12,830 മത്സ്യത്തൊഴിലാളികൾക്കു വീടു നൽകി തിരുവനന്തപുരം: 2016 മുതൽ ഇതുവരെ ലൈഫ്, പുനർഗേഹം പദ്ധതി പ്രകാരം 12830 മത്സ്യത്തൊഴിലാളികൾക്കു വീടുകൾ നൽകിയെന്നു മന്ത്രി സജി ചെറിയാൻ. ഫിഷറീസ് പുനർഗേഹം പദ്ധതിപ്രകാരം 4295 വീടുകളാണ് 2021 വരെ കൈമാറിയത്.
ഇതിനു പുറമേ 1100 ഫ്ളാറ്റുകളുടെ നിർമാണം പൂർത്തിയായി താക്കോൽ കൈമാറുന്ന ഘട്ടത്തിലാണെന്നും മന്ത്രി പറഞ്ഞു. തീരദേശമേഖലയിലെ മത്സ്യത്തൊഴിലാളികളുടെ മക്കളുടെ വിദ്യാഭ്യാസ സ്കോളർഷിപ്പിൽ കുടിശികയുണ്ട്. അത് ഉടൻ കൊടുത്തുതീർക്കും.
മത്സ്യത്തൊഴിലാളി മേഖലയിൽ യുഡിഎഫ് സർക്കാർ ചെയ്തതിന്‍റെ 50 ഇരട്ടി എൽഡിഎഫ് സർക്കാർ നൽകിയതുകൊണ്ടാണ് ഈ ബുദ്ധിമുട്ടുണ്ടായത്. വിദ്യാതീരം പദ്ധതിപ്രകാരം ഈ വിഭാഗത്തിൽനിന്ന് 86 ഡോക്ടർമാർ ഉണ്ടായെന്നും മന്ത്രി പറഞ്ഞു.