കോ​ട്ട​യം: അ​ര്‍ബു​ദ പ്ര​തി​രോ​ധ​ത്തി​നും ചി​കി​ത്സ​യ്ക്കു​മാ​യി സം​സ്ഥാ​ന സ​ര്‍ക്കാ​ര്‍ ന​ട​പ്പാ​ക്കു​ന്ന “ആ​രോ​ഗ്യം ആ​ന​ന്ദം-​അ​ക​റ്റാം അ​ര്‍ബു​ദം’’ കാ​മ്പ​യി​ന് പി​ന്തു​ണ​യേ​കി ജി​ല്ലാ പ​ഞ്ചാ​യ​ത്തും ജി​ല്ലാ ഭ​ര​ണ​കൂ​ട​വും കു​ടും​ബ​ശ്രീ​യും ആ​രോ​ഗ്യ​വ​കു​പ്പും സം​യു​ക്ത​മാ​യി സം​ഘ​ടി​പ്പി​ക്കു​ന്ന സ്ത്രീ​കൂ​ട്ടാ​യ്മ ആ​രോ​ഗ്യ-​ആ​ന​ന്ദം സം​ഗ​മം ഇ​ന്നു രാ​വി​ലെ 10.30ന് ​ജി​ല്ലാ പ​ഞ്ചാ​യ​ത്ത് ഹാ​ളി​ല്‍ ന​ട​ക്കും.

ജി​ല്ലാ പ​ഞ്ചാ​യ​ത്ത് ആ​ക്‌​ടിം​ഗ് പ്ര​സി​ഡ​ന്‍റ് ജോ​സ് പു​ത്ത​ന്‍കാ​ലാ അ​ധ്യ​ക്ഷ​ത വ​ഹി​ക്കും. ആ​രോ​ഗ്യം ആ​ന​ന്ദം-​അ​ക​റ്റാം അ​ര്‍ബു​ദം കാ​മ്പ​യി​ന്‍ ജി​ല്ലാ ബ്രാ​ന്‍ഡ് അം​ബാ​സി​ഡ​റും കാ​ന്‍സ​ര്‍ അ​തി​ജീ​വി​ത​യു​മാ​യ നി​ഷ ജോ​സ് കെ. ​മാ​ണി ഉ​ദ്ഘാ​ട​നം ചെ​യ്യും.

ജി​ല്ലാ ക​ള​ക്ട​ര്‍ ജോ​ണ്‍ വി. ​സാ​മു​വ​ല്‍ ബ്രാ​ന്‍ഡ് അം​ബാ​സി​ഡ​ര്‍ പ്ര​ഖ്യാ​പ​നം നി​ര്‍വ​ഹി​ക്കും. ആ​രോ​ഗ്യം ആ​ന​ന്ദം-​അ​ക​റ്റാം അ​ര്‍ബു​ദം കാ​മ്പ​യി​ന്‍ ജി​ല്ല​യി​ലെ എ​ല്ലാ കു​ടും​ബ​ങ്ങ​ളി​ലേ​ക്കും സ്ത്രീ​ക​ളി​ലേ​ക്കും എ​ത്തി​ക്കു​ന്ന​തി​ന്‍റെ ഭാ​ഗ​മാ​യാ​ണ് സം​ഗ​മം ഒ​രു​ക്കു​ന്ന​ത്.

കു​ടും​ബ​ശ്രീ പ്ര​വ​ര്‍ത്ത​ക​ര്‍, ന​ഴ്സിം​ഗ് കോ​ള​ജ് വി​ദ്യാ​ര്‍ഥി​ക​ള്‍, വി​വി​ധ മേ​ഖ​ല​ക​ളി​ല്‍നി​ന്നു​ള്ള സ്ത്രീ​ക​ള്‍ എ​ന്നി​വ​ര്‍ സം​ഗ​മ​ത്തി​ന്‍റെ ഭാ​ഗ​മാ​കും. അ​ര്‍ബു​ദ ബോ​ധ​വ​ത്ക​ര​ണ പ​രി​പാ​ടി​ക​ളും ഇ​തോ​ട​നു​ബ​ന്ധി​ച്ച് സം​ഘ​ടി​പ്പി​ച്ചി​ട്ടു​ണ്ട്. ക​ട​പ്ലാ​മ​റ്റം കു​ടും​ബാ​രോ​ഗ്യ​കേ​ന്ദ്ര​ത്തി​ലെ ജീ​വ​ന​ക്കാ​ര്‍ അ​വ​ത​രി​പ്പി​ക്കു​ന്ന സും​ബാ ഡാ​ന്‍ഡ് പ​രി​പാ​ടി​യും ഇ​തോ​ട​നു​ബ​ന്ധി​ച്ച് ന​ട​ക്കും.