ഇ​രി​ട്ടി: എ​ടൂ​ർ തോ​ട്ടം ചീ​ങ്ങാ​കു​ണ്ടം മേ​ഖ​ല​യി​ൽ റ​ബ​ർ ഷീ​റ്റ് മോ​ഷ്ടാ​വി​ന്‍റെ വി​ള​യാ​ട്ടം. പാ​തി​രാ​ത്രി സ്കൂ​ട്ട​റി​ൽ എ​ത്തു​ന്ന​യാ​ൾ വീ​ടു​ക​ളി​ൽ ഉ​ണ​ങ്ങാ​നി​ട്ട ഷീ​റ്റു​ക​ളും ഒ​ട്ടു​പാ​ലു​മാ​ണ് ക​വ​രു​ന്ന​ത്. ഷീ​റ്റ് ഉ​റ ഒ​ഴി​ക്കു​ന്ന പു​തി​യ ഡി​ഷും മോ​ഷ​ണം പോ​യി​ട്ടു​ണ്ട്. ക​ഴി​ഞ്ഞ മാ​സം 23ന് ​ആ​യി​രു​ന്നു ആ​ദ്യ​മോ​ഷ​ണം. പ്ലാ​ത്തോ​ട്ട​ത്തി​ൽ ടോ​മി​യു​ടെ 15 കി​ലോ​യോ​ളം ഓ​ട്ടു​പാ​ലും ചീ​ങ്ങാ​കു​ണ്ട​ത്തെ സു​നി​ലി​ന്‍റെ വീ​ട്ടി​ൽ നി​ന്നും 50 ഷീ​റ്റു​ക​ളും ക​വ​ർ​ന്നു. മൂ​ന്നു ദി​വ​സ​ത്തി​നു ശേ​ഷം പു​ല്ലം​ക​ന്നാ​പ്പ​ള്ളി അ​ച്ചാ​മ്മ​യു​ടെ 45 ഷീ​റ്റും ഇ​ല​വു​ങ്ക​ൽ ബേ​ബി​യു​ടെ 10 ഷീ​റ്റും മോ​ഷ​ണം പോ​യി.

പ​രാ​തി​യെ തു​ട​ർ​ന്ന് ഇ​രി​ട്ടി പോ​ലീ​സ് പ​ട്രോ​ളിം​ഗ് ശ​ക്ത​മാ​ക്കി​യോ​ടെ കു​റി​ച്ചു ദി​വ​സ​ത്തേ​ക്ക് മോ​ഷ​ണം ന​ട​ന്നി​ല്ലെ​ങ്കി​ലും ക​ഴി​ഞ്ഞ ദി​വ​സം മോ​ഷ്ടാ​വ് വീ​ണ്ടും രം​ഗ​ത്തെ​ത്തി. ഇ​ത്ത​വ​ണ പു​ല്ലാം​ക​ന്നാ​പ​ള്ളി​ൽ മാ​മ​ച്ച​ന്‍റെ വീ​ട്ടി​ൽ നി​ന്നു​മാ​ണ് ഷീ​റ്റു​ക​ൾ ക​വ​ർ​ന്ന​ത്. ഇ​വി​ടെ നി​ന്ന് നാ​ലു ഷീ​റ്റു​ക​ളാ​ണ് ന​ഷ്ട​പ്പെ​ട്ട​ത്. ക​ള​മു​ണ്ട​മേ​ക്കാ​ട്ട് ബി​ജു, ഞ​റ​ളം​കു​ളം കു​ഞ്ഞ് എ​ന്നി​വ​രു​ടെ വീ​ട്ടു​മു​റ്റ​ത്ത് വ​രെ മോ​ഷ്ടാ​വ് എ​ത്തി​യി​രു​ന്നു.

പ​രീ​ക്ഷ​ക്ക് പ​ഠി​ച്ചു​കൊ​ണ്ടി​രു​ന്ന വി​ദ്യാ​ർ​ഥി റോ​ഡ​രി​കി​ൽ മ​തി​ലി​നോ​ട് ചേ​ർ​ന്ന് ഒ​രാ​ൾ സ്കൂ​ട്ട​ർ നി​ർ​ത്തി മു​റ്റ​ത്തേ​ക്ക് വ​രു​ന്ന​ത് ക​ണ്ട​തോ​ടെ വീ​ട്ടു​കാ​രെ അ​റി​യി​ക്കു​ക​യാ​യി​രു​ന്നു. വീ​ട്ടു​കാ​ർ ഉ​ണ​ർ​ന്ന് ലൈ​റ്റ് ഇ​ട്ട​തോ​ടെ മോ​ഷ്ടാ​വ് സ്കൂ​ട്ട​റു​മാ​യി ര​ക്ഷ​പ്പെ​ട്ടു. പോ​ലീ​സ് അ​ടി​യ​ന്ത​ര​മാ​യി ഇ​ട​പെ​ട്ട് മോ​ഷ്ടാ​വി​നെ പി​ടി​കൂ​ട​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.