മു​ണ്ട​ക്ക​യം: പൂ​ഞ്ഞാ​ർ-​എ​രു​മേ​ലി സം​സ്ഥാ​ന​പാ​ത​യി​ൽ പു​ലി​ക്കു​ന്നി​ന് സ​മീ​പ​മു​ള്ള ഇ​ല്ലി​ക്കൂ​പ്പി​ൽ മാ​ലി​ന്യം​ത​ള്ള​ൽ വ്യാ​പ​ക​മാ​കു​ന്നു. ദൂ​രെ സ്ഥ​ല​ങ്ങ​ളി​ൽ നി​ന്നു​വ​രെ വാ​ഹ​ന​ങ്ങ​ളി​ലും അ​ല്ലാ​തെ​യും വ​ലി​യ തോ​തി​ലാ​ണ് ഇ​വി​ടെ കൊ​ണ്ടു​വ​ന്ന് മാ​ലി​ന്യ​ങ്ങ​ൾ ത​ള്ളി​യി​രി​ക്കു​ന്ന​ത്. വീ​ടു​ക​ളി​ലെ​യും വ്യാ​പാ​ര​സ്ഥാ​പ​ന​ങ്ങ​ളി​ലെ​യു​മ​ട​ക്കം ലോ​ഡ് ക​ണ​ക്കി​ന് മാ​ലി​ന്യം ചാ​ക്കി​ൽ കെ​ട്ടി വ​ലി​ച്ചെ​റി​ഞ്ഞി​രി​ക്കു​ക​യാ​ണ്.

രാ​ത്രി​കാ​ല​ങ്ങ​ളി​ൽ കാ​ട്ടു​പ​ന്നി അ​ട​ക്ക​മു​ള്ള വ​ന്യ​മൃ​ഗ​ങ്ങ​ൾ മാ​ലി​ന്യ​ങ്ങ​ൾ ഭ​ക്ഷി​ക്കാ​നാ​യി എ​ത്തു​ന്ന​ത് വാ​ഹ​ന യാ​ത്ര​ക്കാ​ർ​ക്ക് സു​ര​ക്ഷാ ഭീ​ഷ​ണി​യാ​യി മാ​റു​ക​യാ​ണ്. ഒ​പ്പം തെ​രു​വു​നാ​യ ശ​ല്യം കൂ​ടി​യാ​കു​ന്ന​തോ​ടെ പ്ര​ദേ​ശ​വാ​സി​ക​ളു​ടെ ജീ​വി​തം ദു​രി​ത പൂ​ർ​ണ​മാ​കും. കൂ​മ്പാ​ര​മാ​യി കി​ട​ക്കു​ന്ന മാ​ലി​ന്യ​ത്തി​ൽ നി​ന്നും മാ​ലി​ന്യ​ജ​ലം സ​മീ​പ​ത്തെ അ​രു​വി​യി​ലേ​ക്ക് ഒ​ഴു​കി​യെ​ത്തു​ന്ന​ത് പ​ക​ർ​ച്ച​വ്യാ​ധി​ക​ൾ പ​ട​രു​മെ​ന്ന് ആ​ശ​ങ്ക​യും വ​ർ​ധി​പ്പി​ക്കു​ക​യാ​ണ്. മേ​ഖ​ല​യി​ൽ മാ​ലി​ന്യം​ത​ള്ള​ൽ പ​തി​വാ​യ​തോ​ടെ പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ ഇ​വി​ടെ മാ​ലി​ന്യം ത​ള്ളു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്കു​മെ​ന്ന് കാ​ണി​ച്ച് ബോ​ർ​ഡ് സ്ഥാ​പി​ച്ചെ​ങ്കി​ലും ഇ​തി​നെ​ല്ലാം പു​ല്ലു​വി​ല​യാ​ണ് സാ​മൂ​ഹ്യ​വി​രു​ദ്ധ​ർ ന​ൽ​കു​ന്ന​ത്.