ഗു​രു​വാ​യൂ​ര്‍: ഉ​ത്സ​വ​ത്തി​ന്‍റെ എ​ട്ടാം​ദി​വ​സ​മാ​യ ഇ​ന്ന​ലെ താ​ന്ത്രി​ക​പ്ര​ധാ​ന​മാ​യ ഉ​ത്സ​വ​ബ​ലി ന​ട​ന്നു. രാ​വി​ലെ പ​ന്തീ​ര​ടി​പൂ​ജ​യ്ക്കു​ശേ​ഷ​മാ​ണ് ഉ​ത്സ​വ​ബ​ലി​ച്ച​ട​ങ്ങു​ക​ള്‍ ആ​രം​ഭി​ച്ച​ത്.

സ​പ്ത​മാ​തൃ​ക്ക​ള്‍​ക്ക് ഹ​വി​സ് തൂ​വി പു​റ​ത്തേ​ക്കെ​ഴു​ന്ന​ള്ളു​ന്ന സ​മ​യ​ത്ത് ഭ​ക്ത​രു​ടെ ക​ണ്ഠ​ങ്ങ​ളി​ല്‌​നി​ന്നു നാ​രാ​യ​ണ​നാ​മ​മു​യ​ര്‍​ന്നു. ഹ​വി​സ് തൂ​വിത്തുട​ങ്ങി​യ​തോ​ടെ നാ​ല​മ്പ​ല​ത്തി​ന​ക​ത്ത് തെ​ക്കു​ഭാ​ഗ​ത്ത് സ്വ​ര്‍​ണ​പ്പ​ഴു​ക്കാ​മ​ണ്ഡ​പ​ത്തി​ല്‍ ഗു​രു​വാ​യൂ​ര​പ്പ​നെ എ​ഴു​ന്ന​ള്ളി​ച്ചു. നാ​ല​മ്പ​ല​ത്തി​നു​പു​റ​ത്ത് വ​ലി​യ ബ​ലി​ക്ക​ല്ലി​ലും ധ്വ​ജ​ദേ​വ​ത​ക​ള്‍​ക്കും പ​രി​പാ​ല​ക​ര്‍​ക്കും തൂ​വി​യ​ശേ​ഷം ക്ഷേ​ത്ര​പാ​ല​ക​നു ഹ​വി​സ് തൂ​വി​യ​തോ​ടെ ച​ട​ങ്ങ് സ​മാ​പി​ച്ചു.

ക്ഷേ​ത്രം ത​ന്ത്രി ചേ​ന്നാ​സ് ദി​നേ​ശ​ൻ​ന​മ്പൂ​തി​രി​പ്പാ​ടി​ന്‍റെ സാ​ന്നി​ധ്യ​ത്തി​ൽ ചേ​ന്നാ​സ് കൃ​ഷ്ണ​ൻ​ന​മ്പൂ​തി​രി​പ്പാ​ടാ​ണ് ച​ട​ങ്ങു​ക​ള്‍ നി​ര്‍​വ​ഹി​ച്ച​ത്.

നാ​ല​മ്പ​ല​ത്തി​ന​ക​ത്ത് ഹ​വി​സ് തൂ​കി​യ സ​മ​യ​ത്ത് കീ​ഴ്ശാ​ന്തി ന​മ്പു​തി​രി ഗു​രു​വാ​യൂ​ര​പ്പ​ന്‍റെ സ്വ​ർ​ണ​ത്തി​ട​മ്പ് എ​ഴു​ന്ന​ള്ളി​ച്ചു. ഉ​ത്സ​വ​ബ​ലി ദ​ര്‍​ശ​ന​ത്തി​ന് ഭ​ക്ത​രു​ടെ വ​ലി​യ തി​ര​ക്ക​നു​ഭ​വ​പ്പെ​ട്ടു. ഉ​ത്സ​വ​ബ​ലി​യോ​ട​നു​ബ​ന്ധി​ച്ച് ഇ​ന്ന​ലെ ദേ​ശ​സ​ദ്യ ന​ട​ന്നു. പ്ര​സാ​ദ​ഊ​ട്ടി​നും വ​ലി​യ തി​ര​ക്ക​നു​ഭ​വ​പ്പെ​ട്ടു.
25000ത്തോ​ളം​പേ​രാ​ണ് ഇ​ന്ന​ലെ പ്ര​സാ​ദ​ഊ​ട്ടി​ൽ പ​ങ്കെ​ടു​ത്ത​ത്.