ആ​ലു​വ: ഐ​സ്ക്രീം ക​മ്പ​നി​യു​ടെ കോ​ൾ​ഡ് റൂം ​നിർമാണത്തി​നി​ടെ ബീം ​ഇ​ടി​ഞ്ഞു വീ​ണ് അ​ഞ്ചു തൊഴിലാളികൾക്ക് പ​രി​ക്കേറ്റു. പെ​രു​മ്പാ​വൂ​ർ സ്വ​കാ​ര്യ ബ​സ് റൂ​ട്ടി​ൽ വാ​ഴ​ക്കു​ളം വ്യ​വ​സാ​യ മേ​ഖ​ല​യി​ൽ ഇ​ന്ന​ലെ രാ​ത്രി ഏ​ഴ​ര​യോ​ടെ​യായിരുന്നു അ​പ​ക​ടം.

പ​രി​ക്കേ​റ്റ സ​രു​ൺ, പ​ങ്ക​ജ്, ആ​ഷി​ക്, രാ​മേ​ശ്വ​ർ, ജ്ഞാ​നേ​ശ്വ​ർ എ​ന്നി​വ​രെ രാ​ജ​ഗി​രി ആശുപത്രി യിൽ പ്ര​വേ​ശി​പ്പി​ച്ചു. ഇ​തി​ൽ സ​രു​ൺ ഒ​ഴി​കെ എ​ല്ലാ​വ​രും ഇതര സം​സ്ഥാ​ന തൊ​ഴി​ലാ​ളി​ക​ളാ​ണ്. ആ​രു​ടെ​യും പ​രി​ക്ക് ഗു​രു​ത​ര​മ​ല്ല.

സംഭവസമയം ക​മ്പ​നി ക​രാ​റു​കാ​ര​ന്‍റെ ഏ​ഴു തൊ​ഴി​ലാ​ളി​ക​ളും റെ​ഡി​മി​ക്സ് ക​മ്പ​നി​യു​ടെ മൂ​ന്ന് തൊ​ഴി​ലാ​ളി​ക​ളു​മാ​ണ് ഉ​ണ്ടാ​യി​രു​ന്ന​ത്. പലരുടെയും മു​ഖ​ത്താ​ണ് പരിക്കുകൾ. വേ​ണ്ട​ത്ര സു​ര​ക്ഷാ സം​വി​ധാ​ന​മി​ല്ലാ​തെ​യാ​ണ് നി​ർ​മാ​ണ​പ്ര​വ​ർ​ത്ത​നം ന​ട​ത്തി​യ​തെ​ന്ന ആ​ക്ഷേ​പ​ത്തെ​ക്കു​റി​ച്ച് അ​ന്വേ​ഷ​ണം ന​ട​ത്ത​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

നി​ർ​മാ​ണ​പ്ര​വ​ർ​ത്ത​നം ന​ട​ക്കു​മ്പോ​ൾ എ​ൻ​ജി​നീ​യ​ർ​മാ​രൊ​ന്നും ഉ​ണ്ടാ​യി​രു​ന്നി​ല്ലെ​ന്നും അ​ന്വേ​ഷ​ണ​ത്തി​ൽ വ്യ​ക്ത​മാ​യി​ട്ടു​ണ്ട്.
കാ​മ​റി ഐ​സ്ക്രീം ക​മ്പ​നി​യു​ടെ കോ​ൾ​ഡ് റൂം ​പ​ണി​യു​ന്ന​തി​ന്‍റെ ക​ൺ​സ്ട്ര​ക്ഷ​ൻ ബീ​മാ​ണ് ഇ​ടി​ഞ്ഞു വീ​ണ​ത്.
സം​ഭ​വ​സ്ഥ​ല​ത്ത് എ​ത്തി​യ എ​ട​ത്ത​ല പോ​ലീ​സ് അ​ന്വേ​ഷ​ണം ആ​രം​ഭി​ച്ചു.