‘തമാശ ബോംബ്' പൊല്ലാപ്പായി; സ്ലോവാക്യൻ പൗരൻ കുടുങ്ങി

നെ​ടു​മ്പാ​ശേ​രി : രാ​ജ്യാ​ന്ത​ര വി​മാ​ന​ത്താ​വ​ള​ത്തി​ല്‍ ചെ​ക്ക് -ഇ​ന്‍ ചെ​യ്യു​ന്ന​തി​നി​ടെ കൈ​യി​ലു​ള്ള പ​വ​ർ ബാ​ങ്ക് ബോം​ബ് ആ​ണെ​ന്ന് പ​റ​ഞ്ഞ സ്ലോ​വാ​ക്യ​ൻ പൗ​ര​ൻ സു​ര​ക്ഷാ ഉ​ദ്യോ​ഗ​സ്ഥ​രു​ടെ പി​ടി​യി​ലാ​യി. ഡ​ൽ​ഹി​യി​ലേ​ക്കു​ള്ള എ​യ​ർ ഇ​ന്ത്യ വി​മാ​ന​ത്തി​ൽ പോ​കാ​നെ​ത്തി​യ റെ​പ​ൻ മാ​റെ​ക്കാ​ണ് പി​ടി​യി​ലാ​യ​ത്. ചെ​ക്ക് ഇ​ന്‍ ചെ​യ്യു​ന്ന​തി​നാ​യി കൈയിലു​ണ്ടാ​യി​രു​ന്ന പ​വ​ര്‍ ബാ​ങ്ക് കൗ​ണ്ട​റി​ല്‍ വ​ച്ചു.

ഇ​ത് എ​ന്താ​ണെ​ന്ന് ചോ​ദി​ച്ച എ​യ​ര്‍ ഇ​ന്ത്യ ജീ​വ​ന​ക്കാ​ര​നോ​ടാ​ണ് ത​മാ​ശ​യാ​യി ബോം​ബ്’ ആ​ണെ​ന്നു പ​റ​ഞ്ഞ​ത്. ജീ​വ​ന​ക്കാ​ര​ന്‍ വ​ള​രെ ഗൗ​ര​വ​ത്തോ​ടെ​യെ​ടു​ത്ത ഈ ​ത​മാ​ശ​യാ​ണ് യാ​ത്ര​ക്കാ​ര​ന് പൊ​ല്ലാ​പ്പാ​യ​ത്. ജീ​വ​ന​ക്കാ​ര​ന്‍ വി​വ​രം നേ​രെ സു​ര​ക്ഷാ​വി​ഭാ​ഗ​ത്തി​നു റി​പ്പോ​ര്‍​ട്ട് ചെ​യ്തു.

സു​ര​ക്ഷാ വി​ഭാ​ഗം ഇ​യാ​ളെ പി​ടി​കൂ​ടി ബാ​ഗും മ​റ്റും വി​ശ​ദ​മാ​യ പ​രി​ശോ​ധ​ന​ക​ള്‍ ന​ട​ത്തി​യ ശേ​ഷം നെ​ടു​മ്പാശേ​രി പോലീ​സി​നു കൈ​മാ​റി. വി​മാ​ന​ത്താ​വ​ള​ത്തി​ലെ ബോം​ബ് ത്രെ​ട്ട് അ​സെ​സ്മെ​ന്‍റ് ക​മ്മി​റ്റി ക്ര​മ​പ്ര​കാ​രം യോ​ഗം ചേ​ര്‍​ന്നാ​ണ് ന​ട​പ​ടി​ക്ര​മ​ങ്ങ​ള്‍ പൂ​ര്‍​ത്തി​യാ​ക്കി​യ​ത്. മാ​റെ​കി​നെ പി​ന്നീ​ട് ജാ​മ്യ​ത്തി​ല്‍ വി​ട്ട​യ​ച്ചു.

റ​ദ്ദാ​ക്കി​യ ടി​ക്ക​റ്റു​മാ​യി ടെ​ർ​മി​ന​ലി​ൽ; ആ​ല​പ്പു​ഴ സ്വ​ദേ​ശി അറസ്റ്റിൽ

നെ​ടു​മ്പാ​ശേ​രി: റ​ദ്ദാ​ക്കി​യ ടി​ക്ക​റ്റു​മാ​യി രാ​ജ്യാ​ന്ത​ര ടെ​ർ​മി​ന​ലി​ൽ പ്ര​വേ​ശി​ച്ച​യാ​ളെ വിമാനത്താവളത്തിലെ സു​ര​ക്ഷാ വി​ഭാ​ഗം പി​ടി​കൂ​ടി. ആ​ല​പ്പു​ഴ സ്വ​ദേ​ശി ജോ​സ​ഫ് മാ​ത്യു​വാ​ണ് പി​ടി​യി​ലാ​യ​ത്.

ഇ​യാ​ൾ എ​മി​റേ​റ്റ്സ് വി​മാ​ന​ത്തി​ൽ ദു​ബൈ​യി​ലേ​ക്ക് പോ​കു​ന്ന​തി​നാ​യി നേ​ര​ത്തേ ടി​ക്ക​റ്റ് എ​ടു​ക്കു​ക​യും പി​ന്നീ​ട് റ​ദ്ദാക്കു​ക​യും ചെ​യ്തു. ഈ ​ടി​ക്ക​റ്റു​മാ​യി ഇ​യാ​ളു​ടെ മാ​തൃസ​ഹോ​ദ​ര​ൻ റെ​ജി​യെ ദു​ബാ​യി​ലേ​ക്ക് യാ​ത്ര​യാ​ക്കു​ന്ന​തി​ന് അ​ന​ധി​കൃ​ത​മാ​യി രാ​ജ്യാ​ന്ത​ര ടെ​ർ​മി​ന​ലി​ൽ പ്ര​വേ​ശി​ക്കുകയായിരുന്നു. വീ​ൽ ചെ​യ​റി​ലാ​യി​രു​ന്ന ബ​ന്ധു​വി​നെ സ​ഹാ​യി​ക്കാനാ​ണ് ടെ​ർ​മി​ന​ലി​ൽ പ്ര​വേ​ശി​ച്ച​തെ​ന്നാ​ണ് പോ​ലീ​സി​നോട് ജോ​സ​ഫ് പ​റ​ഞ്ഞ​ത്.

ഇ​യാ​ളെ പി​ന്നീ​ട് ജാ​മ്യ​ത്തി​ൽ വി​ട്ട​യ​ച്ചു. റി​പ്പ​ബ്ലി​ക് ദി​ന​ത്തോ​ട​നു​ബ​ന്ധി​ച്ച് വി​മാ​ന​ത്താ​വ​ള​ത്തി​ൽ കനത്ത സു​ര​ക്ഷ ഏർപ്പെടുത്തിയിരിക്കുകയാണ്.

റ​ൺ​വേ​യി​ലേ​ക്ക് മ​തി​ൽ ചാ​ടി​ക്ക​ട​ക്കാ​ൻ ശ്ര​മി​ച്ച​യാൾ പിടിയിൽ

നെ​ടു​മ്പാശേ​രി : രാ​ജ്യാ​ന്ത​ര വി​മാ​ന​ത്താ​വ​ള​ത്തി​ന്‍റെ റ​ൺ​വേ​യി​ലേ​ക്ക് മ​തി​ൽ ചാ​ടി​ക്ക​ട​ക്കാ​ൻ ശ്ര​മി​ച്ച​യാ​ളെ സു​ര​ക്ഷാ ഉ​ദ്യോ​ഗ​സ്ഥ​ർ പി​ടി​കൂ​ടി. എ​യ​ർ ട്രാ​ഫി​ക് ക​ൺ​ട്രോ​ൾ ട​വ​റി​ന് സ​മീ​പ​ത്തെ മ​തി​ൽ ചാ​ടാ​ൻ ശ​രി​ക്കു​ന്ന​തി​നി​ടെ ത​മി​ഴ്നാ​ട് സ്വ​ദേ​ശി​യാ​ണ് സിഐഎ​സ്എ​ഫി​ന്‍റെ പി​ടി​യി​ലാ​യ​ത്. പി​ന്നീ​ട് ഇ​യാ​ളെ നെ​ടു​മ്പാ​ശേ​രി പോ​ലീസി​ന് കൈ​മാ​റി.

തി​രി​ച്ച​റി​യ​ൽ രേ​ഖ​ക​ളൊ​ന്നും ഇ​യാ​ളു​ടെ കൈ​വ​ശം ഉ​ണ്ടാ​യി​രു​ന്നി​ല്ല. പ​ര​സ്പര വി​രു​ദ്ധ​മാ​യാ​ണ് സം​സാ​രി​ക്കു​ന്ന​ത്. മ​നോ​ദൗ​ർ​ബ​ല്യം ഉ​ണ്ടെ​ന്ന് ക​രു​തു​ന്ന ഇ​യാ​ളെ പി​ന്നീ​ട് മാ​ന​സി​കാ​രോ​ഗ്യ കേ​ന്ദ്ര​ത്തി​ലേ​ക്ക് മാ​റ്റി.