അ​ങ്ക​മാ​ലി: ഡന്‍റൽ മേ​ഖ​ല​യി​ൽ സാ​ങ്കേ​തി​ക വി​ദ്യ​ക​ളു​ടെ സാ​ധ്യ​ത​ക​ൾ തി​രി​ച്ച​റി​ഞ്ഞു രോ​ഗി​ക​ൾ​ക്കും വി​ദ്യാ​ർ​ഥി​ക​ൾ​ക്കും ഗു​ണ​ക​ര​മാ​കും വി​ധം നൂ​ത​ന മാ​ർ​ഗ​ങ്ങ​ൾ വി​ക​സി​പ്പി​ച്ചെ​ടു​ക്കാ​ൻ അ​ങ്ക​മാ​ലി ഫി​സാ​റ്റ് എ​ൻ​ജി​നീയ​റിം​ഗ് കോ​ള​ജും മു​വാ​റ്റു​പു​ഴ അന്നൂർ ദ​ന്ത​ൽ കോ​ള​ജും ധാ​ര​ണാ പ​ത്രം കൈ​മാ​റി.

ഫി​സാ​റ്റ് എ​ൻ​ജി​നീയ​റിം​ഗ് കോ​ള​ജ് ചെ​യ​ർ​മാ​ൻ പി.​ആ​ർ. ഷി​മി​ത്തും അ​ന്നൂ​ർ ദ​ന്ത​ൽ കോ​ള​ജ് ഡ​യ​റ​ക്ട​ർ ഡോ. ​ടി.​എ​സ്. ബെ​ന്യാ​മി​നും ധാ​ര​ണാ പ​ത്ര​ത്തി​ൽ ഒ​പ്പു വ​ച്ചു. ഇ​തു വ​ഴി ര​ണ്ടു സ്ഥാ​പ​ന​ങ്ങ​ളി​ലെ​യും ജീ​വ​ന​ക്കാ​ർ​ക്കും വി​ദ്യാ​ർ​ഥി​ക​ൾ​ക്കും ത​ങ്ങ​ളു​ടെ പ​ഠ​ന​ത്തി​ന്‍റെ ഭാ​ഗ​മാ​യി പു​തി​യ ഗ​വേ​ഷണ മേ​ഖ​ല​ക​ളി​ലു​ള്ള സാ​ധ്യ​ത​ക​ൾ ക​ണ്ടെ​ത്താ​നും അ​വ​യ്ക്കു ആ​വ​ശ്യ​മാ​യ നൂ​ത​ന സാ​ങ്കേ​തി​ക വി​ദ്യ​ക​ൾ വി​ക​സി​പ്പി​ക്കാ​നും സാ​ധി​ക്കും.

ഫി​സാ​റ്റ് വി​ദ്യാ​ർ​ഥി​ക​ളാ​യ പി.​വി. ഓ​ർ​വെ​ൽ, മേ​ഴ്‌​സി ആ​ന്‍റ​ണി, പി.​ജെ. ഹ​രി​പ്ര​സാ​ദ്, അ​ന​ന്തു ക​ണ്ണ​ൻ, എ​ന്നീ വി​ദ്യ​ർ​ഥി​ക​ൾ അ​ന്നൂ​ർ ദ​ന്ത​ൽ കോ​ളേ​ജു​മാ​യി സ​ഹ​ക​രി​ച്ചു വി​ക​സി​പ്പി​ച്ച ര​ണ്ട് പ്രൊ​ജെ​ക്ടു​ക​ളും അ​ധ്യാ​പ​ക​ൻ ഡോ.​ ജി. നോ​ബി​ളി​ന്‍റെ നേ​തൃ​ത്വ​ത്തി​ൽ ന​ട​ന്ന ക​ൺ​സ​ൽ​ട്ട​ൻ​സി വ​ർ​ക്കും വ​ലി​യ വി​ജ​യം ക​ണ്ട​തി​നെ തു​ട​ർ​ന്നാ​ണ് ദീ​ർ​ഘ കാ​ലാ​ടി​സ്ഥാ​ന​ത്തി​ൽ നൂ​ത​ന സാ​ങ്കേ​തി​ക വി​ദ്യ​ക​ൾ​ക്കും ദീ​ർ​ഘ കാ​ല അ​ടി​സ്ഥാ​ന​ത്തി​ൽ നൂ​ത​ന സാ​ങ്കേ​തി​ക വി​ദ്യ​ക​ൾ​ക്കും സെ​മി​നാ​റു​ക​ൾ, ശി​ല്പ​ശാ​ല​ക​ൾ, പ്രൊ​ജെ​ക്ടു​ക​ൾ തു​ട​ങ്ങി നി​ര​വ​ധി പ​ദ്ധ​തി​ക​ൾ​ക്കു​മാ​യി ഒ​രു​മി​ച്ചു പ്ര​വ​ർ​ത്തി​ക്കാ​ൻ തീ​രു​മാ​നി​ച്ച​ത്.

ച​ട​ങ്ങി​ൽ ഫി​സാ​റ്റ് പ്രി​ൻ​സി​പ്പ​ൽ ഡോ. ​ജേ​ക്ക​ബ് തോ​മ​സ്, അ​ന്നൂ​ർ ദ​ന്ത​ൽ കോ​ള​ജ് പ്രി​ൻ​സി​പ്പ​ൽ ഡോ. ​ജി​ജു ജോ​ർ​ജ് ബേ​ബി, ഫി​സാ​റ്റ് വൈ​സ് പ്രി​ൻ​സി​പ്പ​ൽ ഡോ. ​പി.​ആ​ർ. മി​നി, ഡോ. ​ജി. ഉ​ണ്ണി ക​ർ​ത്ത, ഡോ. ​ദീ​പു ജോ​ർ​ജ് മാ​ത്യു, ഡോ. ​ദീ​പ മേ​രി മാ​ത്യൂ​സ്, പ്ര​ഫ. ജോ​സി മാ​ത്യു, പ്ര​ഫ പ്രി​യ തോ​മ​സ്, പ്രൊ​ജ​ക്റ്റ് ഗൈ​ഡു​ക​ളാ​യ ഡോ. ​സ​ന്തോ​ഷ് കൊ​റ്റം, ഡോ. ​സെ​നു അ​ബി തു​ട​ങ്ങി​യ​വ​ർ പ​ങ്കെ​ടു​ത്തു.