സമാഹരിച്ച തുക കേരള സോഷ്യൽ സർവീസ് ഫോറത്തിന്റെ പേരിൽ ചെക്കുകളായി ആർച്ച്ബിഷപ് മാർ മാത്യു മൂലക്കാട്ട് കൈമാറി. ദുരിത ബാധിത മേഖലകളിലെ പുനരധിവാസ പ്രവർത്തനങ്ങൾ ഏകോപിപ്പിക്കുന്നതിനും നടപ്പിലാക്കുന്നതിനും കേരള കത്തോലിക്കാ മെത്രാൻ സമിതി ചുമതലപ്പെടുത്തിയിട്ടുള്ള കേരള സോഷ്യൽ സർവീസ് ഫോറത്തിന്റെ ഡയറക്ടർ ഫാ. ജേക്കബ് മാവുങ്കൽ ചെക്ക് ഏറ്റുവാങ്ങി.
ചടങ്ങിൽ അതിരൂപത സഹായ മെത്രാന്മാരായ മാർ ജോസഫ് പണ്ടാരശേരിൽ, ഗീവർഗീസ് മാർ അപ്രേം, വികാരി ജനറാൾ ഫാ. മൈക്കിൾ വെട്ടിക്കാട്ട് എന്നിവരോടൊപ്പം അതിരൂപതയിലെ വൈദിക-സമർപ്പിത-സമുദായസംഘടനാ പ്രതിനിധികളും പാസ്റ്ററൽ കൗൺസിൽ അംഗങ്ങളും വിവിധ ഇടവകകളിലെ പാരിഷ് കൗൺസിൽ അംഗങ്ങളും സന്നിഹിതരായിരുന്നു.