നെ​ടും​കു​ന്നം: മു​തി​ര​മ​ല കു​ടി​വെ​ള്ള പ​ദ്ധ​തി​യു​ടെ കി​ണ​ർ മ​ലി​ന​മാ​യ​തി​ന് നാ​ട്ടു​കാ​ർ ന​ൽ​കി​യ പ​രാ​തി​യെ​ത്തു​ട​ർ​ന്ന് സ​മീ​പ​ത്തു​ള്ള ത‌​ടി​മി​ല്ല് താ​ത്കാ​ലി​ക​മാ​യി അ​ട​ച്ചു​പൂ​ട്ടാ​ൻ പ​ഞ്ചാ​യ​ത്തും ആ​രോ​ഗ്യ​വ​കു​പ്പും നോ​ട്ടീ​സ് ന​ൽ​കി. ത​ടി​മി​ല്ലി​ൽ​നി​ന്നു​ള്ള അ​റ​ക്ക​പ്പൊ​ടി​യും മ​ലി​ന​ജ​ല​വും മ​ണ്ണി​ൽ താ​ഴ്ന്ന​താ​ണ് വെ​ള്ളം മ​ലി​ന​മാ​കാ​ൻ കാ​ര​ണ​മെ​ന്നാ​യി​രു​ന്നു പ്ര​ദേ​ശ​വാ​സി​ക​ളു​ടെ ആ​രോ​പ​ണം.

തു​ട​ർ​ന്ന് നെ​ടും​കു​ന്നം പ​ഞ്ചാ​യ​ത്തും ആ​രോ​ഗ്യ​വ​കു​പ്പും ഇ​വി​ടെ പ​രി​ശോ​ധ​ന​ക​ൾ ന​ട​ത്തി. കി​ണ​റ്റി​ലെ വെ​ള്ള​ത്തി​ൽ വ​ലി​യ തോ​തി​ൽ മാ​ലി​ന്യ​ങ്ങ​ളും രാ​സ​വ​സ്തു​ക്ക​ളും പ​രി​ശോ​ധ​ന​യി​ൽ ക​ണ്ടെ​ത്തി​യ​തി​നെ​ത്തു​ട​ർ​ന്ന് മാ​ലി​ന്യ​ങ്ങ​ൾ നീ​ക്കി പ​രി​സ​രം വൃ​ത്തി​യാ​ക്കാ​നും ത​ടി ഉ​രു​പ്പ​ടി​ക​ൾ പു​തി​യ ഷെ​ഡി​ലേ​ക്ക് മാ​റ്റാ​നും ഫാ​ക്ട​റി​ക്കു സ​മീ​പ​ത്തെ ശൗ​ചാ​ല​യം പൊ​ളി​ച്ചു​നീ​ക്കാ​നും അ​ധി​കൃ​ത​ർ നി​ർ​ദ്ദേ​ശം ന​ൽ​കി. മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​നും പ​രാ​തി കൈ​മാ​റി​യി​ട്ടു​ണ്ട്. അ​ടു​ത്ത​ദി​വ​സം അ​ധി​കൃ​ത​ർ പ​രി​ശോ​ധ​ന ന​ട​ത്തും.

കി​ണ​ർ വ​റ്റി​ച്ച് ക്ലോ​റി​നേ​ഷ​ൻ ന​ട​ത്തി​യെ​ങ്കി​ലും മ​ലി​നീ​ക​ര​ണ പ്ര​ശ്‌​ന​ങ്ങ​ളു​ണ്ടെ​ന്നാ​ണ് ക​ണ്ടെ​ത്ത​ൽ. പ്ര​ശ്‌​ന​ങ്ങ​ൾ പ​രി​ഹ​രി​ച്ച് പ​രി​ശോ​ധ​ന ന​ട​ത്തു​ന്ന​ത് വ​രെ ഫാ​ക്ട​റി തു​റ​ന്ന് പ്ര​വ​ർ​ത്തി​ക്ക​രു​തെ​ന്നാ​ണ് പ​ഞ്ചാ​യ​ത്തി​ന്‍റെ നി​ർ​ദേ​ശം. കി​ണ​ർ മ​ലി​ന​മാ​യ​തോ​ടെ പ്ര​ദേ​ശ​ത്തെ 72 കു​ടും​ബ​ങ്ങ​ളു​ടെ കു​ടി​വെ​ള്ള​മാ​ണ് മു​ട​ങ്ങി​യ​ത്.