ഇ​രി​ട്ടി: സോ​ളാ​ർ ഫെ​ൻ​സിം​ഗ് ത​ക​ർ​ത്ത് ആ​റ​ളം ഫാ​മി​ലെ​ത്തി​യ കാ​ട്ടാ​ന​ക​ൾ സ​മ്മി​ശ്ര കൃ​ഷി​യി​ട​ത്തി​ലെ വാ​ഴ​യും ക​പ്പ​യും ഉ​ൾ​പ്പെ​ടെ ചെ​റു​വി​ള​ക​ൾ ന​ശി​പ്പി​ച്ചു. മാ​തൃ കൃ​ഷി​ത്തോ​ട്ടം ഉ​ൾ​പ്പെ​ടു​ന്ന അ​ണു​ങ്ങോ​ട് മേ​ഖ​ല​യി​ലാ​ണ് ആ​ന​ക​ൾ നാ​ശം വി​ത​യ്ക്കു​ന്ന​ത്. കൂ​റ്റ​ൻ മ​ര​ങ്ങ​ൾ ത​ള്ളി​യി​ട്ട് വേ​ലി ത​ക​ർ​ത്ത് ഉ​ള്ളി​ൽ പ്ര​വേ​ശി​ക്കു​ന്ന ആ​ന​ക​ൾ ഇ​ട​വി​ള​ക​ൾ​ക്ക് ഒ​പ്പം വ​ള​രു​ന്ന തെ​ങ്ങ്, ക​ശു​മാ​വ്, ക​മു​ക് ഉ​ൾ​പ്പെ​ട​യു​ള്ള കൃ​ഷി​ക​ളും ന​ശി​പ്പി​ച്ചു.

ആ​ന​ക​ളെ തു​ര​ത്തു​ന്ന​തി​ന് ഫാം ​ജീ​വ​ന​ക്കാ​രും വ​നം​വ​കു​പ്പും ശ്ര​മി​ക്കു​ന്നു​ണ്ടെ​ങ്കി​ലും കൂ​ട്ട​മാ​യി എ​ത്തു​ന്ന ആ​ന​ക​ൾ വ്യാ​പ​ക​മാ​യ കൃ​ഷി​നാ​ശ​മാ​ണ് വ​രു​ത്തു​ന്ന​ത്. ഫാം ​ടു​റി​സം ഉ​ൾ​പ്പെ​ടെ മു​ന്നി​ൽ​ക്ക​ണ്ട് അ​ണു​ങ്ങോ​ട് മേ​ഖ​ല​യി​ൽ 100 ഏ​ക്ക​ർ സ്ഥ​ല​മാ​ണ് സ​മ്മി​ശ്ര കൃ​ഷി​ക്കും മാ​തൃ കൃ​ഷി​ത്തോ​ട്ട​ത്തി​നും ഫെ​ൻ​സിം​ഗി​ന് ഉ​ൾ​പ്പെ​ടെ പൂ​ർ​ത്തി​യാ​ക്കി കൃ​ഷി​യി​റ​ക്കി​യി​രി​ക്കു​ന്ന​ത്.

വ​ന്യ​മൃ​ഗ​ങ്ങ​ൾ കൃ​ഷി ന​ശി​പ്പി​ച്ച വ​ക​യി​ൽ ന​ഷ്ട​പ​രി​ഹാ​ര​മാ​യി ആ​റ​ളം കൃ​ഷി ഫാ​മി​ന് വ​നം വ​കു​പ്പ് 83 കോ​ടി രൂ​പ ന​ഷ്ട​പ​രി​ഹാ​രം ന​ല്കാ​നു​ണ്ടെ​ന്നാ​ണ് ഫാ​മി​ന്‍റെ ക​ണ​ക്ക് . വ​ർ​ഷ​ങ്ങ​ളാ​യി ന​ഷ്ട​പ​രി​ഹാ​ര തു​ക വ​ർ​ധി​പ്പി​ക്കു​ക മാ​ത്ര​മാ​ണ് ന​ട​ക്കു​ന്ന​ത്.

ഫാ​മി​ന്‍റെ പു​ന​രു​ദ്ധാ​ര​ണ​ത്തി​ന്‍റെ ഭാ​ഗ​മാ​യി പൈ​തൃ​ക കൃ​ഷി​ക​ൾ വ്യാ​പി​ക്കു​ക എ​ന്ന ല​ക്ഷ്യ​ത്തോ​ടെ ആ​രം​ഭി​ച്ച കൃ​ഷി​ത്തോ​ട്ട​ങ്ങ​ളാ​ണ് ഇ​പ്പോ​ൾ ആ​ന​ക​ൾ ത​ക​ർ​ക്കു​ന്ന​ത്. ആ​റ​ളം ഫാ​മി​ലെ കൃ​ഷി​യി​ട​ത്തി​ലും പു​ന​ര​ധി​വാ​സ മേ​ഖ​ല​യി​ലെ കാ​ടു​ക​ളി​ലും ത​മ്പ​ടി​ച്ചി​രു​ന്ന ആ​ന​ക​ളാ​ണ് നാ​ശം വി​ത​യ്ക്കു​ന്ന​ത്. 40 ആ​ന​ക​ൾ ഇ​വി​ടെ ഉ​ണ്ടെ​ന്നാ​ണ് വ​നം വ​കു​പ്പി​ന്‍റെ ക​ണ​ക്കെ​ങ്കി​ലും 70 ആ​ന​ക​ൾ ഇ​വി​ടെ ചു​റ്റി​ത്തി​രി​യു​ന്നു​ണ്ടെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്.