സ്വ​ന്തം ലേ​ഖ​ക​ന്‍

തൃ​ശൂ​ര്‍: ചു​ട്ടു​പൊ​ള്ളു​ന്ന ചൂ​ടി​ല്‍ വ​ട്ടം​ക​റ​ക്കി ഗ​താ​ഗ​ത​നി​യ​ന്ത്ര​ണ​വും വ​ന്ന​തോ​ടെ വ​ല​ഞ്ഞ് യാ​ത്ര​ക്കാ​രും പോ​ലീ​സും. കൂ​ര്‍​ക്ക​ഞ്ചേ​രി കു​റു​പ്പം​റോ​ഡ് കോ​ണ്‍​ക്രീ​റ്റിം​ഗി​ന്‍റെ ഭാ​ഗ​മാ​യി ഏ​ര്‍​പ്പെ​ടു​ത്തി​യ നി​യ​ന്ത്ര​ണ​ത്തി​ല്‍ ഗ​താ​ഗ​തം ഇ​ഴ​ഞ്ഞു. ര​ണ്ടു ദി​ശ​ക​ളി​ലൂ​ടെ ക​ട​ത്തി​വി​ട്ട റോ​ഡു​ക​ള്‍ വ​ണ്‍​വേ ആ​ക്കി​യ​തോ​ടെ ന​ഗ​ര​ത്തി​ലെ​മ്പാ​ടും വാ​ഹ​ന​ങ്ങ​ളു​ടെ നീ​ണ്ട​നി​ര രൂ​പ​പ്പെ​ട്ടു. ഇ​ട​റോ​ഡു​ക​ളി​ലും വാ​ഹ​ന​ങ്ങ​ള്‍ തി​ങ്ങി​ഞെ​രു​ങ്ങി.

പോ​സ്റ്റ് ഓ​ഫീ​സ് റോ​ഡ് വ​ണ്‍​വേ ആ​ക്കി​യ​തോ​ടെ ക​ച്ച​വ​ട​സ്ഥാ​പ​ന​ങ്ങ​ള്‍​ക്കും തി​രി​ച്ച​ടി​യാ​യി. ഈ ​വ​ഴി വാ​ഹ​ന​ങ്ങ​ളു​ടെ എ​ണ്ണം വ​ര്‍​ധി​ച്ച​തോ​ടെ ക​ട​ക​ളി​ലേ​ക്കു സാ​ധ​ന​ങ്ങ​ള്‍ വാ​ങ്ങാ​നെ​ത്തു​ന്ന​വ​ര്‍​ക്കു പാ​ര്‍​ക്ക് ചെ​യ്യാ​നും ക​ഴി​യാ​ത്ത സ്ഥി​തി​യാ​യി. വെ​ളി​യ​ന്നൂ​ര്‍ -ദി​വാ​ന്‍​ജി​മൂ​ല റോ​ഡി​ല്‍ ഇ​രു​ദി​ശ​ക​ളി​ലും വാ​ഹ​ന​മോ​ടാ​ന്‍ തു​ട​ങ്ങി​യ​തോ​ടെ ഇ​വി​ടെ​യും കു​രു​ക്കാ​ണ്. പൂ​ത്തോ​ളി​ല്‍​നി​ന്ന് മേ​ല്‍​പ്പാ​ലം ക​യ​റി വ​രു​ന്ന ഭാ​ര​വാ​ഹ​ന​ങ്ങ​ള്‍ ദി​വാ​ന്‍​ജി മൂ​ല​യി​ലെ​ത്തി വ​ല​ത്തോ​ട്ടു​തി​രി​ഞ്ഞു കെഎ​സ്ആ​ര്‍​ടി​സി എ​മ​റാ​ള്‍​ഡ് ജം​ഗ്ഷ​നി​ല്‍ എ​ത്തി ഇ​ട​ത്തോ​ട്ട്തി​രി​ഞ്ഞ് വെ​ളി​യ​ന്നൂ​ര്‍, റിം​ഗ് റോ​ഡ് ജം​ഗ്ഷ​ന്‍ വ​ഴി​യാ​ണ് സ​ര്‍​വീ​സ് ന​ട​ത്തു​ന്ന​ത്.

ട്രാ​ഫി​ക് എ​ന്‍​ഫോ​ഴ്സ്മെ​ന്‍റ് നി​ര്‍​ദേ​ശി​ച്ച ഗ​താ​ഗ​ത​നി​യ​ന്ത്ര​ണം ഇ​ന്ന​ലെ രാ​വി​ലെ മു​ത​ല്‍ പ​ല റോ​ഡു​ക​ളി​ലും ന​ട​പ്പാ​ക്കി. ട്രാ​ഫി​ക് എ​സ്ഐ​യു​ടെ നേ​തൃ​ത്വ​ത്തി​ല്‍ പ​ല സം​ഘ​ങ്ങ​ളാ​യി തി​രി​ഞ്ഞാ​ണു പോ​ലീ​സ് ഓ​രോ റൂ​ട്ടി​ലും പ​രി​ഷ്കാ​രം ന​ട​പ്പാ​ക്കി​യ​ത്. ഒ​രോ വ​ഴി​യി​ലും വ​ണ്ടി​ക​ള്‍ തി​രി​ച്ചു​വി​ട്ട​ശേ​ഷം അ​ടു​ത്ത​വ​ഴി​യി​ല്‍ നി​യ​ന്ത്ര​ണം കൊ​ണ്ടു​വ​ന്ന​തും വാ​ഹ​ന​യാ​ത്രി​ക​രെ ആ​ശ​യ​ക്കു​ഴ​പ്പ​ത്തി​ലാ​ക്കി. മു​ന്‍​കൂ​ര്‍ അ​റി​യി​പ്പ് ന​ല്‍​കി​യ റോ​ഡു​ക​ളി​ല്‍ ഇ​ന്ന​ലെ വൈ​കി​ട്ടോ​ടെ നി​യ​ന്ത്ര​ണം ന​ട​പ്പാ​ക്കി​യെ​ന്ന് ട്രാ​ഫി​ക് എ​സ്ഐ പ​റ​ഞ്ഞു.

എ​ത്ര ദി​വ​സം ഈ ​കു​രു​ക്ക്

തൃ​ശൂ​ര്‍: കോ​ണ്‍​ക്രീ​റ്റിം​ഗ് പൂ​ര്‍​ത്തി​യാ​ക്കി എ​ന്നു ഗ​താ​ഗ​തം പ​ഴ​യ​പ​ടി​യാ​കു​മെ​ന്നു ചോ​ദി​ച്ചാ​ല്‍ ആ​ര്‍​ക്കും വ്യ​ക്ത​മാ​യ ഉ​ത്ത​ര​മി​ല്ല. 87 ദി​വ​സം വേ​ണ്ടി​വ​രു​മെ​ന്നാ​ണു പോ​ലീ​സി​നു ല​ഭി​ച്ച മ​റു​പ​ടി. കോ​ണ്‍​ക്രീ​റ്റിം​ഗി​നു​ശേ​ഷം ഉ​റ​യ്ക്കു​ന്ന​തു​വ​രെ ഗ​താ​ഗ​തം സാ​ധ്യ​മ​ല്ല. കൂ​ടു​ത​ല്‍ നീ​ളാ​നാ​ണു സാ​ധ്യ​ത​യെ​ന്നും പ​റ​യു​ന്നു. സ്വ​കാ​ര്യ വാ​ഹ​ന​ങ്ങ​ള്‍ പ​ര​മാ​വ​ധി ഒ​ഴി​വാ​ക്കി ഈ ​ദി​വ​സ​ങ്ങ​ളി​ല്‍ പൊ​തു​ഗ​താ​ഗ​തം ഉ​പ​യോ​ഗി​ക്ക​ണ​മെ​ന്നും അ​ധി​കൃ​ത​ര്‍ നി​ര്‍​ദേ​ശി​ക്കു​ന്നു. വ​ഴി​യ​രി​കി​ലെ പാ​ര്‍​ക്കിം​ഗും പാ​ടി​ല്ലെ​ന്നു നി​ര്‍​ദേ​ശി​ച്ചി​ട്ടു​ണ്ട്.

ബ​സു​ക​ള്‍ സ്റ്റോ​പ്പി​ല്‍ നി​ര്‍​ത്ത​ണം

തൃ​ശൂ​ര്‍: ന​ട്ട​പ്പൊ​രി​വെ​യി​ലി​ല്‍ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കാ​ന്‍ പ​ണി​പ്പെ​ട്ട പോ​ലീ​സ് ആ​വ​ശ്യ​പ്പെ​ട്ട​ത് ഒ​രേ​യൊ​രു കാ​ര്യം: സ്വ​കാ​ര്യ കെ ​എ​സ്ആ​ര്‍​ടി​സി ബ​സു​ക​ള്‍ സ്റ്റോ​പ്പു​ക​ളി​ല്‍​നി​ന്നു മാ​ത്രം ആ​ളെ എ​ടു​ക്ക​ണം! വെ​ളി​യ​ന്നൂ​ര്‍ ദി​വാ​ന്‍​ജി മൂ​ല റോ​ഡി​ലും ശ​ക്ത​ന്‍ ബ​സ് സ്റ്റാ​ന്‍​ഡ് കെ​എ​സ്ആ​ര്‍​ടി​സി റോ​ഡി​ലും വാ​ഹ​നപ്ര​ള​യ​മാ​ണ്. സ്റ്റാ​ന്‍​ഡി​ല്‍ നി​ന്നി​റ​ങ്ങി കെ​എ​സ്ആ​ര്‍​ടി​സി ബ​സു​ക​ളും പൂ​ത്തോ​ള്‍ ഭാ​ഗ​ത്തേ​ക്കു പോ​കു​ന്ന സ്വ​കാ​ര്യ ബ​സു​ക​ളും ആ​രു കൈ​കാ​ട്ടി​യാ​ലും നി​ര്‍​ത്തു​ന്ന​ത് നി​മി​ഷ​ങ്ങ​ള്‍​ക്കു​ള്ളി​ല്‍ രൂ​ക്ഷ​മാ​യ ഗ​താ​ഗ​ത​ക്കു​രു​ക്കു​ണ്ടാ​ക്കും. മു​ന്‍​കൂ​ട്ടി നി​ശ്ച​യി​ച്ച സ്റ്റോ​പ്പു​ക​ളി​ല്‍​നി​ന്നു മാ​ത്രം ആ​ളെ ക​യ​റ്റ​ണ​മെ​ന്നു പോ​ലീ​സ് നി​ര്‍​ദേ​ശി​ച്ചു.