കുറിച്ചി ഹോമിയോ മെഡിക്കല് കോളജില് കാന്സര്, മൂത്രാശയക്കല്ല് ഒപി പ്രവര്ത്തനം ആരംഭിച്ചു
1463678
Thursday, October 24, 2024 7:37 AM IST
കുറിച്ചി: കുറിച്ചി ഹോമിയോ മെഡിക്കല് കോളജില് കാന്സര് ഒപി, മൂത്രാശയക്കല്ല് ഒപി പ്രവര്ത്തനം ആരംഭിച്ചു.
പള്ളം ബ്ലോക്ക് പഞ്ചായത്തിന്റെയും കുറിച്ചി ഹോമിയോപ്പതി മെഡിക്കല് കോളജ് സര്ക്കാര് ആശുപത്രിയുടെയും സംയുക്താഭിമുഖ്യത്തില് കുറിച്ചി എണ്ണയ്ക്കാച്ചിറ സെന്റ് ഫ്രാന്സിസ് സേവ്യര് ചര്ച്ച് ഹാളില് സംഘടിപ്പിച്ച ആയുഷ് വയോജന മെഡിക്കല് ക്യാമ്പില് പള്ളം ബ്ലോക്ക് പഞ്ചായത്ത് പ്രസിഡന്റും ആശുപത്രി മാനേജ്മെന്റ് കമ്മിറ്റി ചെയര്മാനുമായ പ്രഫ. ടോമിച്ചന് ജോസഫ് ഒപി പ്രവര്ത്തനം ഉദ്ഘാടനം ചെയ്തു.
കാന്സര് ഒപി എല്ലാ ബുധനാഴ്ചകളിലും രാവിലെ ഒന്പതു മുതല് ഉച്ചകഴിഞ്ഞ് രണ്ടു വരെയും മൂത്രാശയകല്ല് ഒപി മാസത്തിലെ ആദ്യത്തെയും മൂന്നാമത്തെയും വെള്ളിയാഴ്ചകളില് രാവിലെ ഒന്പതു മുതല് ഉച്ചകഴിഞ്ഞ് രണ്ടു വരെയും പ്രവര്ത്തിക്കും.