വാ​ഴ​ക്കു​ളം: കു​ട്ടി​ക​ളു​മാ​യി സ്കൂ​ളി​ലേ​ക്കു പോ​യ ബ​സി​ന് തീ​പി​ടി​ച്ചു. ബ​സ് പൂ​ർ​ണ​മാ​യി ക​ത്തി​ന​ശി​ച്ചു. ആ​ർ​ക്കും പ​രി​ക്കി​ല്ല. ഇ​ന്ന​ലെ രാ​വി​ലെ ഒ​മ്പ​തോ​ടെ ക​ല്ലൂ​ർ​ക്കാ​ട് നീ​റ​മ്പു​ഴ ക​വ​ല​യി​ലാ​ണ് സം​ഭ​വം.

ആ​യ​വ​ന ദി​ശ​യി​ൽ നി​ന്നെ​ത്തി നീ​റ​മ്പു​ഴ ക​വ​ല​യി​ൽ വാ​ഴ​ക്കു​ള​ത്തി​നു ബ​സ് തി​രി​ഞ്ഞ​പ്പോ​ൾ എ​ൻ​ജി​ൻ ഭാ​ഗ​ത്തു​നി​ന്ന് പു​ക ഉ​യ​രു​ന്ന​ത് ഡ്രൈ​വ​ർ വി​നോ​ദി​ന്‍റെ ശ്ര​ദ്ധ​യി​ൽ​പ്പെ​ടു​ക​യും ഉ​ട​ൻ ത​ന്നെ ബ​സ് നി​ർ​ത്തി കു​ട്ടി​ക​ളെ സു​ര​ക്ഷി​ത​മാ​യി പു​റ​ത്തി​റ​ക്കു​ക​യു​മാ​യി​രു​ന്നു.

ആ​യ​വ​ന ഭാ​ഗ​ത്തു നി​ന്നു​ള്ള കു​ട്ടി​ക​ളു​മാ​യി വാ​ഴ​ക്കു​ളം സെ​ന്‍റ് ലി​റ്റി​ൽ തെ​രേ​സാ​സ് ഹൈ​സ്കൂ​ളി​ലേ​ക്കു വ​ന്ന ബ​സി​നാ​ണ് തീ ​പി​ടി​ച്ച​ത്. ആ​യ​വ​ന​പ്ര​ദേ​ശ​ത്തു നി​ന്നു​ള്ള എ​ൽ​കെ​ജി മു​ത​ൽ ഒ​ന്പ​തു​വ​രെ​യു​ള്ള ക്ലാ​സു​ക​ളി​ലെ 26 കു​ട്ടി​ക​ളാ​ണ് ബ​സി​ലു​ണ്ടാ​യി​രു​ന്ന​ത്. ക​ഴി​ഞ്ഞ മാ​ർ​ച്ചി​ൽ വാ​ങ്ങി​യ പു​തി​യ വാ​ഹ​ന​മാ​യി​രു​ന്നു ഇ​തെ​ന്ന് സ്കൂ​ൾ പ്ര​ധാ​നാ​ധ്യാ​പി​ക സി​സ്റ്റ​ർ മെ​റി​ൻ പ​റ​ഞ്ഞു. ഷോ​ർ​ട്ട് സ​ർ​ക്യൂ​ട്ടാ​വാം അ​പ​ക​ട​ത്തി​നു കാ​ര​ണ​മെ​ന്നു ക​രു​തു​ന്നു. ക​ല്ലൂ​ർ​ക്കാ​ട് അ​ഗ്നി​സു​ര​ക്ഷാ സേ​ന എ​ത്തി തീ​യ​ണ​ച്ച​പ്പോ​ഴേ​ക്കും ബ​സ് പൂ​ർ​ണ​മാ​യി ക​ത്തി​യി​രു​ന്നു.