പാ​ലാ: സി​വി​ല്‍ സ്റ്റേ​ഷ​നി​ല്‍ പൊ​തു​ജ​ന​ങ്ങ​ള്‍​ക്കാ​യി പാ​ലാ ന​ഗ​ര​സ​ഭ തു​റ​ന്നു​കൊ​ടു​ത്ത കം​ഫ​ര്‍​ട്ട് സ്റ്റേ​ഷ​ന്‍ അ​ടി​സ്ഥാ​ന സൗ​ക​ര്യ​ങ്ങ​ളി​ല്ലാ​തെ ന​ശി​ക്കു​ന്നു. സി​വി​ല്‍ സ്റ്റേ​ഷ​ന്‍റെ പി​ന്‍​ഭാ​ഗ​ത്തു ര​ജി​സ്ട്രേ​ഷ​ന്‍ ഓ​ഫീ​സി​നു സ​മീ​പ​മാ​ണ് പൊ​തു​ജ​ന​ങ്ങ​ള്‍​ക്ക് ഉ​പ​യോ​ഗി​ക്കു​ന്ന​തി​നാ​യി ആ​റു​മു​റി​ക​ളോ​ടു കൂ​ടി​യ കം​ഫ​ര്‍​ട്ട് സ്റ്റേ​ഷ​ന്‍ 2019 ന​വം​ബ​റി​ല്‍ നി​ര്‍​മി​ച്ചു ന​ല്‍​കി​യ​ത്. അ​ഞ്ചു​ല​ക്ഷ​ത്തോ​ളം രൂ​പ​യാ​ണ് ചെ​ല​വ്.

എ​ന്നാ​ല്‍ നാ​ളി​തു​വ​രെ​യാ​യി ഇ​വ​യി​ല്‍ ഒ​രു മു​റി​പോ​ലും പൊ​തു​ജ​ന​ങ്ങ​ള്‍​ക്ക് ഉ​പ​കാ​ര​പ്പെ​ട്ടി​ട്ടി​ല്ല. ജ​ല​വ​കു​പ്പും ന​ഗ​ര​സ​ഭ​യു​മാ​യി ഒ​ത്തു​തീ​ര്‍​പ്പി​ലെ​ത്താ​തെ വ​ന്ന​തോ​ടെ ഒ​രു ദി​വ​സം പോ​ലും കം​ഫ​ര്‍​ട്ട് സ്റ്റേ​ഷ​നി​ല്‍ വെ​ള്ള​മെ​ത്തി​യി​ട്ടി​ല്ല. റ​വ​ന്യു അ​ധി​കൃ​ത​ര്‍ പ​രി​ഹാ​രം കാ​ണാ​മെ​ന്നു നി​ര്‍​ദേ​ശി​ച്ചി​രു​ന്നെ​ങ്കി​ലും അ​തും ന​ട​പ്പാ​യി​ല്ല.

നാ​ളു​ക​ളാ​യി അ​ട​ഞ്ഞു​കി​ട​ന്ന കെ​ട്ടി​ടം സാ​മൂ​ഹ്യ​വി​രു​ദ്ധ​ര്‍ കൈ​യ​ട​ക്കി​യി​രി​ക്കു​ക​യാ​ണ്. ഇ​വി​ടു​ത്തെ ക്ലോ​സ​റ്റു​ക​ളും പൈ​പ്പു​ക​ളും ത​ല്ലി​ത്ത​ക​ര്‍​ത്തു. ന​വീ​ക​ര​ണ പ്ര​വ​ര്‍​ത്ത​ന​ങ്ങ​ളു​ടെ ഭാ​ഗ​മാ​യി അ​ടു​ത്തി​ടെ പ​രി​സ​രം വൃ​ത്തി​യാ​ക്കി​യെ​ങ്കി​ലും ശൗ​ചാ​ല​യ​ങ്ങ​ള്‍ ഉ​പ​യോ​ഗ​ശൂ​ന്യ​മാ​ണ്.

സി​വി​ല്‍ സ്റ്റേ​ഷ​നി​ലും ര​ജി​സ്‌​ട്രേ​ഷ​ന്‍ ഓ​ഫീ​സി​ലും ജീ​വ​ന​ക്കാ​ര്‍​ക്കാ​യി കെ​ട്ടി​ട​ത്തി​നു​ള്ളി​ല്‍ ത​ന്നെ കം​ഫ​ര്‍​ട്ട് സൗ​ക​ര്യ​മു​ണ്ട്. ഇ​തി​നാ​ല്‍ ഉ​ദ്യോ​ഗ​സ്ഥ​രും പൊ​തു​ശൗ​ചാ​ല​യ​ത്തി​ന്‍റെ കാ​ര്യ​ത്തി​ല്‍ ശ്ര​ദ്ധ കാ​ണി​ക്കു​ന്നി​ല്ല. സി​വി​ല്‍ സ്റ്റേ​ഷ​നി​ലും വി​വി​ധ ഓ​ഫീ​സു​ക​ളി​ലും എ​ത്തു​ന്ന പൊ​തുജ​ന​ങ്ങ​ള്‍ പ്രാ​ഥ​മി​കാ​വ​ശ്യ​ങ്ങ​ള്‍​ക്ക് സൗ​ക​ര്യ​മി​ല്ലാ​തെ വ​ല​യു​ക​യാ​ണ്.

പാ​ലാ പൗ​ര​സ​മി​തി പ്ര​വ​ര്‍​ത്ത​ക​രാ​യ പി. ​പോ​ത്ത​ന്‍റെ​യും സെ​ബി വെ​ള്ള​രി​ങ്ങാ​ട്ടി​ന്‍റെ​യും നേ​തൃ​ത്വ​ത്തി​ല്‍ ന​ഗ​ര​സ​ഭാ അ​ധി​കൃ​ത​ര്‍​ക്കു നി​ര​വ​ധി പ​രാ​തി​ക​ള്‍ ന​ല്‍​കി​യി​ട്ടും പ​രി​ഹാ​ര​മാ​യി​ട്ടി​ല്ല. ന​ഗ​ര​സ​ഭാ ജീ​വ​ന​ക്കാ​ര്‍ ആ​ഴ്ച​ക​ള്‍​ക്കു​മു​മ്പ് ശു​ചി​മു​റി​ക​ള്‍ താ​ഴി​ട്ടു പൂ​ട്ടി​യി​രു​ന്നു. കം​ഫ​ര്‍​ട്ട് സ്റ്റേ​ഷ​ന്‍ കു​റ​വു​ക​ള്‍ പ​രി​ഹ​രി​ച്ച് ഉ​ട​ന്‍ തു​റ​ന്നു​കൊ​ടു​ക്ക​ണ​മെ​ന്നു പൗ​ര​സ​മി​തി ആ​വ​ശ്യ​പ്പെട്ടു.