എ​രു​മേ​ലി: അ​യ്യ​പ്പ​ഭ​ക്ത​ർ​ക്കും അ​മ്പ​ല​പ്പു​ഴ, ആ​ല​ങ്ങാ​ട്ടു സം​ഘ​ങ്ങ​ളു​ടെ പേ​ട്ട​തു​ള്ള​ലി​നും മു​സ്‌​ലിം ജ​മാ​അ​ത്ത് ന​ൽ​കു​ന്ന ഐ​ക്യ​ദാ​ർ​ഢ്യ​മാ​യ ച​ന്ദ​ന​ക്കു​ട ആ​ഘോ​ഷ​ങ്ങ​ൾ​ക്ക് ഒ​രു​ക്ക​ങ്ങ​ൾ തു​ട​ങ്ങി. ജ​നു​വ​രി പ​ത്തി​നാ​ണ് ച​ന്ദ​ന​ക്കു​ട ആ​ഘോ​ഷം. പി​റ്റേ​ന്നാ​ണ് അ​മ്പ​ല​പ്പു​ഴ, ആ​ല​ങ്ങാ​ട്ടു സം​ഘ​ങ്ങ​ളു​ടെ ഐ​തി​ഹ്യ പ്ര​സി​ദ്ധ​മാ​യ പേ​ട്ട​തു​ള്ള​ൽ.

രാ​ത്രി കാ​ഴ്ച​യ്ക്ക് ഏ​റെ ഭം​ഗി നി​റ​ച്ച് വൈ​ദ്യു​തി ദീ​പ​ങ്ങ​ളി​ൽ അ​ല​ങ്ക​രി​ച്ചി​രി​ക്കു​ക​യാ​ണ് നൈ​നാ​ർ ജു​മാ മ​സ്ജി​ദും കൊ​ച്ച​മ്പ​ല​വും വ​ലി​യ​മ്പ​ല​വും. മ​സ്ജി​ദി​ന്‍റെ ഉ​യ​ര​മേ​റി​യ മി​നാ​ര​ങ്ങ​ളി​ൽ സു​ര​ക്ഷാ സം​വി​ധാ​ന​ങ്ങ​ളോ​ടെ ത​മി​ഴ്നാ​ട് നാ​ഗ​ർ​കോ​വി​ൽ സ്വ​ദേ​ശി​ക​ളാ​യ പ​രി​ശീ​ല​നം നേ​ടി​യ തൊ​ഴി​ലാ​ളി​ക​ൾ വൈ​ദ്യു​തി വി​ള​ക്കു​ക​ൾ സ്ഥാ​പി​ച്ച​തോ​ടെ ദീ​പാ​ല​ങ്കാ​ര ജോ​ലി​ക​ൾ പൂ​ർ​ത്തി​യാ​യി. ശ​ബ​രി​മ​ല ന​ട തു​റ​ക്കു​ന്ന​ത് ഇ​ന്നാ​ണെ​ങ്കി​ലും അ​യ്യ​പ്പ ഭ​ക്ത​രു​ടെ തി​ര​ക്കി​ലാ​യി​രി​ക്കു​ക​യാ​ണ് എ​രു​മേ​ലി.

നാ​ളെ കൊ​ടി​യേ​റും

നാ​ളെ രാ​ത്രി ഏ​ഴി​ന് ജ​മാ​അ​ത്ത് പ്ര​സി​ഡ​ന്‍റ് നാ​സ​ർ പ​ന​ച്ചി ജു​മാ മ​സ്ജി​ദി​ൽ കൊ​ടി ഉ​യ​ർ​ത്തു​ന്ന​തോ​ടെ ആ​ഘോ​ഷ​ങ്ങ​ളു​ടെ തു​ട​ക്ക​മാ​കും. തു​ട​ർ​ന്ന് ജ​നു​വ​രി പ​ത്തി​ന് വൈ​കു​ന്നേ​ര​ത്തോ​ടെ ആ​ഘോ​ഷ​ങ്ങ​ൾ തു​ട​ങ്ങു​മെ​ന്ന് ജ​മാ​അ​ത്ത് സെ​ക്ര​ട്ട​റി മി​ഥു​ലാ​ജ് പു​ത്ത​ൻ​വീ​ട് അ​റി​യി​ച്ചു. അ​മ്പ​ല​പ്പു​ഴ പേ​ട്ട​തു​ള്ള​ൽ സം​ഘ​വു​മാ​യു​ള്ള സൗ​ഹൃ​ദ സ​മ്മേ​ള​നം ജ​മാ​അ​ത്ത് ഹാ​ളി​ൽ ന​ട​ക്കും.

മ​ന്ത്രി​മാ​രാ​യ വി. ​അ​ബ്ദു​ൽ റ​ഹ്മാ​ൻ, റോ​ഷി അ​ഗ​സ്റ്റി​ൻ എ​ന്നി​വ​ർ പ​ങ്കെ​ടു​ക്കും. ഇ​തി​ന് ശേ​ഷം മൂ​ന്ന് ആ​ന​ക​ളു​ടെ അ​ക​മ്പ​ടി​യോ​ടെ ച​ന്ദ​ന​ക്കു​ട ഘോ​ഷ​യാ​ത്ര പു​റ​പ്പെ​ടും. ചെ​ണ്ട​മേ​ളം, ശി​ങ്കാ​രി മേ​ളം, നി​ല​ക്കാ​വ​ടി, പൂ​ക്കാ​വ​ടി, പോ​പ്പ​ർ ഇ​വ​ന്‍റ്, സ​ഞ്ച​രി​ക്കു​ന്ന ഇ​ശ​ൽ ഗാ​ന​മേ​ള, ത​മ്പോ​ലം ഉ​ൾ​പ്പ​ടെ വാ​ദ്യ​ഘോ​ഷ​ങ്ങ​ളും ക​ലാ​പ​രി​പാ​ടി​ക​ളും അ​ണി​നി​ര​ക്കും. ജി​ല്ലാ ഭ​ര​ണ​കൂ​ടം, പോ​ലീ​സ്, ആ​രോ​ഗ്യ വ​കു​പ്പ്,

കെ​എ​സ്ആ​ർ​ടി​സി, വ്യാ​പാ​രി വ്യ​വ​സാ​യി സം​ഘ​ട​ന​ക​ൾ തു​ട​ങ്ങി​യ​വ​യു​ടെ സ്വീ​ക​ര​ണ​ങ്ങ​ളോ​ടെ ച​ര​ള, ടൗ​ൺ ചു​റ്റി പോ​ലീ​സ് സ്റ്റേ​ഷ​ൻ ഭാ​ഗ​ത്തു നി​ന്നും എ​ത്തി വ​ലി​യ​മ്പ​ല​ത്തി​ൽ ഘോ​ഷ​യാ​ത്ര പ്ര​വേ​ശി​ക്കും. ഘോ​ഷ​യാ​ത്ര പു​ല​ർ​ച്ചെ പ​ള്ളി​യി​ൽ എ​ത്തു​ന്ന​തോ​ടെ കൊ​ടി​യി​റ​ങ്ങും.

ഇ​ത്ത​വ​ണ തി​ര​ക്കേ​റും

മു​ൻ വ​ർ​ഷ​ങ്ങ​ളേക്കാ​ൾ ഇ​ത്ത​വ​ണ തി​ര​ക്കേ​റു​മെ​ന്നാ​ണ് പോ​ലീ​സ് ക​രു​തു​ന്ന​ത്. ഇ​ത് മു​ൻ​നി​ർ​ത്തി വി​പു​ല​മാ​യ സു​ര​ക്ഷാ സം​വി​ധാ​ന​ങ്ങ​ളും ഗ​താ​ഗ​ത ക്ര​മീ​ക​ര​ണ​ങ്ങ​ളു​മാ​ണ് സ​ജ്ജ​മാ​ക്കു​ക​യെ​ന്ന് പോ​ലീ​സ് അ​റി​യി​ച്ചു. മ​സ്ജി​ദി​ലും ക്ഷേ​ത്ര​ങ്ങ​ളി​ലും മെ​റ്റ​ൽ ഡി്റ​ക്ട​ർ വാ​തി​ൽ വ​ഴി​യാ​ണ് പ്ര​വേ​ശ​നം. ബോം​ബ് സ്‌​ക്വാ​ഡ്, ഡോ​ഗ് സ്‌​ക്വാ​ഡ് എ​ന്നി​വ​യു​ടെ സേ​വ​ന​വു​മു​ണ്ട്. ഹൈ​ടെ​ക് ക​ൺ​ട്രോ​ൾ റൂ​മി​ൽ നി​രീ​ക്ഷ​ണ കാ​മ​റ​ക​ളി​ലെ ത​ത്സ​മ​യ ദൃ​ശ്യ​ങ്ങ​ൾ നി​രീ​ക്ഷി​ച്ചു കൊ​ണ്ടി​രി​ക്കും.

അ​പ​ക​ട​ങ്ങ​ൾ ഒ​ഴി​വാ​ക്കാ​ൻ പാ​ത​ക​ളി​ൽ ഇ​ട​വേ​ള​ക​ൾ ചു​രു​ക്കി പ​ട്രോ​ളിം​ഗി​ന് നി​ർ​ദേ​ശ​മു​ണ്ട്. ഹെ​ലി​കോ​പ്റ്റ​റി​ലും ഡ്രോ​ൺ മു​ഖേ​നെ​യും നി​രീ​ക്ഷ​ണം തു​ട​രാ​നും തീ​രു​മാ​നി​ച്ചി​ട്ടു​ണ്ട്.

ക​ണ​മ​ല റൂ​ട്ടി​ൽ വി​ല​ക്ക് വേ​ണം

ച​ര​ക്ക് വാ​ഹ​ന​ങ്ങ​ളെ ക​രി​ങ്ക​ല്ലു​മു​ഴി - ക​ണ​മ​ല വ​ഴി ക​ട​ത്തി വി​ട​രു​തെ​ന്ന് മോ​ട്ടോ​ർ വാ​ഹ​ന വ​കു​പ്പ് ആ​വ​ശ്യ​പ്പെ​ട്ടു. ഇ​ത് സം​ബ​ന്ധി​ച്ച് പ​ല ത​വ​ണ പോ​ലീ​സി​ന് ക​ത്ത് ന​ൽ​കി​യ​താ​ണെ​ന്ന് വ​കു​പ്പി​ന്‍റെ റോ​ഡ് സേ​ഫ് സോ​ൺ വി​ഭാ​ഗം പ​റ​യു​ന്നു. ചെ​മ്പ​ക​പ്പാ​റ ഭാ​ഗ​ത്തെ പാ​റ​മ​ട​യി​ൽ നി​ന്നു​ള്ള ടോ​റ​സ് ലോ​റി​ക​ൾ വ​ലി​യ ഭാ​ര​വു​മാ​യി ക​രി​ങ്ക​ല്ലു​മു​ഴി ഇ​റ​ക്ക​ത്തി​ലൂ​ടെ സ​ഞ്ച​രി​ക്കു​ന്ന​ത് അ​പ​ക​ട​ങ്ങ​ൾ​ക്കി​ട ന​ൽ​കും.

ക​രി​ങ്ക​ല്ലു​മു​ഴി ഇ​റ​ക്ക​ത്തി​ൽ നി​യ​ന്ത്ര​ണം തെ​റ്റി​യാ​ൽ വ​ലി​യ അ​പ​ക​ട​മാ​കും സം​ഭ​വി​ക്കു​ക. നി​ല​വി​ൽ ഒ​ട്ടേ​റെ ത​വ​ണ അ​പ​ക​ട​ങ്ങ​ൾ സം​ഭ​വി​ച്ച​താ​ണ്. തീ​ർ​ഥാ​ട​ക​രു​ടെ​യും നാ​ട്ടു​കാ​രു​ടെ​യും സു​ര​ക്ഷി​ത​ത്വ​ത്തി​ന് ടോ​റ​സ് ലോ​റി​ക​ളു​ടെ ഇ​തു​വ​ഴി​യു​ള്ള സ​ഞ്ചാ​രം വി​ല​ക്ക​ണ​മെ​ന്നും പ​ക​രം മ​റ്റ് സ​മാ​ന്ത​ര പാ​ത​ക​ൾ വ​ഴി ലോ​റി​ക​ൾ ക​ട​ത്തിവി​ട​ണ​മെ​ന്നും മോ​ട്ടോ​ർ വാ​ഹ​ന വ​കു​പ്പ് നി​ർ​ദേ​ശി​ക്കു​ന്നു.

മ​ണി​പ്പു​ഴ - വെ​കു​റി​ഞ്ഞി, എം​ഇ​എ​സ് - പ്ര​പ്പോ​സ് റോ​ഡു​ക​ൾ ഭാ​രവാ​ഹ​ന​ങ്ങ​ൾ​ക്ക് അ​നു​യോ​ജ്യ​മാ​യ സ​മാ​ന്ത​ര പാ​ത​ക​ൾ ആ​ണെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു.