തെക്കുംതല ഫിലിം ഇന്‍സ്റ്റിറ്റ്യൂട്ടിൽ കെ.ആര്‍. നാരായണന്‍റെ പ്രതിമ അനാച്ഛാദനം ചെയ്തു
1463658
Thursday, October 24, 2024 7:18 AM IST
കോട്ടയം: തെക്കുംതല ഫിലിം ഇന്‍സ്റ്റിറ്റ്യൂട്ട് ഓഫ് വിഷ്വല്‍ സയന്‍സസ് ആന്‍ഡ് ആര്‍ട്സില്‍ സംസ്ഥാന സര്‍ക്കാരിന്‍റെ നൂറുദിന പരിപാടികളുടെ ഭാഗമായി മുന്‍രാഷ്‌ട്രപതി കെ.ആര്‍. നാരായണന്‍റെ അര്‍ധകായപ്രതിമ മന്ത്രി ആര്‍. ബിന്ദു അനാച്ഛാദനം ചെയ്തു. മന്ത്രി വി.എന്‍.വാസവന്‍ അധ്യക്ഷത വഹിച്ചു.
കെ.ആര്‍. നാരായണന്‍റെ അര്‍ധകായപ്രതിമ രൂപകല്‍പന ചെയ്ത ശില്‍പി സി. എന്‍. ജിതേഷിനെ മന്ത്രി ചടങ്ങില്‍ ആദരിച്ചു. പ്രതിമ അനാച്ഛാദനത്തിനുശേഷം കെ.ആർ. നാരായണന്‍റെ ജീവിതത്തെ ആസ്പദമാക്കി ഇന്‍സ്റ്റിറ്റ്യൂട്ട് ഒരുക്കിയ ലഘു ഡോക്യുമെന്‍ററി ഹോപ് ഫോര്‍ ഓള്‍ ദ് ലെജന്‍റ് ഓഫ് കെ.ആര്‍. നാരായണന്‍ ഇന്‍സ്റ്റിറ്റ്യൂട്ടിലെ തിയറ്ററില്‍ പ്രദര്‍ശിപ്പിച്ചു.
അകലക്കുന്നം പഞ്ചായത്ത് പ്രസിഡന്‍റ് സിന്ധു അനില്‍കുമാര്‍, കെ.ആര്‍. നാരായണന്‍റെ കുടുംബാംഗം കെ. രാധാകൃഷ്ണന്‍, സംവിധായകന്‍ ഡോ. ബിജുകുമാര്‍ ദാമോദരന്‍, ശില്‍പി സി.എന്‍. ജിതേഷ്, പൂര്‍വ വിദ്യാര്‍ഥി പ്രതിനിധി ശ്രീവേദി കെ. ഗിരിജന്‍, സ്റ്റുഡന്‍റ് കൗണ്‍സില്‍ ചെയര്‍മാന്‍ ശ്രീദേവന്‍ കെ. പെരുമാള്‍, ഇന്‍സ്റ്റിറ്റ്യൂട്ട് ഡയറക്ടര്‍ പി.ആര്‍. ജിജോയ് എന്നിവര്‍ പ്രസംഗിച്ചു.