മയക്കുമരുന്ന് കേസിലെ പ്രതികളെ ശിക്ഷിച്ചു
1463594
Thursday, October 24, 2024 5:43 AM IST
പാലാ: മയക്കുമരുന്നുകള് വില്പനയ്ക്കായി എത്തിച്ച കേസില് പ്രതികള്ക്ക് 22 വര്ഷം കഠിന തടവും പിഴയും വിധിച്ചു. 2023 മേയ് 23നു പാലാ-തൊടുപുഴ റോഡില് പാലാ കെഎസ്ആര്ടിസി ടെര്മിനലിനു മുന്വശത്ത് വില്പനക്കായി എംഡിഎംഎ, എല്എസ്ഡി മയക്കുമരുന്ന് എ ത്തിച്ച കേസിലെ പ്രതികൾകളെയാണ് ശിക്ഷിച്ചത്.
പ്രതികളായഎരുമേലി ഓലിക്കപാറയില് അഷ്കര് അഷറഫിന് (26) 22 വര്ഷം കഠിന തടവും ഒരു ലക്ഷം രൂപ പിഴയും ആമക്കുന്ന് നിര്ത്താലില് എന്.എന്. അന്വര്ഷായ്ക്കു(23)പത്തു വര്ഷം കഠിനതടവും ഒരു ലക്ഷം രൂപ പിഴയും ,
കുളത്തുങ്കല് അഫ്സല് അലിയാറിന് (21) 10 വര്ഷം കഠിനതടവും ഒരു ലക്ഷം രൂപ പിഴയുമാണ് തൊടുപുഴ എന്ഡിപിഎസ് സ്പെഷല് കോടതി ജഡ്ജ് കെ.എന്. ഹരികുമാര് വിധിച്ചത്.