കോ​ട്ട​യം: സം​സ്ഥാ​ന സ​ര്‍ക്കാ​രി​ന്‍റെ വ​നി​താ കാ​ന്‍സ​ര്‍ നി​യ​ന്ത്ര​ണ പ​ദ്ധ​തി​യാ​യ ആ​രോ​ഗ്യം ആ​ന​ന്ദം പ​ദ്ധ​തി​യു​ടെ ന​ട​ത്തി​പ്പു​മാ​യി ബ​ന്ധ​പ്പെ​ട്ട് ജി​ല്ലാ കാ​ന്‍സ​ര്‍ ക​ണ്‍ട്രോ​ള്‍ സൊ​സൈ​റ്റി​യു​ടെ ആ​ഭി​മു​ഖ്യ​ത്തി​ല്‍ സ്ത്രീ​ക​ളി​ലെ കാ​ന്‍സ​ര്‍ നേ​ര​ത്തെ ക​ണ്ടെ​ത്തി ചി​കി​ത്സ​യ്ക്ക് വി​ധേ​യ​മാ​ക്കു​ന്ന ആ​രോ​ഗ്യ ആ​ന​ന്ദം പ​ദ്ധ​തി​ക്ക് തു​ട​ക്കം​കു​റി​ക്കു​ന്നു. കാ​ന്‍സ​ര്‍ ദി​ന​മാ​യ ഇ​ന്നു മു​ത​ല്‍ വ​നി​താ​ദി​ന​മാ​യ മാ​ര്‍ച്ച് എ​ട്ടു​വ​രെ​യാ​ണ് കാ​മ്പ​യി​ന്‍.

സ്ത്രീ​ക​ളി​ലെ സ്ത​നാ​ര്‍ബു​ദം, ഗ​ര്‍ഭാ​ശ​യ​ഗ​ള കാ​ന്‍സ​ര്‍ എ​ന്നി​വ​യു​ടെ ക​ണ്ടെ​ത്ത​ലി​നും ചി​കി​ത്സ​യ്ക്കു​മാ​ണ് കാ​മ്പ​യി​നി​ല്‍ പ്രാ​മു​ഖ്യം ന​ല്‍കു​ന്ന​ത്. 30 മു​ത​ല്‍ 65 വ​യ​സു​വ​രെ​യു​ള്ള സ്ത്രീ​ക​ള്‍ക്കി​ട​യി​ല്‍ അ​ര്‍ബു​ദ​ത്തെ​ക്കു​റി​ച്ച് കൂ​ടു​ത​ല്‍ അ​വ​ബോ​ധം സൃ​ഷ്ടി​ച്ച് പ​ര​മാ​വ​ധി പേ​രെ സ്ത​ന, ഗ​ര്‍ഭാ​ശ​യ​ഗ​ള പ​രി​ശോ​ധ​ന​ക​ള്‍ക്ക് വി​ധേ​യ​രാ​ക്കാ​നാ​ണ് ല​ക്ഷ്യ​മി​ടു​ന്ന​ത്.

ജ​ന​കീ​യ പ​ങ്കാ​ളി​ത്ത​ത്തോ​ടെ​യു​ള്ള തീ​വ്ര പ്ര​ചാ​ര​ണ ബോ​ധ​വ​ത്ക​ര​ണ പ​രി​പാ​ടി​ക​ളാ​ണ് സം​ഘ​ടി​പ്പി​ക്കു​ന്ന​ത്. തൊ​ഴി​ലി​ട​ങ്ങ​ള്‍, സ്വാ​ശ്ര​യ​സം​ഘ​ങ്ങ​ള്‍, ഗ്രാ​മ​സ​ഭ​ക​ള്‍, അ​ങ്ക​ണ​വാ​ടി​ക​ള്‍, ഹ​യ​ര്‍ സെ​ക്ക​ന്‍ഡ​റി സ്‌​കൂ​ളു​ക​ള്‍, കോ​ള​ജു​ക​ള്‍ എ​ന്നി​വി​ട​ങ്ങ​ള്‍ കേ​ന്ദ്രീ​ക​രി​ച്ച് പ്ര​ചാ​ര​ണ​ങ്ങ​ള്‍ ന​ട​ത്തും.