ആ​ലു​വ: എ​ട​യാ​ർ വ്യ​വ​സാ​യ മേ​ഖ​ല​യി​ലേ​ക്ക് സം​സ്ക​രി​ക്കാ​നാ​യി വാ​ഹ​ന​ത്തി​ൽ കൊ​ണ്ടു പോ​കു​ക​യാ​യി​രു​ന്ന കോ​ഴി​യി​റ​ച്ചി മാ​ലി​ന്യം ആ​ലു​വ​യി​ൽ ദേ​ശീ​യ പാ​ത​യി​ല​ട​ക്കം ചി​ത​റി വീ​ണു. സം​ഭ​വ​ത്തി​ന് ദൃ​ക്സാ​ക്ഷി​ക​ളാ​യ നാ​ട്ടു​കാ​ർ ലോ​റി ത​ട​ഞ്ഞി​ട്ടെ​ങ്കി​ലും ഡ്രൈ​വ​ർ ഓ​ടി ര​ക്ഷ​പ്പെ​ട്ടു.

ഇ​ന്ന​ലെ രാ​വി​ലെ ഏ​ഴ​ര​യോ​ടെ ഏ​റെ തി​ര​ക്കേ​റി​യ ആ​ലു​വ പ​മ്പ് ക​വ​ല മു​ത​ലാ​ണ് മി​നി ക​ണ്ടെ​യ്ന​ർ ലോ​റി​യു​ടെ പി​ന്നി​ലെ വാ​തി​ൽ പ​കു​തി തു​റ​ന്ന് റോ​ഡി​ലേ​ക്ക് മാ​ലി​ന്യം വീ​ണ് തു​ട​ങ്ങി​യ​ത്. അ​സ​ഹ​നീ​യ​മാ​യ ദു​ർ​ഗ​ന്ധ​വു​മാ​യി മാ​ലി​ന്യം പു​റ​കി​ലെ വാ​തി​ലി​ന് അ​ടി​യി​ലൂ​ടെ വീ​ഴു​ന്ന​ത് വാ​ഹ​ന ഡ്രൈ​വ​റും അ​റി​ഞ്ഞി​ല്ല.

ഹോ​ട്ട​ലു​ക​ളി​ൽ നി​ന്ന് ശേ​ഖ​രി​ച്ച കോ​ഴി, മ​ത്സ്യ മാ​ലി​ന്യ​മാ​ണ് വാ​ഹ​ന​ത്തി​ൽ ഉ​ണ്ടാ​യി​രു​ന്ന​ത്.
വാ​ഹ​നം ദേ​ശീ​യ പാ​ത​യി​ൽ നി​ന്ന് എ​ട​യാ​റി​ലേ​ക്ക് പോ​കാ​നാ​യി എ​ട​മു​ള പാ​ല​ത്തി​ലേ​ക്ക് വ​ന്ന​പ്പോ​ഴാ​ണ് ഇ​ട​റോ​ഡി​ൽ നാ​ട്ടു​കാ​ർ പി​ടി​കൂ​ടി​യ​ത്. വാ​ഹ​ന​ത്തി​ൽ ഡ്രൈ​വ​ർ മാ​ത്ര​മേ ഉ​ണ്ടാ​യി​രു​ന്നു​ള്ളൂ.

നാ​ട്ടു​കാ​രു​മാ​യി ത​ർ​ക്കി​ച്ച ശേ​ഷം ഡ്രൈ​വ​ർ വാ​ഹ​നം ഉ​പേ​ക്ഷി​ച്ച് പോ​കു​ക​യാ​യി​രു​ന്നു. റോ​ഡി​ൽ വീ​ണ കോ​ഴി മാ​ലി​ന്യം കാ​ക്ക​ക​ൾ കൊ​ത്തി എ​ടു​ത്ത് സ​മീ​പ​ത്തെ വീ​ടു​ക​ളി​ലും സ്ഥാ​പ​ന​ങ്ങ​ളി​ലും ഇ​ട്ട​താ​യും പ​രാ​തി ഉ​യ​ർ​ന്നി​ട്ടു​ണ്ട്.

ആ​ലു​വ ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ പ​മ്പ് ക​വ​ല, റെ​യി​ൽ​വേ ജം​ഗ്ഷ​ൻ, ആ​ശു​പ​ത്രി ക​വ​ല, പു​ളി​ഞ്ചോ​ട് ജം​ഗ്ഷ​ൻ വ​രെ കു​മ്മാ​യം വി​ത​റി. ആ​ലു​വ ന​ഗ​ര​സ​ഭ, ചൂ​ർ​ണ്ണി​ക്ക​ര പ​ഞ്ചാ​യ​ത്ത്, ആ​ലു​വ ടൗ​ൺ പോ​ലീ​സ് എ​ന്നി​വ​ർ സം​ഭ​വ​ത്തി​ൽ കേ​സെ​ടു​ത്തി​ട്ടു​ണ്ട്.