ആക്രിക്കടയില് മോഷണം: യുവാവ് അറസ്റ്റില്
1463595
Thursday, October 24, 2024 5:43 AM IST
ഈരാറ്റുപേട്ട: ആക്രിക്കട കുത്തിത്തുറന്ന് മോഷണം നടത്തിയ യുവാവിനെ പോലീസ് അറസ്റ്റ് ചെയ്തു. പൂഞ്ഞാര് അരയത്തിനാല് സിറാജി (മുന്ന-36)നെയാണ് ഈരാറ്റുപേട്ട പോലീസ് അറസ്റ്റ് ചെയ്തത്.
കഴിഞ്ഞ മാസം 29നു രാത്രി ഈരാറ്റുപേട്ടയില് പ്രവര്ത്തിക്കുന്ന ആക്രിക്കട കുത്തിത്തുറന്ന് 20,000 രൂപ വില വരുന്ന സിസിടിവി മോണിറ്റര്, ഡിവിആര് എന്നിവ മോഷ്ടിച്ചു കടന്നുകളയുകയായിരുന്നു.
പരാതിയെത്തുടര്ന്ന് ഈരാറ്റുപേട്ട പോലീസ് നടത്തിയ പരിശോധനയില് മോഷ്ടാവിനെ തിരിച്ചറിയുകയും ഇയാളെ പിടികൂടുകയുമായിരുന്നു. പ്രതിയെ കോടതിയില് ഹാജരാക്കി.