സിന്ധുവിന്റെ കൈപ്പുണ്യത്തിന് നൂറിൽ നൂറ്
1463660
Thursday, October 24, 2024 7:18 AM IST
അതിരമ്പുഴ: പിഎം പോഷന്റെ ഭാഗമായി സ്കൂൾ പാചക തൊഴിലാളികൾക്കായി സംഘടിപ്പിച്ച പാചക മത്സരത്തിൽ ഏറ്റുമാനൂർ ഉപജില്ലയിൽനിന്ന് ഒന്നാം സ്ഥാനം കരസ്ഥമാക്കി അതിരമ്പുഴ സെന്റ് മേരീസ് എൽപി സ്കൂളിലെ സിന്ധു രാജീവ്. വിഭവം തയാറാക്കിയതിനോടൊപ്പം തയാറാക്കാനെടുത്ത രീതിയും ശുചിത്വവും പ്രദർശിപ്പിച്ച രീതിയും കണക്കിലെടുത്താണ് പ്രഖ്യാപനം.
പാചക വിദഗ്ധനായ ഷെഫ് ജോബി ജോസഫ് ഉൾപ്പെടുന്ന പാനലാണ് വിധി പ്രഖ്യാപനം നടത്തിയത്. ഏറ്റുമാനൂർ എഇഒ ശ്രീജ പി.ഗോപാൽ ഏറ്റുമാനൂർ ഉപജില്ല നൂൺമീൽ ഓഫീസർ ആർ. പ്രിയ എന്നിവർ സന്നിഹിതരായിരുന്നു.