കു​റ​വി​ല​ങ്ങാ​ട്: വി​ദേ​ശി​ക​ള​ട​ക്ക​മു​ള്ള പ​തി​നാ​യി​ര​ങ്ങ​ളെ ഭ​ക്തി​യു​ടെ ഓ​ള​പ്പ​ര​പ്പു​ക​ളി​ലെ​ത്തി​ക്കു​ന്ന മൂ​ന്നു​നോ​മ്പ് തി​രു​നാ​ളി​ൽ സം​വ​ഹി​ക്കു​ന്ന ക​പ്പ​ൽ അ​ണി​യി​ച്ചൊ​രു​ക്കി​ക്ക​ഴി​ഞ്ഞു. ക​ഴി​ഞ്ഞ നാ​ലു പ​തി​റ്റാ​ണ്ടാ​യി ക​പ്പ​ൽ അ​ണി​യി​ച്ചൊ​രു​ക്കാ​നു​ള്ള ഭാ​ഗ്യം ല​ഭി​ച്ച​തി​ന്‍റെ സ​ന്തോ​ക്ഷ​ത്തി​ലാ​ണ് കു​ന്നേ​ൽ എം.​വി. ജോ​ൺ.

ക​ൽ​പ്പ​ട​വു​ക​ളി​ലും മ​ണ​ൽ​പ്പ​ര​പ്പി​ലും സ​ഞ്ച​രി​ക്കു​ന്ന ക​പ്പ​ലി​ന്‍റെ തോ​ര​ണ​ങ്ങ​ളും കൊ​ടി​യും പാ​യു​മൊ​ക്കെ അ​തി​ന്‍റെ മ​നോ​ഹാ​രി​ത​യു​ടെ ഘ​ട​ക​ങ്ങ​ളാ​ണ്. ഈ ​ഓ​രോ അ​ല​ങ്കാ​ര​ങ്ങ​ളി​ലും ക​ഴി​ഞ്ഞ നാ​ല് പ​തി​റ്റാ​ണ്ടാ​യി എം.​വി. ജോ​ണി​ന്‍റെ ക​ര​ങ്ങ​ളാ​ണ്. ആ​ഴ്ച​ക​ൾ നീ​ളു​ന്ന പ​രി​ശ്ര​മ​ങ്ങ​ളി​ലാ​ണ് ക​പ്പ​ലി​നെ മ​നോ​ഹ​രി​യാ​ക്കു​ന്ന​ത്. ഓ​രോ വ​ർ​ഷ​വും ക​പ്പ​ലി​ന്‍റെ പെ​യി​ന്‍റിം​ഗ് ക​ഴി​ഞ്ഞാ​ൽ പി​ന്നെ ജോ​ണി​ന്‍റെ ക​ര​ലാ​ള​ന​യി​ലും സ്പ​ർ​ശ​ത്തി​ലു​മാ​ണ് ക​പ്പ​ൽ. ദേ​വാ​ല​യ​ത്തി​ൽ പ്ര​തി​ഷ്ഠി​ച്ച​തി​നു ശേ​ഷ​മാ​ണ് ക​പ്പ​ൽ അ​ണി​യി​ച്ചൊ​രു​ക്കി​ത്തു​ട​ങ്ങു​ന്ന​ത്. പൂ​ർ​ണ​മാ​യും പ്ര​കൃ​തി​സൗഹൃ​ദ വ​സ്തു​ക്ക​ളാ​ണ് അ​ല​ങ്കാ​ര​ത്തി​നാ​യി ഉ​പ​യോ​ഗി​ക്കു​ന്ന​ത്. ക​പ്പ​ൽ അ​ല​ങ്ക​രി​ക്കാ​ൻ ല​ഭി​ച്ച ഭാ​ഗ്യം ഒ​രു ദൈ​വി​ക​നി​യോ​ഗ​മാ​യാ​ണ് ജോ​ൺ ക​രു​തു​ന്നത്.

അ​ല​ങ്കാ​ര​ങ്ങ​ൾ ഇ​ങ്ങ​നെ

മു​ക​ളി​ലും മു​ൻ​പി​ലും പി​റ​കി​ലു​മാ​യി 12 കൊ​ടി​ക​ളാ​ണ് ക​പ്പ​ലി​ൽ കെ​ട്ടി​യൊ​രു​ക്കു​ന്ന​ത്. ശ്ലൈ​ഹി​ക പാ​ര​മ്പ​ര്യ​ത്തി​ന്‍റെ ഓ​ർ​മ​ക​ളാ​ണ് 12 കൊ​ടി​ക​ൾ സൂ​ചി​പ്പിക്കുന്നത്. കപ്പ​ലി​ൽ യോ​നാ പ്ര​വാ​ച​ക​ന്‍റേ​തൊ​ഴി​ക​യെു​ള്ള രൂ​പ​ങ്ങ​ൾ നേ​ര​ത്തേ​ത​ന്നെ ഒ​രു​ക്കി​യി​രി​ക്കും. പി​താ​വാ​യ ദൈ​വ​ത്തി​ന്‍റെ രൂ​പ​മാ​ണ് ക​പ്പ​ലി​ൽ പ്ര​ധാ​ന​ സ്ഥാ​ന​ത്ത് പ്ര​തി​ഷ്ഠി​ച്ചി​ട്ടു​ള്ള​ത്. ഇ​തി​നു മു​ക​ളി​ലാ​യി മ​നോ​ഹ​ര​മാ​യ മേ​ക്ക​ട്ടി ഉ​യ​ർ​ത്തി നി​റു​ത്തും. ക​പ്പ​ലി​ൽ​നി​ന്ന് ഏ​ഴു പ​ടി​ക​ൾ ക​യ​റി​യാ​ണ് കൊ​ടി​മ​ര​ത്തി​ലെ​ത്തു​ന്ന​ത്. ര​ണ്ടു കൊ​ടി​മ​ര​ങ്ങ​ളാ​ണു​ള്ള​ത്. കൂ​ദാ​ശ​ക​ളു​ടെ ചി​ന്ത​ക​ളാ​ണ് ഏ​ഴു പ​ടി​ക​ൾ സൂ​ചി​പ്പി​ക്കു​ന്ന​ത്. കൊ​ടി​ക​ൾ ഉ​യ​ർ​ത്തി​ക്കെ​ട്ടി ക​പ്പ​ലു​യ​ർ​ത്താ​നു​ള്ള അ​വ​കാ​ശം ക​ട​പ്പൂ​ര് ക​ര​ക്കാ​ർ​ക്കാ​ണ്.

ജോ​ണി​ന്‍റെ
അ​വ​കാ​ശ​വ​ഴി​ക​ൾ
ഇ​ങ്ങ​നെ

തൈ​ക്കാ​ട്ടു​ശേ​രി ഇ​ട​വ​കാം​ഗ​മാ​യ ജോ​ൺ വി​വാ​ഹ​ത്തി​ലൂ​ടെ​യാ​ണ് കു​റ​വി​ല​ങ്ങാ​ടി​ന്‍റെ ഭാ​ഗ​വും ക​പ്പ​ൽ അ​ല​ങ്കാ​ര​ത്തി​ന്‍റെ പി​ന്തു​ട​ർ​ച്ച​ക്കാ​ര​നു​മാ​യ​ത്. ഭാ​ര്യാ​പി​താ​വ് ജോ​സ് ജി. ​കു​ന്നേ​ലി​നൊ​പ്പം 1984ലാ​ണ് ക​പ്പ​ൽ അ​ല​ങ്കാ​ര​ത്തി​ൽ ജോ​ൺ പ​ങ്കെ​ടു​ക്കാ​ൻ തു​ട​ങ്ങി​യ​ത്. ഭാ​ര്യാ​പി​താ​വി​ന്‍റെ പി​താ​വ് വ​ർ​ക്കി കു​ന്നേ​ലാ​യി​രു​ന്നു അ​തി​ന് മു​ൻ​പ് അ​ല​ങ്കാ​ര​ത്തി​ന് നേ​തൃ​ത്വം ന​ൽ​കി​യി​രു​ന്ന​ത്. ദേ​വാ​ല​യ​ശു​ശ്രൂ​ഷി​യാ​യിരു​ന്നു വ​ർ​ക്കി. സെ​ന്‍റ് മേ​രീ​സ് സ്‌​കൂ​ളി​ൽ അ​ന​ധ്യാ​പ​ക​നാ​യി​രു​ന്നു ജോ​സ് ജി. ​കുന്നേൽ.

അ​വ​കാ​ശ​വും അ​ഭി​മാ​ന​വു​മാ​യി നി​യോ​ഗം നി​ർ​വ​ഹി​ക്കു​ന്ന ജോ​ണി​നൊ​പ്പം ഭാ​ര്യ സോ​ഫി​യും സ​ജീ​വ​മാ​ണ്. കു​ന്നേൽ കു​ടും​ബ​ത്തി​ന്‍റെ നി​യോ​ഗ​ങ്ങ​ൾ​ക്കു​ള്ള അ​നു​മോ​ദ​ന​മാ​യി പ്ര​ത്യേ​ക അ​വ​കാ​ശ​ങ്ങ​ളും ഇ​ട​വ​ക ദേ​വാ​ല​യം ന​ൽ​കി​വ​രു​ന്നു.