കോ​ട്ട​യം: ഫ്ളാ​റ്റി​ലെ ബാ​ൽ​ക്ക​ണി​യി​ൽ കു​ടു​ങ്ങി​യ കു​ഞ്ഞു​ങ്ങ​ൾ​ക്കും ആ​യ​യ്ക്കും ര​ക്ഷ​ക​രാ​യി ഫ​യ​ർ ഫോ​ഴ്സ് സം​ഘം. ഇ​ന്ന​ലെ ഉ​ച്ച​ക​ഴി​ഞ്ഞ് 2.30ഓ​ടെ മു​ട്ട​മ്പ​ല​ത്തെ ഫ്ലാ​റ്റി​ന്‍റെ നാ​ലാം നി​ല​യി​ലാ​ണ് ഒ​ന്ന​ര വ​യ​സും നാ​ല് വ​യ​സു​മു​ള്ള കു​ഞ്ഞു​ങ്ങ​ളും ആ​യ​യും കു​ടു​ങ്ങി​പ്പോ​യ​ത്
മൂ​വ​രും ബാ​ൽ​ക്ക​ണി​യി​ലെ​ത്തി​യ​പ്പോ​ൾ ക​ത​ക് ത​നി​യെ അ​ട​ഞ്ഞു​പോ​യി, ബാ​ൽ​ക്ക​ണി​യു​ടെ ഗ്ലാ​സ് ഡോ​ർ തു​റ​ക്കാ​നും ക​ഴി​ഞ്ഞി​ല്ല.

ഇ​തി​നെ​ത്തു​ട​ർ​ന്നു ആ​യ മൂ​വ​രും കു​ടു​ങ്ങി​ക്കി​ട​ക്കു​ന്ന വി​വ​രം താ​ഴെ നി​ൽ​ക്കു​ന്ന​വ​രെ ഉ​റ​ക്കെ വി​ളി​ച്ച​റി​യി​ക്കു​ക​യാ​യി​രു​ന്നു. ഇ​വ​രാ​ണ് വി​വ​രം ഫ​യ​ർ​ഫോ​ഴ്സി​നെ​യും കു​ട്ടി​ക​ളു​ടെ മാ​താ​പി​താ​ക്ക​ളെ​യും വി​ളി​ച്ച​റി​യി​ച്ച​ത്.

തു​ട​ർ​ന്നു സീ​നി​യ​ർ ഫ​യ​ർ ആ​ൻ​ഡ് റെ​സ്ക്യൂ ഓ​ഫീ​സ​ർ പ്ര​വീ​ൺ രാ​ജ​ന്‍റെ നേ​തൃ​ത്വ​ത്തി​ൽ ഫ​യ​ർ ഫോ​ഴ്സ് സം​ഘം സ്ഥ​ല​ത്തെ​ത്തി. മൂ​ന്നാം​നി​ല​യി​ൽ​നി​ന്നും നാ​ലാം നി​ല​യി​ലേ​ക്ക് സേ​നാം​ഗ​മാ​യ അ​ഖി​ൽ എ​സ്. കൃ​ഷ്ണ ക​യ​ർ ഉ​പ​യോ​ഗി​ച്ച് ക​യ​റി, ഗ്ലാ​സ് ബ്രേ​ക്ക​ർ ഉ​പ​യോ​ഗി​ച്ച് ബാ​ൽ​ക്ക​ണി​യു​ടെ ഗ്ലാ​സ്, ഒ​രു കൈ ​ക​യ​റു​ന്ന വ​ലു​പ്പ​ത്തി​ൽ പൊ​ട്ടി​ച്ച് പൂ​ട്ടു​തു​റ​ന്ന് അ​ക​ത്തു​ക​യ​റി ക​ത​കു തു​റ​ന്നു കൊ​ടു​ത്താ​ണ് ഇ​വ​രെ ര​ക്ഷ​പ്പെ​ടു​ത്തി​യ​ത്. ഭ​യ​ന്നു പോ​യ കു​ട്ടി​ക​ളെ സേ​നാം​ഗ​ങ്ങ​ൾ ആ​ശ്വ​സി​പ്പി​ച്ചാ​ണ് മ​ട​ങ്ങി​യ​ത്.