ക​ണ്ണൂ​ര്‍: ല​ഹ​രി വ​സ്തു​ക്ക​ളു​ടെ ഉ​പ​യോ​ഗം ഭാ​വി ത​ല​മു​റ​യെ കാ​ര്‍​ന്ന് തി​ന്നു​ന്ന മഹാഅ​ര്‍​ബു​ദ​മാ​ണെ​ന്നും ഇ​തി​ല്‍ നി​ന്ന് വ്യ​ക്തി​ക​ളെ ര​ക്ഷി​ക്കേ​ണ്ട​ത് സ​മൂ​ഹ​ത്തി​ന്‍റെ ക​ട​മ​യാ​ണെ​ന്നും ക​ണ്ണൂ​ര്‍ ബി​ഷ​പ് അ​ല​ക്‌​സ് വ​ട​ക്കും​ത​ല. വ​ർ​ധി​ച്ചു വ​രു​ന്ന ല​ഹ​രി ഉ​പ​യോ​ഗം മൂ​ലം ജ​ന​ങ്ങ​ളു​ടെ സ്വ​സ്ഥ​മാ​യ ജീ​വി​ത ത്തി​ന് ഭീ​ഷ​ണി ഉ​യ​രു​ന്ന പ​ശ്ചാ​ത്ത​ല​ത്തി​ല്‍ ഈ ​വി​പ​ത്തി​നെ​തി​രേ കൈ ​കോ​ര്‍​ത്തു പോ​കാ​ന്‍ വി​പു​ല​മാ​യ പ​രി​പാ​ടി​ക​ള്‍ ആ​സൂ​ത്ര​ണം ചെ​യ്യു​ക​യാ​ന്നെ​ന്നു അ​ദ്ദേ​ഹം പ​റ​ഞ്ഞു. ക​ണ്ണൂ​ര്‍ രൂ​പ​ത അ​ജ​പാ​ല​ന സ​മി​തി യോ​ഗ​ത്തി​ല്‍ അ​ധ്യ​ക്ഷ​ത വ​ഹി​ച്ചു പ്ര​സം​ഗി​ക്കു​ക​യാ​യി​രു​ന്നു ക​ണ്ണൂ​ർ ബി​ഷ​പ്. രൂ​പ​ത​യി​ലെ എ​ല്ലാ ഇ​ട​വ​ക​ക​ളി​ലും മ​യ​ക്കു​മ​രു​ന്നു​ക​ളു​ടെ ഉ​പ​യോ​ഗ​ത്തി​നെ​തി​രേ ജാ​ഗ്ര​താ സ​മി​തി​ക​ള്‍ രൂ​പീ​ക​രി​ക്കാ​ന്‍ യോ​ഗം തീ​രു​മാ​നി​ച്ചു.

സ​മി​തി​ക​ളു​ടെ തു​ട​ര്‍ പ്ര​വ​ര്‍​ത്ത​ന​ങ്ങ​ള്‍ ഏ​കീ​ക​രി​ക്കാ​ന്‍ രൂ​പ​ത​യു​ടെ സാ​മൂ​ഹ്യ​പ്ര​വ​ര്‍​ത്ത​ന വി​ഭാ​ഗ​മാ​യ ക​യ്‌​റോ​സ്, യു​വ​ജ​ന ക​മ്മീ​ഷ​ന്‍ എ​ന്നി​വ​രെ ചു​മ​ത​ല​പ്പെ​ടു​ത്തി. ച​ർ​ച്ച​യി​ൽ രൂ​പ​ത വി​കാ​രി ജ​ന​റാ​ള്‍ മോ​ണ്‍. ക്ലാ​ര​ന്‍​സ് പാ​ലി​യ​ത്ത്, പാ​സ്റ്റ​ല്‍ കൗ​ണ്‍​സി​ല്‍ സെ​ക്ര​ട്ട​റി ഫാ. ​ഷി​റോ​ണ്‍ ആ​ന്‍റ​ണി, ഷി​ബു ഫെ​ര്‍​ണാ​ണ്ട​സ്, സി​സ്റ്റ​ര്‍ ധ​ന്യ യു​എം​ഐ, വൈ​ദി​ക​ർ, വി​വി​ധ സം​ഘ​ട​ന​ക​ളി​ലെ അ​ല്‌​മാ​യ നേ​താ​ക്ക​ന്മാ​ർ തു​ട​ങ്ങി​യ​വ​ര്‍ പ്ര​സം​ഗി​ച്ചു.