ഇ​രി​ങ്ങാ​ല​ക്കു​ട: കൂ​ട​ല്‍​മാ​ണി​ക്യം ക്ഷേ​ത്ര​ത്തി​ലെ വൈ​ദി​ക​വൃ​ത്തി അ​ട​ക്ക​മു​ള്ള മാ​മൂ​ല്‍ പ്ര​വൃ​ത്തി​ക​ള്‍ ശാ​സ്ത്രീ​യ​മാ​യി പ​രി​ഷ്‌​ക​രി​ക്ക​ണ​മെ​ന്നും ഹി​ന്ദു​മ​ത വി​ശ്വാ​സി​ക​ളാ​യ എ​ല്ലാ​വ​ര്‍​ക്കും ജ​ന​സം​ഖ്യാ​നു​പാ​തി​ക​മാ​യി അ​വ​സ​ര​ങ്ങ​ള്‍ ന​ല്ക​ണ​മെ​ന്നും സാ​മൂ​ഹി​ക നീ​തി ന​ട​പ്പി​ലാ​ക്ക​ണ​മെ​ന്നും ക്ഷേ​ത്ര​ത്തി​ലെ ജാ​തി​പ​ര​മാ​യ വേ​ര്‍​തി​രി​വു​ക​ള്‍ അ​വ​സാ​നി​പ്പി​ക്ക​ണ​മെ​ന്നും ശി​വ​ഗി​രി മ​ഠാ​ധി​പ​തി സ​ച്ചി​ദാ​ന​ന്ദ​സ്വാ​മി ആ​വ​ശ്യ​പ്പെ​ട്ടു. ജാ​തി വി​വേ​ച​നം പ്ര​ക​ടി​പ്പി​ച്ച ത​ന്ത്രി​മാ​ര്‍​ക്ക് എ​തി​രെ നി​യ​മ​ന​ട​പ​ടി സ്വീ​ക​രി​ക്കു​ക, അ​പ​മാ​നി​ച്ച് ത​രം താ​ഴ്ത്ത​പ്പെ​ട്ട ബാ​ലു​വി​നെ ക​ഴ​കം ജോ​ലി​യി​ല്‍ വീ​ണ്ടും പ്ര​വേ​ശി​പ്പി​ക്കു​ക എ​ന്നീ ആ​വ​ശ്യ​ങ്ങ​ള്‍ ഉ​ന്ന​യി​ച്ച് ഗു​രു​ധ​ര്‍​മ്മ പ്ര​ച​ര​ണ സ​ഭ തൃ​ശൂ​ര്‍ ജി​ല്ലാ ക​മ്മി​റ്റി​യു​ടെ നേ​തൃ​ത്വ​ത്തി​ല്‍ കൂ​ട​ല്‍​മാ​ണി​ക്യ ക്ഷേ​ത്ര​ത്തി​ലേ​ക്ക് ന​ട​ത്തി​യ ജാ​തി നാ​ശി​നി യാ​ത്ര ഉ​ദ്ഘാ​ട​നം ചെ​യ്തു സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ത​ന്ത്രി​മാ​രു​ടെ സ​മ്മ​ര്‍​ദ​ത്തി​ന് വ​ഴ​ങ്ങി ബാ​ലു​വി​നെ ത​രം താ​ഴ്ത്തി​യ ന​ട​പ​ടി ആ​ധു​നി​ക കേ​ര​ള​ത്തി​ന് യോ​ജി​ച്ച​ത​ല്ല. ബ​ഹു​ഭൂ​രി​പ​ക്ഷം വ​രു​ന്ന അ​ധ​സ്ഥി​ത ജ​ന​വി​ഭാ​ഗ​ങ്ങ​ളെ അ​പ​മാ​നി​ക്കു​ക​യാ​ണ് ഈ ​പ്ര​വൃ​ത്തി​യി​ലൂ​ടെ ചെ​യ്തി​ട്ടു​ള്ള​ത്. ക്ഷേ​ത്ര​ത്തി​ല്‍ ല​ഭി​ക്കു​ന്ന കാ​ണി​ക്ക​യും മ​റ്റ് സ​മ്പ​ത്തു​മെ​ല്ലാം ഭൂ​രി​പ​ക്ഷം വ​രു​ന്ന അ​ധ​സ്ഥി​ത പി​ന്നോ​ക്ക വി​ഭാ​ഗ​ജ​ന​വി​ഭാ​ഗ​ങ്ങ​ള്‍ ന​ട​ത്തു​ന്ന ക്ഷേ​ത്ര ദ​ര്‍​ശ​ന​ത്തി​ല്‍ നി​ന്നും ല​ഭി​ക്കു​ന്ന​താ​ണെ​ന്ന് തി​രി​ച്ച​റി​യേ​ണ്ട​തു​ണ്ട്. അ​യി​ത്താ​ച​ര​ണം കു​റ്റ​ക​ര​ണ​മാ​ണെ​ന്ന് സു​പ്രീം കോ​ട​തി വി​ധി​ച്ചി​ട്ടു​ള്ള​താ​ണ്.

കൂ​ട​ല്‍​മാ​ണി​ക്യം, തൃ​പ്ര​യാ​ര്‍, ഗു​രു​വാ​യൂ​ര്‍ ക്ഷേ​ത്ര​ത്തി​ലെ ആ​ചാ​ര​ങ്ങ​ള്‍ കാ​ലാ​നു​സ്യ​ത​മാ​യി പ​രി​ഷ്‌​ക്ക​രി​ക്കേ​ണ്ട​താ​ണെ​ന്ന് സ​ച്ചി​ദാ​ന​ന്ദ സ്വാ​മി​ക​ള്‍ പ​റ​ഞ്ഞു. ഗു​രു​ധ​ര്‍​മ്മ പ്ര​ച​ര​ണ​സ​ഭ സം​സ്ഥാ​ന സെ​ക്ര​ട്ട​റി അ​സം​ഗാ​ന​ന്ദ​സ്വാ​മി, ജി​ല്ലാ സെ​ക്ര​ട്ട​റി കെ.​യു. വേ​ണു​ഗോ​പാ​ല്‍, കേ​ന്ദ്ര ക​മ്മി​റ്റി അം​ഗം മോ​ഹ​ന്‍​ലാ​ല്‍, ജി​ല്ലാ ക​മ്മി​റ്റി അം​ഗം സു​ഗ​ത​ന്‍ ക​ല്ലി​ങ്ങ​പ്പു​റം, കോ​ര്‍​ഡി​നേ​റ്റ​ര്‍ സ​ത്യ​ന്‍ ത​ന്ത​ത്ത​ല, യു​വ​ജ​ന​സ​ഭ ചെ​യ​ര്‍​മാ​ന്‍ രാ​ജേ​ഷ് സ​ഹ​ദേ​വ​ന്‍ തു​ട​ങ്ങി​യ​വ​ര്‍ സം​സാ​രി​ച്ചു. നേ​ര​ത്തെ ആ​ല്‍​ത്ത​റ പ​രി​സ​ര​ത്ത് നി​ന്നും പ്രാ​ര്‍​ഥ​നാ യാ​ത്ര​യി​ട്ടാ​ണ് ക്ഷേ​ത്രം കി​ഴ​ക്കേ ന​ട​യി​ലേ​ക്ക് ജാ​തി നാ​ശി​നി യാ​ത്ര എ​ത്തി​യ​ത്.