​ത്തി​നു 10 കോ​ടി അ​നു​വ​ദി​ച്ചി​രു​ന്നു. വാ​ണി​ജ്യ​സ​മു​ച്ച​യ​ത്തോ​ടു​കൂ​ടി​യു​ള്ള ഗാ​ല​റി​നി​ർ​മാ​ണ​ത്തി​നു മൂ​ന്നു​കോ​ടി, പാ​ർ​ക്കിം​ഗ് ഏ​രി​യ നി​ർ​മാ​ണ​ത്തി​ന് അ​ഞ്ചു​കോ​ടി, ടെ​ന്നീ​സ് കോ​ർ​ട്ടി​ന്‍റെ പ്രാ​രം​ഭ​നി​ർ​മാ​ണ​ത്തി​ന് ഒ​രു കോ​ടി എ​ന്നി​ങ്ങ​നെ​യാ​ണു വ​ക​യി​രു​ത്തി​യ​ത്. സ്റ്റേ​ഡി​യം ഇ​തു​വ​രെ തു​റ​ന്നി​ട്ടി​ല്ല.

ബ​ജ​റ്റി​ൽ ക​ള​ക്ട​റേ​റ്റ് അ​ന​ക്സി​നു തു​ട​ർ​ച്ച​യാ​യ ര​ണ്ടു​വ​ട്ടം 25 കോ​ടി അ​നു​വ​ദി​ച്ചെ​ങ്കി​ലും യാ​ഥാ​ർ​ഥ്യ​മാ​യി​ല്ല. കോ​ൾ ക​ർ​ഷ​ക​മേ​ഖ​ല​യ്ക്കും കാ​ര്യ​മാ​യ സ​ഹാ​യം ല​ഭി​ച്ചി​ല്ല. റൈ​സ് ടെ​ക്നോ​ള​ജി പാ​ർ​ക്കി​നു മു​ൻ​ബ​ജ​റ്റു​ക​ളി​ൽ തു​ക വ​ക​യി​രു​ത്തി​യെ​ങ്കി​ലും ഒ​ന്നും ന​ട​ന്നി​ല്ല. ഇ​ക്കു​റി പ​ണം നീ​ക്കി​വ​യ്ക്കു​മെ​ന്നാ​ണു പ്ര​തീ​ക്ഷ.

​കി​ട്ടു​മോ കെ​എ​സ്ആ​ർ​ടി​സി​ക്ക്?

തു​ട​ർ​ച്ച​യാ​യി അ​വ​ഗ​ണി​ക്ക​പ്പെ​ടു​ന്ന കെ​എ​സ്ആ​ർ​ടി​സി ബ​സ് സ്റ്റാ​ൻ​ഡി​നു ക​ഴി​ഞ്ഞ ബ​ജ​റ്റി​ൽ പ​ണം അ​നു​വ​ദി​ച്ചി​ല്ലെ​ങ്കി​ലും പി. ​ബാ​ല​ച​ന്ദ്ര​ൻ എം​എ​ൽ​എ​യു​ടെ നേ​തൃ​ത്വ​ത്തി​ൽ വി​ക​സ​ന​ച​ർ​ച്ച​ക​ൾ പു​രോ​ഗ​മി​ക്കു​ന്നു​ണ്ട്. നി​ര​വ​ധി ജി​ല്ല​ക​ളി​ൽ​നി​ന്നു​ള്ള യാ​ത്ര​ക്കാ​രു​ടെ ആ​ശ്ര​യ​മാ​യി​ട്ടും തൃ​ശൂ​രി​നോ​ളം സ്ഥ​ല​പ​രി​മി​തി​യും അ​ടി​സ്ഥാ​ന​സൗ​ക​ര്യ​ക്കു​റ​വു​മു​ള്ള മ​റ്റൊ​രു സ്റ്റാ​ൻ​ഡു​മി​ല്ല. സ്റ്റാ​ൻ​ഡി​ലേ​ക്കു പ്ര​വേ​ശി​ക്കാ​ൻ ബ​സു​ക​ൾ സ​മ​യ​മെ​ടു​ക്കു​ന്ന​തു സ​മീ​പ​ത്തെ റോ​ഡു​ക​ളെ​യും കു​രു​ക്കി​ലാ​ക്കു​ന്നു. മു​ൻ ഗ​താ​ഗ​ത​മ​ന്ത്രി ആ​ന്‍റ​ണി രാ​ജു സ്റ്റാ​ൻ​ഡ് ന​വീ​ക​രി​ക്കു​മെ​ന്നു പ​റ​ഞ്ഞെ​ങ്കി​ലും വാ​ഗ്ദാ​നം പൂ​ർ​ത്തി​യാ​ക്കാ​ൻ ക​സേ​ര​യി​ലി​ല്ലെ​ന്നു​മാ​ത്രം! ഇ​ക്കു​റി കെ​എ​സ്ആ​ർ​ടി​സി​ക്കാ​യി ജി​ല്ല​യി​ൽ​നി​ന്നു​ള്ള സി​പി​ഐ പ്ര​തി​നി​ധി​ക​ൾ സ​മ്മ​ർ​ദം ചെ​ലു​ത്തി​യി​ട്ടു​ണ്ടെ​ന്നാ​ണു വി​വ​രം.

​വ​ഴി​ക​ൾ വ​ഴി​യാ​ധാ​രം

ര​ണ്ടു മ​ന്ത്രി​മാ​രും ഒ​ന്പ​ത് എം​എ​ൽ​എ​മാ​രു​മു​ണ്ടാ​യി​ട്ടും തൃ​ശൂ​ർ ജി​ല്ല​യി​ലെ റോ​ഡു​ക​ൾ ഗ​തി​കേ​ടി​ലാ​ണ്. ഏ​റെ​ക്കാ​ല​ത്തെ ആ​വ​ശ്യ​മാ​യ അ​മ​ല​ന​ഗ​ർ-​മ​ണ്ണു​ത്തി ബൈ​പാ​സ്, തൃ​ശൂ​ർ ന​ഗ​ര​ത്തി​ലെ തി​ര​ക്ക് ഒ​ഴി​വാ​ക്കാ​ൻ പ​ടി​ഞ്ഞാ​റേ​കോ​ട്ട, കി​ഴ​ക്കേ​കോ​ട്ട മേ​ൽ​പ്പാ​ല​ങ്ങ​ൾ​ക്കു നീ​ക്ക​മു​ണ്ടാ​കു​മെ​ന്നു പ്ര​തീ​ക്ഷ​യു​ണ്ട്. 200 കോ​ടി​വ​രെ ചെ​ല​വു പ്ര​തീ​ക്ഷി​ക്കു​ന്ന കി​ഴ​ക്കേ​കോ​ട്ട പ​ദ്ധ​തി​ക്കു ന​ൽ​കി​യ​ത് ഒ​രു​കോ​ടി രൂ​പ​യാ​ണ്. പ​ടി​ഞ്ഞാ​റേ​കോ​ട്ട പ​ദ്ധ​തി പ​രി​ഗ​ണി​ച്ച​തേ​യി​ല്ല. ഇ​തു​സം​ബ​ന്ധി​ച്ച കോ​ർ​പ​റേ​ഷ​ൻ ബ​ജ​റ്റ് പ്ര​ഖ്യാ​പ​ന​വും വെ​റു​തേ​യാ​ണെ​ന്നു വ്യ​ക്ത​മാ​യി.

ശ​ക്ത​ൻ ന​ഗ​ർ- വ​ഞ്ചി​ക്കു​ളം ബൈ​പാ​സ് പ​രി​ഗ​ണി​ക്കു​മോ​യെ​ന്നു വ്യ​ക്ത​മ​ല്ല. മു​ന്പു പ​ത്തു​ല​ക്ഷ​മാ​ണ് അ​നു​വ​ദി​ച്ച​ത്. ക​ഴി​ഞ്ഞ​വ​ർ​ഷം ഇ​ത് ഒ​രു കോ​ടി​യാ​ക്കി ഉ​യ​ർ​ത്തി. സ്ഥ​ലം ഏ​റ്റെ​ടു​പ്പി​ന് ഇ​തി​ൽ​കൂ​ടു​ത​ൽ തു​ക​യാ​കു​മെ​ന്ന​തി​നാ​ൽ പ്ര​ഖ്യാ​പ​നം​മാ​ത്ര​മാ​യി ഒ​തു​ങ്ങി. നി​ർ​മാ​ണം തു​ട​ങ്ങി​യ റോ​ഡു​ക​ളു​ടെ പൂ​ർ​ത്തീ​ക​ര​ണ​വും എ​ങ്ങു​മെ​ത്തി​യി​ട്ടി​ല്ല.

​ജ​ല​പാ​ത​ക​ൾ

കോ​വ​ളം-​ബേ​ക്ക​ൽ ജ​ല​പാ​ത​യു​മാ​യി ബ​ന്ധി​പ്പി​ച്ച് കോ​ട്ട​പ്പു​റം മു​ത​ൽ അ​ണ്ട​ത്തോ​ടു​വ​രെ പാ​ത വ​ൻ​പ്ര​തീ​ക്ഷ​യി​ലാ​യി​രു​ന്നെ​ങ്കി​ലും ക​ഴി​ഞ്ഞ ബ​ജ​റ്റ് പ​രി​ഗ​ണി​ച്ചി​ല്ല. ജ​ല​പാ​ത വി​ക​സ​നം വ​ൻ​പ​ദ്ധ​തി​യാ​യി ബ​ജ​റ്റി​ൽ ഉ​ൾ​പ്പെ​ട്ടെ​ങ്കി​ലും ഈ ​മേ​ഖ​ല​യെ അ​വ​ഗ​ണി​ച്ച​ത് എ​ന്തി​നെ​ന്നു ജ​ന​പ്ര​തി​നി​ധി​ക​ൾ​ക്കും അ​റി​യി​ല്ല. കൊ​ല്ലം-​കോ​ട്ട​പ്പു​റം ജ​ല​പാ​ത​യും കോ​ട്ട​പ്പു​റം- കാ​സ​ർ​ഗോ​ഡ് ജ​ല​പാ​ത​യും സം​ഗ​മി​ക്കു​ന്ന​ത് ഇ​വി​ടെ​യാ​യി​രു​ന്ന​തി​നാ​ൽ 2023ലെ ​ബ​ജ​റ്റ് പ്ര​തീ​ക്ഷ ന​ൽ​കി​യി​രു​ന്നു. കോ​ട്ട​പ്പു​റം മു​ത​ൽ ചേ​റ്റു​വ​വ​രെ ബോ​ട്ട് ഗ​താ​ഗ​ത​ത്തി​നു കാ​ര്യ​മാ​യ ത​ട​സ​ങ്ങ​ളി​ല്ലെ​ങ്കി​ലും കോ​ട്ട​പ്പു​റം​മു​ത​ൽ അ​ണ്ട​ത്തോ​ടു​വ​രെ ഭാ​ഗ​ത്തു സ​ഞ്ച​രി​ക്കാ​ൻ ത​ട​സ​ങ്ങ​ളു​ണ്ട്. പാ​ല​ങ്ങ​ളു​ടെ ഉ​യ​രം​കൂ​ട്ട​ൽ, ആ​ഴം​കൂ​ട്ട​ൽ എ​ന്നി​വ​യ്ക്കു ക​ഴി​ഞ്ഞ ബ​ജ​റ്റി​ൽ ഫ​ണ്ട് അ​നു​വ​ദി​ച്ചി​ല്ല.

പ്ര​തീ​ക്ഷ​യ്ക്കു വ​ക​യു​ണ്ടോ?

മാ​റി​യ രാ​ഷ്ട്രീ​യ​സാ​ഹ​ച​ര്യം പ​രി​ഗ​ണി​ച്ചു ജി​ല്ല​യ്ക്കു സം​സ്ഥാ​ന ബ​ജ​റ്റി​ൽ വ​ൻ​കി​ട​പ​ദ്ധ​തി​ക​ൾ ഉ​ണ്ടാ​കു​മെ​ന്നു പ്ര​തീ​ക്ഷ. നി​റ​യെ വാ​ഗ്ദാ​ന​ങ്ങ​ൾ ന​ൽ​കി സു​രേ​ഷ് ഗോ​പി കേ​ന്ദ്ര​മ​ന്ത്രി​യാ​യി​ട്ടും തൃ​ശൂ​ർ പാ​ർ​ല​മെ​ന്‍റ് മ​ണ്ഡ​ല​ത്തി​ൽ​പോ​ലും പ്ര​ത്യേ​കി​ച്ചു പ​ദ്ധ​തി​ക​ളൊ​ന്നും കേ​ന്ദ്രം പ്ര​ഖ്യാ​പി​ക്കാ​ത്ത സാ​ഹ​ച​ര്യ​ത്തി​ൽ കേ​ര​ള​ത്തി​ന്‍റെ ബ​ജ​റ്റി​ൽ പ​രി​ഗ​ണ​ന​യു​ണ്ടാ​കു​മെ​ന്നാ​ണു വി​ല​യി​രു​ത്ത​ൽ.

ടൂ​റി​സം വി​ക​സ​ന​ത്തി​ന് ഇ​ക്കു​റി കൂ​ടു​ത​ൽ പ​രി​ഗ​ണ​ന ല​ഭി​ച്ചേ​ക്കും. മ​ന്ത്രി റി​യാ​സി​ന്‍റെ സ്വ​പ്ന​പ​ദ്ധ​തി​യാ​യ കാ​ര​വ​ൻ ടൂ​റി​സ​ത്തി​നു തൃ​ശൂ​ർ ജി​ല്ല​യി​ൽ ഏ​റെ സാ​ധ്യ​ത​ക​ളു​ണ്ട്. ഈ ​പ​ദ്ധ​തി ഏ​റെ​ക്കു​റെ നി​ല​ച്ചു. സ​ഞ്ചാ​രി​ക​ളെ ഏ​റെ ആ​ക​ർ​ഷി​ക്കു​ന്ന അ​തി​ര​പ്പി​ള്ളി, വാ​ഴ​ച്ചാ​ൽ കാ​ന​ന​പാ​ത​യ​ട​ക്ക​മു​ള്ള​വ​യ്ക്കു​ള്ള പ​ദ്ധ​തി​ക​ളും ജി​ല്ല പ്ര​തീ​ക്ഷി​ക്കു​ന്നു.

ലൈ​ഫ് പ​ദ്ധ​തി​യു​ടെ ഭാ​ഗ​മാ​യി വ​ട​ക്കാ​ഞ്ചേ​രി​യി​ലെ ഫ്ളാ​റ്റി​ന്‍റെ കാ​ര്യം ഇ​ക്കു​റി പ​രി​ഗ​ണി​ക്കു​മെ​ന്ന പ്ര​തീ​ക്ഷ​യു​ണ്ട്. ക​രു​വ​ന്നൂ​ർ ബാ​ങ്കി​ലെ നി​ക്ഷേ​പ​ക​ർ​ക്കു തു​ക മ​ട​ക്കി​ന​ൽ​കു​ന്ന​തി​നു​ള്ള പ​ദ്ധ​തി​ക​ൾ ഏ​റെ ച​ർ​ച്ച​യാ​യെ​ങ്കി​ലും ക​ഴി​ഞ്ഞ ബ​ജ​റ്റി​ൽ അ​വ​ഗ​ണി​ച്ചി​രു​ന്നു. ഇ​ത്ത​വ​ണ എ​ന്തെ​ങ്കി​ലും? കാ​ത്തി​രി​ക്കാം. ഒ​രു ദി​നം​കൂ​ടി.