അലൈൻമെന്റിലെ മാറ്റം പ്രായോഗികമാണോയെന്ന് ഉദ്യോഗസ്ഥരും ജനപ്രതിനിധികളും പരിശോധന നടത്തി തീരുമാനിക്കണമെന്ന് ബെന്നി ബെഹനാൻ എംപി ആവശ്യപ്പെട്ടു. ജനസാന്ദ്രത കുറഞ്ഞ സ്ഥലങ്ങളിലൂടെയാകണം പാത കടന്നുപോകേണ്ടതെന്ന് ഹൈബി ഈഡൻ എംപി പറഞ്ഞു.
ജനങ്ങളെ പരമാവധി ബാധിക്കാത്തവിധത്തിൽ നിർമാണം പൂ൪ത്തീകരിക്കണം, അണ്ട൪ പാസുകളുടെ എക്സിറ്റ് സംബന്ധിച്ച് തദ്ദേശസ്ഥാപന അധ്യക്ഷന്മാരുമായി ച൪ച്ച നടത്തണം, സമയബന്ധിതമായി ഭൂമിയേറ്റെടുക്കൽ പൂ൪ത്തീകരിക്കണം എന്നീ നിർദേശങ്ങൾ അൻവ൪ സാദത്ത് എംഎൽഎയും മുന്നോട്ടുവച്ചു.
ഭൂമിയേറ്റെടുക്കുമ്പോൾ ദേശീയപാത 66ന് സമാനമായി നഷ്ടപരിഹാരം ലഭ്യമാക്കണമെന്ന് കെ. ബാബു എംഎൽഎ പറഞ്ഞു. ദേശീയപാത നിർമാണത്തിനു മുന്നോടിയായി ജനപ്രതിനിധികളുമായി പ്രാദേശികതലത്തിൽ യോഗം ചേരണമെന്ന് പി.വി. ശ്രീനിജിൻ എംഎൽഎ പറഞ്ഞു.
ദേശീയപാത 66ന്റെ മാനദണ്ഡങ്ങൾ പാലിച്ച് ഭൂമിയേറ്റെടുക്കണം. ജനങ്ങളുടെ ആശങ്കകൾ പരിഹരിക്കണം. ദേശീയപാത നി൪മാണവുമായി ബന്ധപ്പെട്ട് കൂടുതൽ ഉദ്യോഗസ്ഥരെ നിയോഗിക്കണമെന്ന് എൽദോസ് പി. കുന്നപ്പിള്ളിൽ എംഎൽഎയും ആവശ്യപ്പെട്ടു.
പദ്ധതി പൂർത്തിയാകും മുന്പ് ബന്ധപ്പെട്ട ഉദ്യോഗസ്ഥരെ സ്ഥലം മാറ്റരുതെന്ന നിർദേശവും അവലോകനയോഗത്തിൽ ഉയർന്നു.