തെങ്ങണ: മാടപ്പള്ളി പഞ്ചായത്തില്‍ തെങ്ങണ ജംഗ്ഷനില്‍ നടപ്പാത കയ്യേറിയുള്ള വാഹനപാര്‍ക്കിംഗ് അവസാനിപ്പിക്കാന്‍ മാടപ്പള്ളി പഞ്ചായത്ത് അധികാരിയും തൃക്കൊടിത്താനം പോലീസും സത്വര നടപടി സ്വീകരിക്കണമെന്ന ആവശ്യം ഉയരുന്നു. അനധികൃത വാഹനപാര്‍ക്കിംഗ് മൂലം തിരക്കുപിടിച്ച റോഡിലേക്ക് ഇറങ്ങി നടക്കുന്നതുമൂലം യാത്രക്കാര്‍ അപകട ഭീഷണി നേരിടുന്നു.
നടപ്പാത കയ്യേറി വാഹനങ്ങള്‍ പാര്‍ക്ക് ചെയ്യുന്ന നടപടി എത്രയും വേഗം അവസാനിപ്പിക്കുവാന്‍ പഞ്ചായത്തും പോലീസും സത്വര നടപടി സ്വീകരിക്കണമെന്ന് ആവശ്യപ്പെട്ട് ബന്ധപ്പെട്ട അധികാരികള്‍ക്ക് പരാതിയും വാട്‌സാപ്പ് സന്ദേശവും നല്കിയിട്ടും പോലീസ് നടപടിക്ക് നീങ്ങുന്നില്ലെന്ന് ആം ആദ്മി പാര്‍ട്ടി ജില്ലാ കമ്മറ്റി മെംബര്‍ തോമസ് കെ. മാറാട്ടുകളവും ഹ്യൂമന്‍ റൈറ്റ്‌സ് പ്രൊട്ടക്ഷന് കൗണ്‍സില്‍ ജില്ലാ പ്രസിഡന്‍റ്് വി.എ. ചാക്കോയും പറഞ്ഞു.