കൊ​ച്ചി: വീ​ടു​ക​ളി​ലേ​ക്ക് പ്ര​കൃ​തി വാ​ത​ക പൈ​പ്പ് ലൈ​ന്‍ വ​ലി​ക്കു​ന്ന സി​റ്റി ഗ്യാ​സ് പ​ദ്ധ​തി വ​ഴി ന​ഗ​ര​ത്തി​ല്‍ ഇ​തു​വ​രെ 6,397 വീ​ടു​ക​ള്‍​ക്ക് ക​ണ​ക്ഷ​ന്‍ ന​ല്‍​കി​യ​താ​യി കോ​ര്‍​പ​റേ​ഷ​ന്‍ അ​റി​യി​ച്ചു. 42,46,36,48 ഡി​വി​ഷ​നു​ക​ളി​ലാ​ണ് പ​ദ്ധ​തി ന​ട​ക്കു​ന്ന​ത്. കൂ​ടു​ത​ല്‍ ഡി​വി​ഷ​നു​ക​ളി​ലേ​ക്ക് വ്യാ​പി​പ്പി​ക്കാ​നു​ള്ള ത​യാ​റെ​ടു​പ്പി​ലാ​ണ് അ​ധി​കൃ​ത​ര്‍.

ക​ഴി​ഞ്ഞ ദി​വ​സം 42-ാം ഡി​വി​ഷ​നി​ല്‍ പ​ദ്ധ​തി പൂ​ര്‍​ത്തീ​ക​രി​ച്ചു. ബാ​ക്കി ഡി​വി​ഷ​നു​ക​ളി​ല്‍ പ​ദ്ധ​തി അ​തി​വേ​ഗം പൂ​ര്‍​ത്തി​യാ​യി​ക്കൊ​ണ്ടി​രി​ക്കു​ക​യാ​ണ്. ച​ക്ക​ര​പ്പ​റ​മ്പ് ഡി​വി​ഷ​നി​ല്‍ 80 ശ​ത​മാ​നം പ​ദ്ധ​തി പൂ​ര്‍​ത്തി​യാ​യ​താ​യി കൗ​ണ്‍​സി​ല​ര്‍ കെ.​ബി. ഹ​ര്‍​ഷ​ല്‍ പ​റ​ഞ്ഞു. എ​ന്നാ​ല്‍ റോ​ഡ് കു​ഴി​ക്കേ​ണ്ടി വ​രു​ന്ന​തി​നാ​ലും തെ​ര​ഞ്ഞെ​ടു​പ്പി​ന് ഒ​രു വ​ര്‍​ഷം കൂ​ടി മാ​ത്രം ഉ​ള്ള​തി​നാ​ലും കൂ​ടു​ത​ല്‍ കൗ​ണ്‍​സി​ല​ര്‍​മാ​ര്‍ ഡി​വി​ഷ​നി​ല്‍ ന​ട​പ്പി​ലാ​ക്കാ​ന്‍ മ​ടി​ക്കു​ന്നു​വെ​ന്ന ആ​രോ​പ​ണ​മു​ണ്ട്.

2016 ഫെ​ബ്രു​വ​രി​യി​ലാ​ണ് കോ​ര്‍​പ​റേ​ഷ​നി​ല്‍ പ​ദ്ധ​തി​ക്ക് തു​ട​ക്ക​മി​ട്ട​ത്. റോ​ഡ് കു​ഴി​ക്കു​ന്ന​തി​നെ ചൊ​ല്ലി​യു​ള്ള ത​ര്‍​ക്ക​ത്തി​ല്‍​പ്പെ​ട്ടു പ​ദ്ധ​തി വൈ​കി. പ്ര​ള​യ​വും കോ​വി​ഡും വ​ന്ന​തോ​ടെ വീ​ണ്ടും നീ​ണ്ടു. ആ​ദ്യം അ​നു​മ​തി ല​ഭി​ച്ച​ത് ദേ​ശീ​യ​പാ​ത​യി​ലും മ​രാ​മ​ത്ത് റോ​ഡു​ക​ളി​ലു​മാ​ണെ​ന്ന​തി​നാ​ല്‍ അ​വ​യ്ക്ക​രി​കി​ലു​ള്ള ഡി​വി​ഷ​നു​ക​ളി​ലാ​ണു പ​ദ്ധ​തി പു​രോ​ഗ​മി​ക്കു​ന്ന​ത്. അ​നു​മ​തി കി​ട്ടു​ന്ന മു​റ​യ്ക്കു കൂ​ടു​ത​ല്‍ പ്ര​ദേ​ശ​ങ്ങ​ളി​ലേ​ക്കു പ​ദ്ധ​തി വ്യാ​പി​പ്പി​ക്കും.

ഒ​രു പൈ​പ്പ് ലൈ​ന്‍ ക​ണ​ക്ഷ​ന്‍ എ​ടു​ക്കു​ന്ന​തി​ന് 7,150 രൂ​പ​യാ​ണ് നി​ര​ക്ക്. 6,000 ആ​ണ് സെ​ക്യൂ​രി​റ്റി​യാ​യി ന​ല്‍​കേ​ണ്ട​ത്. 1150 രൂ​പ പ്ലം​ബിം​ഗ് ചാ​ര്‍​ജാ​ണ്. ഇ​ത് പ​ല ത​വ​ണ​ക​ളാ​യി ന​ല്‍​കാം. ആ​ദ്യ ബി​ല്ലി​നൊ​പ്പം ഒ​റ്റ​ത്ത​വ​ണ​യാ​യോ, 2000 രൂ​പ, 500 രൂ​പ, 100 രൂ​പ എ​ന്നി​ങ്ങ​നെ​യോ ആ​ണ് ന​ല്‍​കേ​ണ്ട​ത്. ഇ​തി​ല്‍ 100 രൂ​പ അ​ട​യ്ക്കു​ന്ന​വ​ര്‍​ക്ക് ക​ണ​ക്ഷ​ന്‍ വി​ച്ഛേ​ദി​ക്കു​ന്ന സ​മ​യ​ത്ത് തു​ക തി​രി​കെ ന​ല്‍​കി​ല്ല.