എ​രു​മേ​ലി: ന​ദി​ക​ളി​ൽ വെ​ള്ളം വ​റ്റു​ന്നു, മ​ണി​മ​ല‌​യാ​ർ മ​ലി​ന​യാ​റാ​കു​ന്നു. മ​ണി​മ​ല​യാ​റി​ലും പ​മ്പ, അ​ഴു​ത ന​ദി​ക​ളി​ലും വെ​ള്ളം വ​റ്റി​ക്കൊ​ണ്ടി​രി​ക്കു​ക​യാ​ണ്. ന​ദി​ക​ളി​ൽ നേ​രി​ട്ടു സൂ​ര്യ​താ​പ​മേ​ൽ​ക്കു​ന്ന ഭാ​ഗ​ങ്ങ​ളി​ൽ ഉ​ച്ച​സ​മ​യ​ത്ത് തി​ള​ച്ച നി​ല​യി​ലാ​ണ് വെ​ള്ള​ത്തി​ന്‍റെ ചൂ​ട്. ഇ​തു വ​ലി​യ തോ​തി​ൽ രോ​ഗ​ങ്ങ​ൾ പ​ട​ർ​ത്തി​യേ​ക്കു​മെ​ന്ന് ആ​ശ​ങ്ക‌യുണ്ട്. ഈ ​ന​ദി​ക​ളി​ൽ വ​ലി​യ തോ​തി​ൽ മ​ലി​ന​ജ​ലം കെ​ട്ടി​ക്കി​ട​ക്കു​ക​യാ​ണ്.

ചൂ​ടേ​റി​യ മ​ലി​ന​ജ​ലം ഗു​രു​ത​ര​മാ​യ പ്ര​ത്യാ​ഘാ​ത​ങ്ങ​ൾ​ക്ക് ഇ​ട​യാ​ക്കു​മെ​ന്ന് ആ​രോ​ഗ്യ​വ​കു​പ്പ് മു​ന്ന​റി​യി​പ്പ് ന​ൽ​കു​ന്നു. ഇ​ട​യ്ക്ക് പെ​യ്ത മ​ഴ​യി​ൽ ഒ​ഴു​കി​യെ​ത്തി​യ മാ​ലി​ന്യ​ങ്ങ​ൾ ന​ദി​ക​ളി​ൽ ഒ​ഴു​കി​പ്പോ​കാ​തെ കു​മി​ഞ്ഞു​കൂ​ടി​യ​ത് മ​ലി​നീ​ക​ര​ണം വ്യാ​പ​ക​മാ​ക്കി.

എ​രു​മേ​ലി​യി​ലെ തോ​ടു​ക​ളി​ൽ​നി​ന്നു​ള്ള മാ​ലി​ന്യ​ങ്ങ​ളാ​ണ് കൊ​ര​ട്ടി പാ​ല​ത്തി​ന്‍റെ താ​ഴെ മ​ണി​മ​ല​യാ​റി​ൽ ചേ​രു​ന്ന​ത്. വ​ൻ തോ​തി​ൽ പ്ലാ​സ്റ്റി​ക് ഉ​ൾ​പ്പെ​ടെ മാ​ലി​ന്യ​ങ്ങ​ൾ എ​രു​മേ​ലി​യി​ൽ തോ​ട്ടി​ലെ വെ​ള്ള​ത്തി​ൽ കെ​ട്ടി​ക്കി​ട​ക്കു​ന്ന​തു മ​ണി​മ​ല​യാ​റി​ലേ​ക്ക് എ​ത്തി​ക്കൊ​ണ്ടി​രി​ക്കു​ക​യാ​ണ്. ഈ ​മാ​ലി​ന്യ​ങ്ങ​ളാ​ണ് ക​രി​മ്പു​ക​യം കു​ടി​വെ​ള്ള പ​ദ്ധ​തി​യി​ൽ ക​ല​രു​ന്ന​ത്. ഇ​വി​ടെ ന​ട​ക്കു​ന്ന ശു​ചീ​ക​ര​ണം ശാ​സ്ത്രീ​യ​മ​ല്ല. ഇ​വി​ടെ​നി​ന്നു നീ​ക്കി​യ മാ​ലി​ന്യ​ങ്ങ​ൾ തോ​ട്ടി​ൽ​ത​ന്നെ ഉ​പേ​ക്ഷി​ക്കു​ക​യാ​ണ്.