ആ​ലു​വ: കു​ട്ട​മ​ശേരി കു​ന്നും​പു​റ​ത്ത് പ്ര​വ​ർ​ത്തി​ക്കു​ന്ന ഓ​ൺ​ലൈ​ൻ പ​രീ​ക്ഷ സെ​ന്‍റ​റി​ൽ എ​ത്തി​യ​വ​ർ റോ​ഡി​നി​രു​വ​ശ​വും വാ​ഹ​ന​ങ്ങ​ൾ പാ​ർ​ക്കിം​ഗ് ചെ​യ്ത​തോ​ടെ കീ​ഴ്മാ​ട് സ​ർ​ക്കു​ല​ർ റോ​ഡി​ൽ വ​ൻ ഗ​താ​ഗ​ത​ക്കു​രു​ക്ക്. അ​ന​ധി​കൃ​ത പാ​ർ​ക്കി​നെ​തി​രേ പ്ര​ദേ​ശ​വാ​സി​ക​ൾ പ​ല​വ​ട്ടം സ​മ​ര​ങ്ങ​ൾ ന​ട​ത്തി​യി​ട്ടു​ണ്ടെ​ങ്കി​ലും പ​രീ​ക്ഷാ ദി​ന​ങ്ങ​ളി​ൽ സ​ർ​ക്കു​ല​ർ റോ​ഡ് ബ്ലോ​ക്കി​ൽപ്പെ​ടു​ന്ന​താ​യാ​ണ് പ​രാ​തി.

വി​വി​ധ സ​ർ​ക്കാ​ർ വ​കു​പ്പു​ക​ളി​ലേ​ക്കു​ള്ള പ​രീ​ക്ഷ​ക​ളാ​ണി​വി​ടെ മി​ക്ക ദി​വ​സ​ങ്ങ​ളി​ലും ന​ട​ക്കു​ന്ന​ത്. ചി​ല ദി​വ​സ​ങ്ങ​ളി​ൽ മൂ​ന്ന് ത​വ​ണ​യാ​യാ​ണ് പ​രീ​ക്ഷ​ക​ൾ ന​ട​ക്കു​ന്ന​ത്. കേ​ര​ള​ത്തി​ന​ക​ത്തും പു​റ​ത്തു നി​ന്നു​മാ​യി നി​ര​വ​ധി ഉ​ദ്യോ​ഗാ​ർ​ത്ഥി​ക​ളാ​വി​ടെ എ​ത്തു​ന്ന​ത്. പ​രീ​ക്ഷ ക​ഴി​ഞ്ഞി​റ​ങ്ങു​ന്ന​വ​രും അ​ടു​ത്ത പ​രീ​ക്ഷ​ക്ക് വ​രു​ന്ന​വ​രും ഒ​രേ സ​മ​യം വ​രു​മ്പോ​ൾ വാ​ഹ​ന പാ​ർ​ക്കിം​ഗി​നാ​യി സ്ഥ​ലം അ​നു​വ​ദി​ച്ചി​ട്ടു​ണ്ടെ​ങ്കി​ലും മ​തി​യാ​കു​ന്നി​ല്ല.

ഇ​ന്ന​ലെ ഞാ​യ​റാ​ഴ്ച ആ​യ​തി​നാ​ലാ​ണ് റോ​ഡ് ബ്ലോ​ക്ക് ആ​യെ​ങ്കി​ലും വ​ലി​യ അ​സൗ​ക​ര്യം ഉ​ണ്ടാ​കാ​തി​രു​ന്ന​ത്. പെ​രു​മ്പാ​വൂ​ർ കെഎ​സ്ആ​ർടിസി, ​സ്വ​കാ​ര്യ ബ​സ് റൂ​ട്ടു​ക​ളെ പ​ര​സ്പ​രം ബ​ന്ധി​പ്പി​ക്കു​ന്ന സ​ർ​ക്കു​ല​ർ റൂ​ട്ടി​ലൂ​ടെ ബ​സു​ക​ളും ക​ട​ന്നു പോ​കു​ന്നു​ണ്ട്. ഇ​വ​യും ഗ​താ​ഗ​ത​ക്കു​രു​ക്കി​ൽ പെ​ടാ​റു​ണ്ട്. രാ​ജ​ഗി​രി ആ​ശു​പ​ത്രി​യി​ക്കു​ള്ള ആ​ബു​ല​ൻ​സി​ക​ൾ​ക്കും അ​ന​ധി​കൃ​ത പാ​ർ​ക്കിം​ഗ് ബു​ദ്ധി​മു​ട്ടു​ണ്ടാ​ക്കു​ന്നു​ണ്ട്.

പ​ല​ത​വ​ണ ഓ​ൺ​ലൈ​ൻ ന​ട​ത്തി​പ്പു​കാ​ർ​ക്ക് പ​രാ​തി ന​ൽ​കി​യി​ട്ടു​ണ്ടെ​ങ്കി​ലും അ​ന​ധി​കൃ​ത പാ​ർ​ക്കി​ന് ശ​മ​ന​മി​ല്ല. ഇ​തി​നെ​തി​രെ പോ​ലീ​സ് അ​ധി​കാ​രി​ക​ൾ​ക്കും ജി​ല്ലാ ക​ള​ക്ട​ർ​ക്കും ഭീ​മ ഹ​ർ​ജി ന​ൽ​കാ​ൻ തീ​രു​മാ​നി​ച്ച​താ​യി പ്ര​ദേ​ശ​വാ​സി​ക​ൾ പ​റ​ഞ്ഞു.