കാറുകൾ കൂട്ടിയിടിച്ച് അപകടം
1463600
Thursday, October 24, 2024 5:49 AM IST
മുണ്ടക്കയം: മുണ്ടക്കയം ബൈപ്പാസിൽ കാറുകൾ തമ്മിൽ കൂട്ടിയിടിച്ച് അപകടം. ഇന്നലെ വൈകുന്നേരം നാലോടു കൂടിയാണ് അപകടമുണ്ടായത്. അമിതവേഗത്തിലെത്തിയ ഹോണ്ട കാർ റോഡിന്റെ വശത്ത് പാർക്കു ചെയ്തിരുന്ന മാരുതിക്കാർ ഇടിച്ചുതകർത്തു. അപകടത്തിൽ ആർക്കും പരിക്കില്ല.
ഹോണ്ട ജാസ് കാറിൽ ഡ്രൈവറെക്കൂടാതെ മറ്റൊരാളും ഉണ്ടായിരുന്നെങ്കിലും ഇവർ പരിക്കേൽക്കാതെ രക്ഷപ്പെട്ടു. അമിത വേഗത്തിലെത്തിയ ഹോണ്ട കാർ റോഡിന്റെ വശത്ത് പാർക്ക് ചെയ്തിരുന്ന മാരുതിക്കാർ ഇടിച്ച് 100 മീറ്ററോളം നിരക്കി നീക്കിയ ശേഷമാണ് നിന്നത്. മാരുതികാറിൽ ആരുമില്ലാതിരുന്നതിനാൽ വൻ അപകടം ഒഴിവായി.
കാർ പൂർണമായും തകർന്നു. ഹോണ്ട കാറിനും സാരമായ കേടുപാട് സംഭവിച്ചിട്ടുണ്ട്. മുണ്ടക്കയം പോലീസ് സ്ഥലത്തെത്തി മേൽ നടപടികൾ സ്വീകരിച്ചു.